ކުޑަ ކުއްޖަކު މަގެއްގެ މަތީގައި: ކުޑަކުދިންނަށް ޖިންސީ ގޯނާކުރުމުގެ މައްސަލަތައް ހަ މަސް ތެރޭގައި ނިންމަން ކޯޓުތަކަށް ވަނީ އަންގާފައި -- ފޮޓޯ/މިހާރު
23 ޖެނުއަރީ 2020 - 18:57
11 comments
ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް ކޯޓަށް ހުށަހަޅާ ދުވަހުން ފެށިގެން ހަ މަސް ތެރޭގައި ނިންމަން ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ކޯޓުތަކަށް އަންގައިފި އެވެ.
ކުޑަކުދިންނަށް ޖިންސީ ގޯނާކުރުމުގެ މައްސަލަތައް ކޯޓުތަކުން އަވަސް ކުރަން މި ނިންމީ، ގއ. ކަނޑުހުޅުދޫގައި ދެ އަހަރު ނުފުރޭ ކުޑަކުއްޖަކަށް އެ ކުއްޖާގެ މުނިކާފަ އާއި ކާފަ ޖިންސީ ގޯނާކުރި މައްސަލައެއް މިދިިޔަ ހަފުތާގައި ފެންމަތިވެ، އެތައް ބައެއްގެ ސަމާލު ކަމަށް އެކަން އައިސްގެންނެވެ. އޭގެ ތެރެއިން މުނިކާފަގެ އެފަދަ އެހެން މައްސަލައެއް ވެސް އޮތް އިރު، ދޫކޮށްލާފައި ހުރުމުން އެކަމުގެ ފާޑުކިޔުން ވަނީ އަމާޒުވެފަ އެވެ. އަދި އޭގެ ފަހުން ވެސް ކުޑަކުދިންނަށް ޖިންސީ ގޯނާކުރުމުގެ ގިނަ މައްސަލަތަކެއް ވަނީ ފެންމަތިވެފަ އެވެ.
އެ ކަންކަން ފެންމަތިވުމާ ގުޅިގެން، ކުޑަކުދިންނަށް ޖިންސީ ގޯނާ ކުރުމުގެ މައްސަލަތަކުގެ ޝަރީއަތް އަވަހަށް ކުރިއަށް ގެންދިއުމާ ބެހޭގޮތުން ޖުޑީޝަލް ސާވިސް ކޮމިޝަން (ޖޭއެސްސީ) އިން ކުރިން ވަނީ ކޯޓުތަކާ އެކު މަޝްވަރާކޮށް، އެކަމާ ބެހޭ އިންތިޒާމްތައް ހަމަޖައްސަން ޑީޖޭއޭ އަށް އަންގައިފަ އެވެ.
އެ އިދާރާ އިން މިއަދު ނެރުނު ސާކިއުލާއެއްގައިވާ ގޮތުން ކުޑަކުދިންނަށް ޖިންސީ ގޯނާކުރުމުގެ މައްސަލައެއް ކޯޓަށް ހުށަހަޅާ ވަގުތުން ފެށިގެން 24 ގަޑިއިރުގެ ތެރޭގައި އެ މައްސަލަ އަށް އިސްކަން ދީގެން، އިދާރީ އިންތިޒާމުތައް ހަމަޖައްސަން ޖެހޭނެ އެވެ. އަދި އެފަދަ މައްސަލަތަކުގައި ގާނޫނުތަކުން ލާޒިމްކުރާ މުއްދަތުތައް ދިނުމަށް ފަހު، ޝަރީއަތުގެ މަރުހަލާ ފަށައި، ކޮންމެ ދެ އަޑުއެހުމެއް ދެމެދުގައި 48 ގަޑިއިރަށް ވުރެ ދިގު މުއްދަތެއް ހޭދަ ނުވާނޭހެން އަޑުއެހުންތައް ދުރާލާ ތާވަލްކޮށް އަދި އެކަން ދެ ފަރާތަށް ވެސް އަންގަން ޖެހޭނެ ކަމަށް ސާކިއުލާގައިވެ އެވެ.
އެގޮތުން، އެފަދަ ކޮންމެ މައްސަލައެއް ވެސް ކޯޓަށް ހުށަހެޅޭ ދުވަހުން ފެށިގެން އެންމެ ލަސްވެގެން ހަ މަސް ތެރޭގައި ނިންމޭނެ ގޮތަށް ގަވާއިދުން ޝަރީއަތްތައް ކުރިއަށް ގެންދަން ޖެހޭނެ ކަމަށް ޖުޑީޝަލް އެޑްމިނިސްޓްރޭޓާ ޑރ. އަބްދުﷲ ނަޒީރު ސޮއި ކުރައްވައި، ނެރުއްވާފައިވާ ސާކިއުލާގައިވެ އެވެ.
މީގެ އިތުރުން، ކޮންމެ މަހެއް ނިމުމާ އެކު، އެ މަހެއްގައި ކުރިއަށް ގެންދިޔަ އެފަދަ މައްސަލަތަކުގެ ތަފްސީލު ޑީޖޭއޭއާ ހިއްސާ ކުރަން ވެސް އެ އިދާރާ އިން ވަނީ އަންގައިފަ އެވެ.
ސާކިއުލާގައިވާ ގޮތުން، އެގޮތަށް ހަމަޖެއްސީ އަވަހަށް ޝަރީއަތް ކުރިއަށް ގެންގޮސް، ތުހުމަތު ކުރެވޭ މީހާ އާއި މުޖްތަމައުގެ މަސްލަހަތު ރައްކާތެރި ކުރުމުގެ އިތުރުން އަނިޔާ ލިބުނު މީހާ އާއި ހެކިވެރިން ހިމާޔަތްކޮށް ދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
24 January 2020
ހުރިހާ މައްސަލައެއްވެސް 6 މަސްތެރޭ ނިމެންވާނެ.
ގޮއިދޫހަސަނު
24 January 2020
ތިޔައީ މަގުފޭރޭމީހުންއަތަށް ކަނޑިދިނުންކަހަލަކަމެއް. މަށްޤަބޫލުކުރެވޭގޮތުގައި ތިހަމަހަކީ، މާލޭގައިތިއްބަވާ އެމީހެއްގެ ދާއިރާގެ ސިޔާސީފަރާތްތަކާއިގުޅައި، އަޑިއަޑިން ޑީލުހަދައި ކަމުންރެކިގަނެ، މައްސަލައޮއްބާލައި، ސަލާމަތްވާންދެވޭ ފުރުސަތެއް. ތިމުއްދަތުގައި ރައްޔިތުން ތިކަންހަނދާންނެތި، އެކިހުނަރުގެބޭނުންކޮށް، ރެކޯޑުތަކުން ތިފަދަކަންތަސް ފުހެލެވޭނެޖާގަ ސްމާޓް މީހެއްނަމަ އޭނައަށްލިބޭނެ. ތިފަދަކަންތަކުގެނިންމުން 3 ހަފުތާގެތެރޭގައި ނިންމެންޖެހޭނެ.
ދެލުރިބޯ
23 January 2020
ދައުވާ ލިބޭ މީހާ ބަލިވެގެން ޝަރީއަތް ނުބޭއްވޭ ދުވަސްތައް ވަރަށް ފަސޭހައިން އަންނާނެ. 82 އަހަރުގެ މީހާއަށްވެސް ފަރުވާއަށް ހޮސްޕިޓަލަށް ގެންދިއަ ވާހަކަ އެހެން ނޫހެއްގަ ލިއެފަ އޮތް.
ޙިނި
23 January 2020
ޢިތުރު ހެޑުލައިން ނާޅާ، ޑިމޮކުރަސީއައް އިހުތިރާމުކުރޭ، ކަންކަން ނުވީމަ މިނިސްޓަރު އިސްތިއުފާދީ ނޫނީ ވަޒީފާއިން ވަކިކުރޭ. މިކަންނުވަންޏާ ދެން އެއްވެސް ކަމެއް ކުރެވޭވަރު ގާބިލުކަމެއް ސަރުކާރުގައި ނެތޭ ބުނެވޭނީ
ކަމެއްވާއިރަށް
23 January 2020
ކަމެއްވާ އިރަށް އިސްތިއުފާދޭން ޖެހެންޔާ އަރާކޮންމެ މީހަކު އޮންނާނީ އިސްތިއުފާ ދޭންޖެހިފަ. ކަންކަން ކުރުވާފަ ދަމާ އެއްލާލިޔަސް އޯކޭ. ކަންވެފަ އޮންނާނެ ދޯ. ކުރިން ތިބި މީހުންނަށް ޖެހޭ މިކަމުގަ އިހުމާލު ވާތީ ހުކުން ކުރަން
އިންޞާފު
23 January 2020
ރަނގަޅު ނިންމުމެއް. ހަމަ މިގޮތަށް،ވަޒީފާއާބެހޭ މައްސަލަތައްވެސް 06 މަސް ތެރޭގައި ނިންމުން މުހިންމު.
ޗާންސެލަރުން
23 January 2020
ތީހަމަ ދާނީ ތޮޅިޔަށް ކުޑަކޮށް ޯރި ކެނޑިލީމަ ދެން ހަމަ ވާނީ ބޮނޑު ނަގުލަށް ކޮބައިތޯ މާމަ ސިޑިގޮޅިން ވެއްޓުނީމަ ބަލަން ފެށި ސިޑި ގޮޅި ތައް ކިތައް ގޭ ޢިމާރާތްކޮށްފަ ސިޑިގޮޅިތައް ރަނގަޅުނޫން ގޮތްގޮތަށް ނިމިފަ ހުންނާނެތޯ މި ފަހުން މިއައި ސަރުކާރުތަކުގެ ބޭނުމަކީ އެކި ނަންނަމުގައި ވަރު ނެގުން ނަގާފަ އޭގައި ހިނޭޖެހުން މި ގައުމުގަ މިވަނި އިޖްތިމާޢިއްޔަތުގެ ފޭރާން ވީދި ނިކަމެތި ވެފަ
ަމަރީނާ
23 January 2020
ހަމަސް ދުވަހަކީ ވަރަށް ގިނަދުވަސް. ރާއްޖޭގައި ދިމާވާ މައްސަލަތައް ނިއްމަން އަހައްނާ ހަވާލުކުރިޔަސް 5، 10، 20، 30 ދުވަހުން ނުނިއްމާނެ ކަމެއްނެތް. ބޭނުންވަނީ އިހްލާސްތެރިކަން.
މުހުސިނު
23 January 2020
ހުރިހާ މައްސަލައެއްވެސް އަވަސްވާންޖެހޭ. ހުރިހާ އެންމެންނަށް ވެސް އިންޞާފު ލިބެންޖެހޭނެ. ވަރަށް ކުދި ކުދި އާދައިގެ މައްސަލަތައްވެސް މި ނިމެނީ ފަސް ހަ އަހަރުން . މުއާލާތް ކެނޑޭ ފަހުން
ކަބުރު
23 January 2020
ވަރަށް ރަގަޅުކަމެއް އެކަމު އެމީހުންނަށް އަށްނާނީ ޖަލުހުމެއްތާ ކިތަށްމެ ބޮޑު އަދަބެއްދިނަސް އެއްވެސް ރައްޔިތަކު ރުހޭނެތޯ މިފަދަ މީހުން ރައްޔިތުންގެ ފައިސާއިން އާފަލު ކާންދީގެން ޖަލުގައި ގެންގުޅެން މިފަދަ މީހުންނަށް ހައްގުވަނީ ހަމަ މަރުގެ އަދަބު
ބައިރޯ
23 January 2020
އުސޫލެއްގެ ގޮތުބް ރަންގަޅު އެކަމަކު ތިއައްވުރެވެސް އަވަސްވާންޖެހޭ، މަގޭބަހަކީ 3 މަސްދުވަސް، އަދި ހަރުކަށި ބޮޑުއަދަބު.