ޚަބަރު / މުހައްމަދު މަބްރޫކް އަޒީޒް (ރައީސް އޮފީސް)

ފެލައިނީއާ ބައްދަލުވި މީހުން ތިބި ދެ ގެއެއް ބަންދުކޮށްގެން ބަލަނީ

ފުޓްބޯޅަ ކުޅުންތެރިޔާ މަރުއޯން ފެލައިނީ. އޭނާ ކޮވިޑް-19 އަށް ޕޮޒިޓިވް ވުމުން ރާއްޖޭން އޭނާއާ ކޮންޓެކްޓްވި މީހުން ހޯދަން އެޗްޕީއޭއިިން އަންނަނީ މަސައްކަތްކުރަމުން. ފައިލް ފޮޓޯ

މުހައްމަދު ނަސީމް، މިހާރު

23 މާޗް 2020 - 16:17

30 comments

ރާއްޖޭގައި ޗުއްޓީއެއް ހޭދަކޮށް، ޗައިނާއަށް ދިޔަ ފަހުން ކޮރޯނާވައިރަސް އަށް ޕޮޒިޓިވްވި ބެލްޖިއަމްގެ ފުޓްބޯޅަ ކުޅުންތެރިޔާ މަރުއޯން ފެލައިނީއާ ކޮންޓެކްޓްވި މީހުން ދިރިއުޅެމުން އައި މާލޭގެ ދެ ގެއެއް ބަންދުކޮށް، އެތަންތަނުގައި އުޅޭ އެހެން މީހުން ވެސް ޓެސްޓްކުރަން ފަށައިފި އެވެ.

ކޮރޯނާވައިރަސްއާ ބެހޭ ނެޝަނަލް އެމެޖެންސީ އޮޕަރޭޝަން ސެންޓަރުގެ ތަރުޖަމާން އަދި ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލް އަޒީޒް ވިދާޅުވީ ކޮންޓެކްޓްވި މީހުންގެ ސާމްޕަލްތައް ނެގެންދެން އެ ދެ އިމާރާތް ވެސް ހުންނާނީ މޮނިޓަރިންގެ ހާލަތުގައި ކަަމަށެވެ.

"މާލޭގެ ދެ ގެއެއް މޮނިޓަރިންނަށް ދިޔައީ އެއީ [އެ ދެ ގޭގައި ތިބި ބައެއް މީހުންނަކީ] ޑައިރެކްޓް ކޮންޓެކްޓްސް އަށް ވެފައި، ސިމްޕްޓަމެޓިކް [ނިޝާންތައް ފެނުން] ވީމާ،" އޭނާ ވިދާޅުވި އެވެ.

ކޮވިޑް-19 ފެތުރުން ހުއްޓުވަން ރާއްޖޭން ކުރާ މަަސައްކަތާ ބެހޭ ގޮތުން މަބްރޫކް މީޑިއާއާ ވާހަކަ ދައްކަވަނީ. ފޮޓޯ: އަހުމަދު އަވްޝަން/މިހާރު

އެކަމަކު އެއީ ކޮން ދެ ގެއެއް ކަމެއް އޭނާ ވިދާޅެއް ނުވެ އެވެ.

އިނގިރޭސި ޕްރިމިއަ ލީގުގެ މެންޗެސްޓަ ޔުނައިޓެޑާއި އެވަޓަންއަށް ކުޅެ، ރާއްޖޭގައި ވެސް މަޝްހޫރުކަން ހޯދާފައިވާ ފެލައިނީއާ ބައްދަލުވި މީހުން ހޯދުމުގެ މަސައްކަތް އަދިވެސް ކުރިއަށްދާ ކަމަށް މަބްރޫކް ވިދާޅުވި އެވެ. އެގޮތުން އޭނާ ވިދާޅުވީ ކުޅުންތެރިޔާއާ އެކި މީހުން ކޮންޓެކްޓްވީ ވަރާއި ނުރައްކާ އޮތް މިންވަރުގެ ދެނެގަންނަމުން ވެސް އަންނަ ކަމަށެވެ.

ކޮރޯނާވައިރަސް އަށް ފެލައިނީ ޕޮޒިޓިވް ވީ ރާއްޖޭގެ އެންމެ މަތީ އެއް ރިސޯޓް، ވަން އެންޑް އޮންލީ ރީތިރަށުގައި ޗުއްޓީ ހޭދަކުރުމަށް ފަހު މާޗު 12 ގައި، އެނބުރި ޗައިނާ އަށް ދިޔަ ފަހުން މިދިޔަ ހުކުރު ދުވަހު އެވެ. އޭނާ ރާއްޖޭގައި ހުރިއިރު އޭނާއާ ކޮންޓެކްޓްވި ދެ މީހެއްގެ ކިބައިން އެ ބަލީގެ އަލާމާތްތައް ފެނުމުން ކަރަންޓީންކޮށް ޓެސްޓުތައް އަންނަނީ ހަދަމުންނެވެ.

އޭނާ މިހާރު ކުޅެމުން އަންނަނީ ޗައިނާގެ ޝަންޑޮން ލުނެން އަށެވެ.

ކޮރޯނާވައިރަސްއަށް ފެލައިނީ ޕޮޒިޓިވް ވުމާ ގުޅިގެން އެ ރިސޯޓް މޮނިޓަރިންގެ ހާލަތަށް ނުގެނައީ ކީއްވެތޯ ސުވާލު ކުރުމުން މަބްރޫކް ވިދާޅުވީ ރާއްޖޭގައި މިހާރު އަޅާފައި އޮތް ފިޔަވަޅުތަކާ އެކު ރީތިރަށަށް ވެސް މިހާރު އަރައިފައިބާ ނުހެދޭނެ ކަމަށެވެ.

"މިކަން ހަމަ އެނގުމާ އެކީ ކުރިއްސުރެ އެރަށް ބެލެހެއްޓުނު ގޮތަށް، ކޮންޓެކްޓް ޓްރޭސިންގެ މަސައްކަތް [އަންނަނީ ކުރަމުން]. ހައިރިކްސް ކޮންޓެކްޓްތައް ހަމަ އައިޑެންޓިފައި ކުރަމުން ދަނީ،" އޭނާ ވިދާޅުވި އެވެ.

ސިއްހަތު ޕަބްލިކް ހެލްތު ހެލްތު ޕްރޮޓެކްޝަން އެޖެންސީ މުހައްމަދު މަބްރޫކް އަޒީޒް (ރައީސް އޮފީސް) މާލެ ބަލިތައް ވަން އެންޑް އޮންލީ ރީތި ރަށް ރިސޯޓްތައް ޓޫރިޒަމް ޓޫރިސްޓުން

30 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިން

24 March 2020

މާލޭގަ ތިބި ބިދޭސިން ދިވެހިންނަށް ވުރެ ގިނަ މިމީސް މީހުން ރަގަޅަށް ޗެކް ކޮށް ބެލެންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

23 March 2020

މި ވައިރަހުން ސަލާމަތްވާން އޮތް ގޮތްތައްކަމަށް ބުނެ ސައިންސްވެރިން ލަފާކުރާގޮތްތައް. 1. ވެކްސިނެއް އުފެއްދުން، 12-18 މަހާއި ދޭތެރޭ ވަގުތު ނަގާނެ 2. ބޭހެއް އުފެއްދުން، އަދި އެގެންނެތް 3. މުޅި ގައުމު ލޮކްކޮށްގެން ތިބުން 4. އާބާދީގެ ބޮޑުބަޔަކަށް ބަލިޖެހި އަމިއްލައަށް ބަލި ފަސޭހަވެ ނެޗުރަލް އިމުނިޓީ ލިބުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނަ

23 March 2020

4 . ނަގައިފިއްޔާ ޔޫކާގަ އެކަނިވެސް 5 ލައްކަ މީހުން މަރުވާނެ... ރާއްޖޭގަ މިކަހަލަ ދިރާސާއެއް ނެއްހެދިފައެއް... 500 މީހުން މަރުވެޔޯ ބުއްޔަސް އެއީ މާބޮޑު އަގެއް.. ގެރެއްޓީއެއްނެއި ހޭޑް އިމުނިޓީ ވޯކްކޮއްފާނެ ކަމެއްވެސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިސް

23 March 2020

ބޮޑު ވަބާއެއްގެ ތެރޭގަވެސް ފުޓުބޯޅަ ކުޅޭ މީހެއްވިއްޔާ ގޮސް އޮޅުލައިގަންނާތި. ސާބަސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫނުސް

23 March 2020

ދިވެހިންނަ ހީވަނީ ފުޓްބޯޅައެއް ޖަހައިފިއްޔާ އެއީ ސްޕަރސްޓާއެއްކަމަށް. މެންޗެސްޓާރ ޔުނައިޓަޑް ސަޕޯޓަރުން މަރުވާން ދަންނަނީ ބޮޑު ކުޑައެއްގޮތަށް، ވާރޭ ވެހޭއިރު ކައިރީގަ ހުއްޓިއްޖެއްޔާ ނުތެމޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީހށނ

23 March 2020

މމިވައިރަހަށް ހޭނި ވައިރަހާއެކު ދިރިއުޅެން ދަސްކުރުން ނޫންގޮތެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިތިރި

23 March 2020

އަދިވެސް ނަތީޖާ ނުލިބޭތޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަްސީ

23 March 2020

ގެބޭރުގަ އިއުލާނެއް ހަރުކޮއްފަ ހުރީ މިވަރަކުން ނުފުދޭތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅޯ

23 March 2020

ޓޫޜިސްޓުން ނަށް ރާއްޖެ ހުޅުވާލައިފައި ބާއްވާގެން ކޮވިޑް 19 ކޮންޓްރޯލް ކުރާށޭ ކިޔާފައި ސަރުކާރުން ތިކުރާ މަސައްކަތާ މެދު ސުވާލު އުފެދެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީނނޭ

23 March 2020

ގޭގެ ނަން ނުބުނަންޏާ ތި ދެވެނީ އަނިޔާއެކޭ ނުބުނެވޭނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

23 March 2020

ކޮބާ އަނިޔާއަކަށް ވެފައި. އެގޭގައި މިއަދު އުފަންދުވަހުގެ ޕާޓީއެއް ބަޔަކަށް އޮޅިގެން ބޭއްވުނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީީ ހަޖީ

23 March 2020

ކައިރިމީހުންތައް މިހާރު ހާދަ ބިރަކުންނޭ އުޅޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

23 March 2020

އާދޭސްކޮށްފަ ބުނަން މަސްދުވަހަށް ގޭޓް ބަބްދުކޮށްފަ ދިވެހިން މަސްވެރިކަމަށް ނެރެފަ. އައިސް އިތުކޮށް ހެސްކިޔާފަ މަހުގެ އުފެެއްދުންތަށް އިތުރުކޮށްބަލަ. އޭރުން ކާގޯގޮތުގައި ވެސް އެކްސްޕޯޓްކުރެވޭނެ. ދުނިޔޭގަ ހަމައެކަނި އޮތީ ފަތުރުވެރިކަން އެކަނި ކަމަުގައި ދުށުމީ މޮޔަކަމެއް.