ކުރެއްދޫން އިޓަލީ ޓޫރިސްޓްގެ މައުލޫމާތު ސިއްރުކުރި

ނޫސްވެރިންގެ ބައްދަލުވުމުގައި ރިޔާޒު ދެއްކެވި ވާހަކަތަކުން ޖުމްލަކޮށް އެނގެނީ، އިޓަލީގެ ޓޫރިސްޓްގެ ކިބައިން ކޮވިޑް-19 ގެ ހުރިހާ އަލާމާތްތަކެއް ފެނި، އަދި ކުރެއްދޫ ޑޮކްޓަރަށް އެކަން އެނގުނު ނަމަވެސް، ސަރުކާރުގެ ކަމާ ބެހޭ ފަރާތްތަކަށް އެންގުމުގައި ކުރެއްދޫ ރިސޯޓުން ފަރުވާކުޑަކޮށް، ސިއްރުކޮށްފައިވާ ކަން. ބަލިވެގެން އެހެން ޓޫރިސްޓުން ވެސް ޑޮކްޓަރަށް ދައްކަމުން ދިޔަ ކަމަށް ވިޔަސް، އެއިން އެއްވެސް މީހެއްގެ ކިބައިން އެފަދަ އަލާމާތްތަކެއް ނުފެނި އެކަމަކު އެންމެ ޓޫރިސްޓެއްގެ ކިބައިން ހުރިހާ އަލާމާތެއް ފެނުނު އިރު އެކަން އަންގަން މެނޭޖްމަންޓުން ބޭނުންނުވުމަކީ، ވަރަށް ބޮޑު މައްސަލައެއް ކަމަށް ބެެލެވޭ.

ފުލުހުންގެ ނިއުސް ކޮންފަރެންސް ނިންމާލައިފި.

އިހުމާލެއް އޮތީ ކޮން ބައެއްގެ ތޯ އެނގޭނީ ތަހުގީގަށް ފަހު. އެއީ އެމްއޭސީއެލްތޯ ނުވަތަ އެހެން ފަރާތެއްތޯ އެނގެނީ ތަހުގީގަށް ފަހު ކަމަށް ފުލުހުން ބުނި.

ރިޔާޒު ވިދާޅުވީ ފްލައިޓްގައި ފަތުރުވެރިޔާ ފެއިންޓް ވެފައި ނުވާ ކަަމަށް. އޭނާ ދެ ފަހަރަށް ފެއިންޓްވީ އެއާޕޯޓްގައި ހުއްޓާ ކަމަށް ވިދާޅުވި. އޭނާ ފްލައިޓުން ބޭލީ، އެހެން ދަތުރުވެރިންގެ ފަރާތުން ކެޕްޓަނަށް ލިބުނު މައުލޫމާތާއި އޭނާ ދެ ފަހަރަށް އަނބުރައި ގަތުމުން، އެހާ ދިގު ދަތުރެއް ކުރުން ރަނގަޅު ނޫން ކަމަށް ކެޕްޓަނަށް ވިސްނިގެން ކަމަށް، ރިޔާޒު ވިދާޅުވި.

އިޓަލީގެ ޓޫރިސްޓް މީހާ މާޗު 1 ގައި ފުރަން ގޮސް އެއާޕޯޓްގައި ހުއްޓާ ދެ ފަހަރަށް ވެއްޓުނު. އަދި އޭނާ ދަތުރުކުރަން ފްލައިޓް ކެޕްޓަން ދެކޮޅު ހެދުމުން، އޭނާއަށް ފުރޭ ގޮތް ނުވުމާ އެކު މާގިރި ހޮޓަލަށް ގެންދިޔަ ކަަމށް ވިދާޅުވި.

ރިޔާޒު ވިދާޅުވި ގޮތުގައި ތަހުގީގުގައި ސުވާލުކުރަން ޖެހޭ ކޮންމެ ފަރާތަކާ ވެސް ސުވާލުކުރާނެ ކަމަށް. އޭގެ ތެރޭގައި މެނޭޖްމަންޓާއި އެނޫން މީހަކާ ސުވާލުކުރަން ވިޔަސް ކުރާނެ ކަމަށް ވިދާޅުވި.

ރިޔާޒު ވިދާޅުވީ އިޓަލީ ޓޫރިސްޓް މީހާގެ ކަންކަމުގައި ވަކި ބައެއްގެ ނުފޫޒެއް ފޯރުވިކަމުގެ މައުލޫމާތެއް ލިބިފައެއް ނުވޭ. އެއާޕޯޓް ތެރޭގައި އެވަގުތު ކަންކަން ނިންމާފައި ހުރީ ވަގުތުން ކަމަށް ވެސް އޭނާ ވިދާޅުވި.

ފުލުހުން ބުނީ އިޓަލީގެ ޓޫރިސްޓްގެ ކިބައިން ކޮވިޑް-19 ގެ އަލާމާތްތައް ރިސޯޓްގެ ޑޮކްޓަރަށް ފެބްރުއަރީ 26-27 ގައި ދެއްކި ދެ ދުވަހު ވެސް ފެންނަން ހުއްޓަސް، އެ ވާހަކަ އެޗުޕީއޭއަށް އަންގަން މެނޭޖްމަންޓަށް ނުނިންމުނީ، ބަލިވެގެން އެހެން ޓޫރިސްޓުން ވެސް ޑޮކްޓަރަށް ދައްކަމުން ދާތީ ކަމަށް.

ކޮވިޑް-19 އާ ގުޅިގެން ފުލުހުން މިއަދު ފެށި ޚާއްސަ އޮޕަރޭޝަން ކުރިއަށް ގެންދަނީ ހާލަތު އަންގައިދީ، ނަސޭހަތް ދިނުމަށް ކަމަށް ފުލުހުން ބުނި. އެހެންވެ، ގިނަ ވަގުތު ޒަރޫރ ބޭނުމެއްގައި ނޫން ގޮތަކަށް މަގުމަތީގައި ނޫޅުމަށް ފުލުހުން ތަކުރާރުކޮށް އިލްތިމާސްކުރި. ކޮންމެހެން ދާން ޖެހިގެން ނޫން ގޮތަކަށް އެއާޕޯޓުތަކަށް ވެސް ނުދިއުމަށް ފުލުހުން އެދޭ.

އިޓަލީގެ ޓޫރިސްޓަށް ފަރުވާ ދިން ޑޮކްޓަރު މިހާރު ހުރީ ކޮވިޑް-19 އަށް ޕޮޒިޓިވްވެގެން ކަރަންޓީންކޮށްފައި. އެހެންކަމުން މިހާރު ކުރިއަށް ދާ ތަހުގީގޫގައި ސީދާ އެމީހުންނާ ބައްދަލުކޮށް އަދި ސުވާލު ނުކުރެވޭ ކަމަށް ރިޔާޒު ވިދާޅުވި.

މި އޮތް ހުރިހާ ދުވަހު ޚަބަރުތަކުގައި ބުނަމުން އައީ އިޓަލީ ޓޫރިސްޓަށް ކޮވިޑް-19 ޖެހުނުކަން އެންގީ އޭނާ އެޗުޕީއޭއަށް ގުޅައިގެން ކަމަށް. ނަމަވެސް ރިޔާޒުގެ ވާހަކަތަކުން އެނގުނީ އޭނާ ފުރީއްސުރެ ކުރެއްދޫ ރިސޯޓުން އޭނާގެ މައުލޫމާތު ހޯދަމުން ދިޔަ ކަމާއި ކަމާ ބެހޭ ފަރާތްތަކަށް އެކަން އެންގީ ކުރެއްދޫން ކަން.

ރިޔާޒު ވިދާޅުވީ ފަތުރުވެރިޔާއަށް ކޮވިޑް-19 ހުރިކަން އެންގީ އޭނާ ނޫން ކަމާއި ރިސޯޓުން އޭނާއަށް ގުޅައިގެން އެ މައުލޫމާތުތައް ހޯދީ ކަމަށް.

ރިޔާޒު ވިދާޅުވީ ސިއްރުކުރުމުގެ ނިޔަތުގައި ރިސޯޓުން ކަންތައްތަކެއް ކުރިކަން މުޅިން އެނގޭނީ ތަހުގީގު ނިމުނީމާ ކަމަށް.

ރިޔާޒު ވިދާޅުވީ އިޓަލީގެ ޓޫރިސްޓް މީހާގެ ކަރުތެރޭގައި މައްސަލަތަކެއް ދިމާވެގެން ކުރެއްދޫގެ ޑޮކްޓަރަށް ދެއްކުމުން، އޭނާގެ ކިބާގައި ކޮވިޑް-19ގެ އަލާމާތްތަކެއް ހުރިކަން ފާހަގަކުރެވުނަސް، އެ ވާހަކަ އެޗުޕީއޭއަށް އެންގުމާ މެދު މެނޭޖްމަންޓުން އެއްބަސްވުމަކަށް ނާދެވުނު ކަމަށް. އެކަމަކު އެޗުޕީއޭގެ ހޮޓްލައިނާ ގުޅީ ޑޮކްޓަރުގެ ކަންބޮޑުވުންތަކެއް ހުރެގެން ކަމަށް ވިދާޅުވި.

ކޮވިޑް-19 އަށް ޝައްކުރެވޭ އެއްވެސް މީހަކު ހުރިކަމާއި ނުވަތަ ފަރުވާ ދެމުންދާ ކަން ފަދަ އެއްވެސް މައުލޫމާތެއް، ގާތްގަނޑަކަށް ތިން މިނިޓަށް ދެމިގެން ދިޔަ ފޯން ކޯލްގައި ޑރ. ދީފައި ނުވާ ކަމަށް ރިޔާޒު ވިދާޅުވި

ރިޔާޒު ވިދާޅުވީ އެ ޓޫރިސްޓް ބަލިވެގެން އަދި ކޮވިޑް-19 ގެ އަލާމާތްތައް ހުރިކަން ޑޮކްޓަރަށް އެނގުނަސް އޭނާ އެޗުޕީއޭގެ ހޮޓްލައިނާ ގުޅިގެން ސާފުކުރީ ކޮވިޑް-19 އަށް ޝައްކުކުރެވޭ ކްރިޓީރިޔާއަށް އެއްވެސް ބަދަލެއް އައިސް ހުރިތޯ ފަދަ މައުލޫމާތު ކަމަށް.

ދަރުބާރުގޭގައި މިހާރު ކުރިއަށް ދާ ފުލުހުންގެ ޕްރެސް ކޮންފަރެންސްގައި އެސިސްޓެންޓް ކޮމިޝަނަ އޮފް ޕޮލިސް މުހައްމަދު ރިޔާޒު ދެއްކެވި ވާހަކަތަކަށް ބަލާއިރު، ކުރެއްދޫ ރިސޯޓްގެ މެނޭޖްމަންޓުން ވަނީ ގަސްދުގައި އިޓަލީގެ ޓޫރިސްޓްގެ މައުލޫމާތު އެޗުޕީއޭއަށް ނުދީ ސިއްރުކޮށްފައި

އިޓަލީގެ ޓޫރިސްޓް މީހާގެ ކިބައިން ކޮވިޑް-19 ގެ ހުރިހާ އަލާމާތްތަކެއް ހުއްޓަސް، އެޗުޕީއޭގެ ހޮޓްލައިނާ ގުޅައިގެން ކުރެއްދޫ ރިސޯޓްގެ ޑރ. އެ ވާހަކަ ބުނެފައި ނުވާ ކަމަށް، ފުލުހުން ދާދި ދެންމެއަކު ބުނެފި.

މިހާތަނަށް އެއް ކުރެވުނު މައުލޫމާތުތަކަށް ބަލާއިރު، ކޮވިޑްގެ އަލާމާތްތައް ޓޫރިސްޓް މީހާގެ ގައިން ފެނޭ. ފުރަތަމަ ރިސޯޓުން ނިންމީ ހޮޓްލައިނަށް ނުގުޅަން. އެކަމަކު ޑޮކްޓަރު ހޮޓްލައިނަށް ޑޮކްޓަރު ގުޅި. ގުޅައިގެން ވާހަކަ ދެއްކެވުނީ ސަސްޕެކްޓް ކުރެވޭ ކްރައިޓީރިއާ އަށް އެއްވެސް ބަދަލެއް އައިސްފައިވޭތޯ އާއި ގައުމުތަކަށް ބަދަލެއް އައިސްފައިވޭތޯ ބެލުމަށް.

ފެބްރުއަރީ 27 ވަނަ ދުވަހު ޓޫރިސްޓް މީހާ ވެއްޓިގެން ވެސް ޑޮކްޓަރަށް ދެއްކި. ޑޮކްޓަރު ވެސް އިތުރަށް ކަންކަން ދެނެގަނެވޭނީ ޓެސްޓުތައް ހަދައިގެން ކަމަށް ޑޮކްޓަރު ޓޫރިސްޓް މީހާ އަށް އެންގި. އެކަމަކު ޓެސްޓް ހަދަން ޓޫރިސްޓް މީހާ އިންކާރު ކުރި. ބޭސް ދީފައި ބެޑް ރެސްޓް ކުރުމަށް އަންގާފައި ޑޮކްޓަރު އޭނާ ކޮޓަރި އަށް ފޮނުވާލި.

ޓޫރިސްޓް މީހާ މާލެ ފެބްރުއަރީ 23 ގައި. ޑޮކްޓަރަށް ދެއްކީ ފެބްރުއަރީ 26 ގައި.

ކުރެއްދޫގައި ހުރި އިޓަލީގެ ޓޫރިސްޓް މީހާ ފުރައިގެން ދިޔަ މައްސަލައިގައި އެސިސްޓެންޓް ކޮމިޝަނާ އޮފް ޕޮލިސް މުހައްމަދު ރިޔާޒް ވިދާޅުވީ، ކަން ހިނގައިދިޔަ ގޮތުގެ މައުލޫމާތު ވަނީ އެއް ކުރެވިފައި. އޭގެ ތެރޭގައި އެެއާޕޯޓުގެ ހެލްތު ކްލިނިކް ފަދަ ތަންތަނުން މައުލޫމާތު ވަނީ އެއްކޮށްފައި