ގއ. ކަނޑުހުޅުދޫ: ދެ އަހަރު ނުފުރޭ ކުއްޖާގެ މަންމަ އަށް ވެސް ޖިންސީގޯނާކުރި މައްސަލައެއް ވަނީ ފެންމަތިކޮށްފައި. --ފޮޓޯ: ނިޝާން އަލީ/މިހާރު
18 ޖެނުއަރީ 2020 - 20:39
17 comments
ދެ އަހަރު ނުފުރޭ އަންހެން ކުއްޖަކު ޖިންސީ ޝިކާރައަކަށް ހެދި ކަމަށް ތުހުމަތުކުރާ 61 އަހަރުގެ ކާފަ، އެ ކުއްޖާގެ މަންމަ އަށް ވެސް ޖިންސީ ގޯނާކުރި މައްސަލަތަކެއް އިއްޔެ ފެންމަތިކޮށްފި އެވެ.
ގއ. ކަނޑުހުޅުދޫގައި ކުޑަ ކުއްޖެއްގެ ކާފަ އާއި މުނިކާފަގެ ފަރާތުން އެ ކުއްޖާ އަށް ޖިންސީ ގޯނާކުރި ކަން ފަޅާއެރީ ބޭސްފަރުވާ އަށް މަންމަ މާލެ ގޮސް އުޅެނިކޮށެވެ. އެ ކުއްޖާގެ އުޅުމާއި ކިޔައިދިން ވާހަކަތަކުން އެކަން ޝައްކުވީ މަންމަ ފަރާތު ބޮޑު ދައިތައަކަށެވެ. އޭގެ ކުރިން އެ ކުއްޖާ ދިރިއުޅެމުން އައީ މަސްތުވާތަކެތީގެ ޝިކާރައަކަށް ވެފައިވާ މަންމަ އާއި ބައްޕައާ އެކު އެވެ.
ބައްޕަ ފަރާތު ކާފަ އާއި މުނި ކާފަ ވެސް ދިރިއުޅުނީ އެ މީހުންނާ އެކު އެ ގޭގަ އެވެ. އެ ކުއްޖާ ރޭޕްކުރި މައްސަލަ ކަމާ ބެހޭ އިދާރާތަކުން ސީރިއަސްކޮށް އަންނަނީ ތަހުގީގު ކުރަމުންނެވެ. މި މައްސަލައިގައި ބައްޕަ އާއި ކާފަ އާއި މުނިކާފަ ވެސް ވަނީ ހައްޔަރުކޮށްފަ އެވެ.
ކުޑަ ކުއްޖާ އަށް ޖިންސީގޯނާކުރި މައްސަލަ ފަޅާނާރަނީސް، އޭނާގެ މަންމަ އަށް ބަފައިބެގެ ފަރާތުން ޖިންސީ ގޯނާކުރާ ކަމުގެ ތުހުމަތުތަކެއް ކުރެވިފައި އޮތް ކަމަށް ވެ އެވެ.
މި ރަށުގައި ދިރިއުޅޭ އަންހެންމީހާގެ އާއިލާ އިން "މިހާރު"އަށް ކިޔައިދިން ގޮތުގައި، އެ މައްސަލައިގައި އެ ގޭތެރޭގައި ޒުވާބުކުރާ އަޑު އެ ސަރަހައްދުގެ މީހުންނަށް އޮތީ އިވިފަ އެވެ.
"ކުއްޖާގެ ކާފަ [އޭނާގެ ބަފައިބެގެ] ފަރާތުން ޖިންސީ ގޯނާކުރިމަތިވި ކަމަށް އެބަ ބުނޭ. އޭނަ އަށް ކުރިމަތިވި ކަންކަން ކިޔައިދީފި ކޮއްކޮމެންނާއި ދައްތަމެންނަށް،" އާއިލާގެ މީހަކު ބުންޏެވެ.
އޭނާ ބުނިގޮތުގައި އެ ވާހަކަތައް ފުލުހުންނަށް ވެސް މިހާރު ވަނީ ކިޔައިދީފަ އެވެ.
"އެކި ދުވަސްތަކުގައި ބަފައިބެއާ ގުޅޭ ގޮތުން ޝައްކުވާ ވާހަކަތަކެއް ދައްކާފައި އެބަހުރި. ބަލިވެގެން މާލެ ދިޔައިރު ވެސް ވަރަށް އާދޭސްކުރި [އޭނާގެ ދަރިފުޅު] އެ ގޭގައި ނުބަހައްޓާ ގެންދަން."
ބަފައިބެއާ މެދު އެފަދަ ތުހުމަތުތަކެއް ކުރާ އަޑު އެ ގޭ ތެރެއިން އިވުނު އަވަށްޓެރިއަކު ވެސް އެ ވާހަކަތައް އަންހެންމީހާގެ އާއިލާ އަށް ކިޔައިދީފައިވެ އެވެ.
ރަށުގެ މުދިމަކަށް އުޅުނު މީހާއާ މެދު ތުހުމަތުތަކެއް ފެންމަތިވެފައިވީ ނަމަވެސް އޭނާ އެފަދަ ކަމެއް ކޮށްފާނެ ކަމަށް ގަބޫލުނުކުރާ ނުވަތަ ނުކުރެވޭ ބަޔަކު ވެސް މި ރަށުގައި އެބަ ތިއްބެވެ. މީގެ އަހަރުތަކެއް ކުރިން، ޖިންސީ ގޯނާގެ ތުހުމަތުތަކެއް އޭނާ އަށް ކޮށްފައިވިޔަސް ކަމާ ބެހޭ އެއްވެސް އިދާރާއެއްގައި އޭނާގެ ރެކޯޑެއް ނެތެވެ. ކުރިން އޭނާ އަށް ކުރި ތުހުމަތު ތަހުގީގުކޮށްފައެއް ވެސް ނުވެ އެވެ.
"އެހެންވީމަ ވެސް ގަބޫލުކުރަން އުނދަގޫ. އެހެންވިޔަސް މިކަމުގައި އޮތީ ވީ ގޮތް ހޯދުން،" މި ރަށުގެ މެދު އުމުރުގެ ފިރިހެނަކު ބުންޏެވެ.
ކުޑަ ކުއްޖާގެ މަންމަ ހޮސްޕިޓަލުން މިހާރު ވަނީ ގެއަށް ބަދަލުކޮށްފަ އެވެ. އެކަމަކު އައިޖީއެމްއެޗުގައި ފަރުވާދެމުން އަންނަ އެ ކުއްޖާގެ ޒިންމާ ދައުލަތުން ހަވާލުކުރީ ގދ. ތިނަދޫގައި ދިރިއުޅެމުން އަންނަ މާމައާ އެވެ.
އަންހެން މީހާގެ އާއިލާ އިން ދައްކާ ވާހަކަތައް، ފިރިހެން މީހާގެ އާއިލާ އިން ދޮގުކުރެ އެވެ. އެ މީހުންނާ ހަވާލާދީ މި ރަށުގެ ބައެއް މީހުން ބުނާ ގޮތުގައި، އަންހެން މީހާގެ އާއިލާގެ ބޭނުމަކީ އެ މީހުން ބަދުނާމުކުރުމެވެ. މުދިމު ހައްޔަރުކޮށްގެން މި ރަށުން ގެންދަން އުޅުމުން އާއިލާ މީހަކު ހިތްހަމަނުޖެހުން ވެސް ފާޅުކުރި އެވެ.
މުދިމުގެ އަންހެނުންނާއި ދަރިން ދިރިއުޅެނީ ހުޅުމާލޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖުދާ
19 January 2020
މަސްތުވާތަކެތީގެ ވަބާގައި ޖެހިގެން މުޅި ގައުމު މިއޮތީ ހަލާކުގެ ތެރެއަށް ގޮސްފައި! ޖަލުގައި އެކަހެރިކުރުމުގެ ބަދަލުގައި، ޑްރަގު ކޯޓެއް ހަދައިގެން ފަރުވާއަށް ހުކުމްކޮށް، އިސްލާހުކޮށް މުޖުތަމައު އަށް ނެރުމުގެ މޮޑެލް މިއޮތީ ހަމަ ފެއިލްވެފައި. ދެން މިކަމެއްނެތް ސަލާމަތްވާކަށް. ޝީޝެލްއިން އދ ގެ އެހީގައި މަސްތުވާތަކެއްޗާއި ދެކޮޅަށް ފެށިކަހަލަ ފަރުވާގެ ކެމްޕެއިނެއް ރާއްޖޭގައި ފަށަންޖެހޭ
ޢެޑްމުންޑޯ
19 January 2020
މިއަންހެކުއްޖާ ރޭހަތަރުދަ މު ބޮއިގެން ވާނުވާނޭގި އުޅެނީ އޭނާގެ ފިރިފިމީހާވެސް ރޭހަތަރުދަ މު އުޅެނީ ރަށުތެރޭ ޑްރަގުވިއްކަން ، ދެން ބަފާބެ ކިހާފޯރިއެއް ހުންނާނެ ،
ޖަނާ
19 January 2020
"މުދިމުގެ އަންހެނުންނާއި ދަރިން ދިރިއުޅެނީ ހުޅުމާލޭގަ އެވެ." ދެން ދެމަފިރިން ދުރުގަ އުޅުން މީ ދޯ މިކަހަލަ ކަންތައް ދިމާވުމުގެ އަސްލު! ދެން ފަހެ ތިހެން ނޫޅެ ދެވަނަ ކައިވެއްޏެއް ކޮށްގެން އަނބިމީހާ ކާރީ އޮންނަމަ ތިކަހަލަ ކަންތަކުން ދުރުވީސް!
ހޯރަ އިއްބެ
19 January 2020
މިހާރުން މިހާރަށް ތިކަހަލަ ހުރިހާ މީހުން ބަންދުކުރޭ. އެކަކުވެސް ދޫކޮށްގެން ނުވާނެ
ކޮއްކޮމެން
19 January 2020
ސޮރީ ޕޮލިސް ވަރައްބީޒީ ސްޓިކާ ޖެހުމުގަ، މީހުނާ ކުދިން ގެ ދިރިއުޅުމާ ފުރާނަ ގެއްލިގެން ގޮސް މުޖްތަމައު ހަލާކު ވާޒާތުގެ ކުދި ކުދި ކުއްތައް ހުއްޓުވުމައް ވުރެ ސްޓިކާ ޖެހުން މާ މުހިންމު.... ކޮބާ ލަދު..... ކޮބާ ކުރި ހުވާ ހެއްދެވި ފަރާތް ގަންދީ... ވަރައް ސަލާމް
އަމީނާ
19 January 2020
އަޅެފަހެ މި ގައުމަށް މިއުޅެނީ ކޮންފަދަ މުސީބާތެއް ޖެހިގެންތަ. 2019 ދިޔައީ މިގޮތަށް އަދި 2020 މި ފެށުނީވެސް އަދި މާގޯސްކޮށް. ރަގަޅު ހަމަ އެއްކަމެއްވެސް ނެތް
މަޒް
19 January 2020
ތި ބުނީ 2018 ވަރަށް ވެސް ބަރަކާތް ތެރިއޭތަ؟ ނުވަތަ 2018 އަދި އޭގެ ކުރީ ހަތަރު އަހަރު މުޅި ރާއްޖެ އޮތީ ޒިނޭއާ، މަސްތުވާތަކެއްޗާ، ވައްކަމާ، މީހުން މެރުން އަދި އެނޫންވެސް އެންމެހާ ބޮޑު ފާފަތައް ކުރުން އެއްކޮއް ހުއްޓިފައިހެއްޔޭތަ؟
އަބޫ
19 January 2020
އެއީ މުޅިއެ އާއިލާ ރޭވިގެން ކޮގެން އުލޭކަ އެއާއިލާގެ ހުރިހާ މީހުން ގެންގޮސް ތައްހުގީ ހިންގަ ޖެހޭ
ޙަނދާންނެތުނީ
19 January 2020
މިހާރު އިހާނެތި ކޮން މަޔަކުގެ އަނިޔާވެރި ވަކިތަކުން އެތަކެއް އަނިޔާއެއް ކުރު މަށްފަހު މަރާލެވުނު އިބްތިހާލަށް އިންސާފު ލިބުނީތޯ ؟
ބޮން ސޯދު
19 January 2020
އެކަމަކު ގާޒީ ހައިލަމްގެ މައްސަލަ ނިމުނު 12 ގަޑިއިރުން! މިކަން ނުނިމެންވީ ކީއްވޭ؟
ައިޙްސާސް
19 January 2020
ކަމުގެ ބާވަތުން މިއީކީ 12 ގަޑިއިރުން މައްސަލަ ނިންމޭވަރުގެ ކަންކަމެއް ނޫން.
ވޯލް
18 January 2020
ހުރިހާ ކަމެއް ގޯސްވަނީ، ލަދުވެތިކަމަށްޓަކައި އާއިލާއިން ކަންކަން ފޮރުވާތީ، ތިޔަ މުދިމުގެ އަައިލާ އޭނަގެ ކުދިން އަދި އަންހެނުންގެ އެއްވެސް ކުށެއް ނެތް އެމުދިމު ކުރާ ކަމަކާ އެކަމަކު އެމީހެއްގެ ދިފާއުގައި އުޅުމަކީ ތިމާމެންވެސް އެކަމުގައި ބައިވެރިވުން، ބަޔަކު ބޭޒާރު ކުރަން އުޅެނީއޭ ނުކިޔާ ކަންކަން ތަހްޤީގުކޮށް ބަލަންފެން ތިބޭ. އެހެން މީހަކު ކުރާ ކަމަށް އެހެން މީހުން ލަދުގަންނާކަށް ނުޖެހޭ.