ކޮވިޑް-19 އާ ބެހޭ މައުލޫމާތު ދެއްވާ ތަރުޖަމާނު މުހައްމަދު މަބްރޫކް ޕްރެސްކޮންފަރެންސެއްގައި ވާހަކަ ދައްކަވަނީ. އޭނާ ވިދާޅުވީ އިންޓަނެޓްގެ އަގަށް އަންނަ މަހުބަދަލު އަންނާނެ ކަމަށް.
30 މާޗް 2020 - 23:45
16 comments
އަންނަ މަހުން ފެށިގެން އިންޓަނެޓްގެ އަގަށް ބަދަލު އަންނާނެ ކަމަށް، ކޮވިޑް-19 އާ ބެހޭ މައުލޫމާތު ދިނުމަށް ހަމަޖައްސާފައިވާ ތަރުޖަމާނު މުހައްމަދު މަބްރޫކް މިރޭ ވިދާޅުވެއްޖެ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުން ބޭއްވި މީޑިއާ ބްރީފިންގައި މަބްރޫކް ވިދާޅުވީ، އިންޓަނެޓްގެ އަގަށް އައި ބަދަލުތަކާ ބެހޭ މައުލޫމާތު ޓެލެކޮމް ކުންފުނިތަކުން މާދަމާ ނުވަތަ ބުދަ ދުވަހު ދޭނެ ކަމަށެވެ.
"މިއާއެކު، އަގުތަކަށް އަންނަ ބަދަލުތައް ފެށޭނީ އެޕްރީލް އެކަކުން ފެށިގެން. މިކަމާ ގުޅިގެން ޓެލެކޮމް ކުންފުނިތަކުން މާދަމާ އާއި މާދަމާ ނޫން އަނެއް ދުވަހުގެ ތެރޭގައި ގެންނަ ބަދަލުތަކަކީ ކޮބައިކަން ހާމަކޮށްދޭނެ،" އޭނާ ވިދާޅުވި އެވެ.
މިދިޔަ ބުދަ ދުވަހު ރައީސް އިބްރާހިމް މުހައްމަދު ސޯލިހު ވިދާޅުވީ، މި ދުވަސްވަރު އިންޓަނެޓް ބޭނުންކުރާ މިންވަރަށް ވަރަށް ބޮޑަށް އިތުރުވެފައިވާ ކަމަށާއި އެހެންވެ އެ ކަމަށް "ރަނގަޅު ލުޔެއް" ހޯދައިދޭންޖެހޭ ކަމަށް އެ މަނިކުފާނު ގަބޫލުފުޅު ކުރައްވާ ކަށެވެ.
"އިރާދަކުރެއްވިއްޔާ، ކުރިއަށް އޮތް ދެ ތިން ދުވަހުގެ ތެރޭގައި، މިކަމުގެ މައުލޫމާތު ރައްޔިތުންނާ އަޅުގަނޑުމެން ހިއްސާ ކުރާނަން،" ރައީސް ވިދާޅުވި އެވެ.
ކޮރޯނާވައިރަސް ފެތުރުން ކޮންޓްރޯލް ކުރުމަށް ކުރެވޭނެ އެންމެ މުހިންމު ކަމަކީ ގިނަ ބަޔަކު އެއް ތަނަކަށް އެއްވުން ހުއްޓުވުން ކަމަށް ވާތީ، ސަރުކާރުގެ އޮފީސްތަކާއި ސްކޫލްތަކާއި ކިޔަވައިދޭ އެހެނިހެން ތަންތަން ވެސް މިދިޔަ ހަފުތާ އާއި މި ހަފުތާގައި ބަންދެވެ. އެހެންވެ، އެތައް ބަޔަކު ގޭގައި ތިބޭތީ، އިންޓަނެޓު ބޭނުން ކުރުން ވަރަށް ބޮޑަށް ވަނީ އިތުރުވެފަ އެވެ.އެއާ އެކު، ދިރާގާއި އުރީދޫން ވެސް މިހާތަނަށް ވަނީ ޑިސްކައުންޓް ޕެކޭޖުތަކެއް ތައާރަފު ކޮށްފަ އެވެ. ނަމަވެސް އިންޓަނެޓުގެ ސްޕީޑާ މެދު އާންމުން ކުރާ ޝަކުވާ އަށް ހައްލެއް ނެތެވެ.
އިންޓަނެޓްގެ އަގު ހެޔޮކުރުމަކީ މި ސަރުކާރުގެ ވެސް ވައުދެކެވެ. އެކަމަކު ސަރުކާރުން ކަނޑައަޅާފައި އޮތީ އަންނަ އަހަރު އަގު ހެޔޮކުރާށެވެ.
ކޮވިޑް-19 އަށް ރާއްޖޭން މިހާތަނަށް ޕޮޒިޓިވްވި މީހުންގެ އަދަދަކީ 17 އެވެ. އޭގެ ތެރެއިން ދެމީހުންނަކީ މިދިޔަ ހުކުރުދުވަހު އިޓަލީއަށް ފުރި ދެމީހުންނެވެ. އަނެއް 15 މީހުންގެ ތެރެއިން ދެ ދިވެހިން ފިޔަވައި އެންމެން ވެސް މިހާރު ވަނީ ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
31 March 2020
މާބޮޑުވަރެއް ނުވާނެ އެކަމަކު 2 ނުވަތަ 3 ޖީބީ ވަރު ސަރުކާރުން އާދޭސްކޮއްގެން ދީފައިނެ، ސުވާލަކީ މިއަދު ގެ ދުނިޔޭގައި 2 ތިން ޖީބީއިން ކުރެވޭނީ ކީއްހޭ، ދެން ހަދާ އެއްޗެއް ބަލަމާ ހިންގައި؟
ާދިވެހިން
31 March 2020
ދުނިޔޭގެ ޙަބަރުތަށް ބަލާލަބަލަ.ނިއުޔޯކް ސިޓީގެ ގަވަރނާ އެއަންގަނީ ޖޫން 20 ގެނިޔަލަށް ކުއްޔަށް ހިފާފައި ތިބި މީހުން ބޭރު ނުކުރެވޭނެޔޭ. ކޮބާ ރާއްޖޭގެ ސިޓީތަކުގެ އިސް މީހުން.
ފެންވަރު
31 March 2020
މިހަބަރުގެ ސައްހަކަން ޔަގީންކުރަން ހިތަށް އެރީ މަނަގައިގެން އުޅޭ ނެޓް ކަނެކްޝަން ޕްރޮވައިޑާ އަށް ގުޅާލާފައި ޔަގީން ކޮށްލާނަމޭ. އާރު.އޯ.އެލް އަށް ގުޅާލާފައި މިއަހާލީ، ބުދަދުވަހުން ފެށިގެން ނެޓް ޕެކޭޖުގެ އަގު ތިރިވާނެދޯއޭ، ބުނީ ނެތޯ ތިގޮތަކަށް ނިމިފަކާއެއް، އެކަމަކު ބޯނަސް ތަކެއް ލިބޭ ޕެކޭޖުތަކެއް އެބަ އުޅެޔޯ، މި ދަންޑިވަޅުގައިވެސް އާރު.އޯ.އެލް ގެ ފެންވަރު. ދެރައީ އިންޓަރނެޓްގެ ހިދުމަތަކީ ހަމައެކަނި ޓެލްކޮމް ކުންފުނިތަކުންދޭ ހިދުމަތަކަށް ނުވާކަން.
ސަލާމު ޚާލިދު
31 March 2020
5 ޖީބީ ހިލޭ، ނޫނީ ޕެކޭޖަށް އިތުރު 10% ޖީބީ، ނޫނޫ މިބައިގަނޑު އެންމެ ލަދެއްނެތި ކުރާގޮތަށް ސޯޝަލް މީޑިޔާ އެޕްތަކުން އިތުރު 5 ޖީބީ ދިނުން، މީވެސް އޭޕްރިލްއަަށް އެކަނި، މިއީ މިކަންތައް ކުރާނެ ގޮތަކީ، ކޮމިއުނިކޭޝާން އޮތޯރިޓީ އޮފް މޯލްޑިވްސް އޯވަހޯލް ކުރަންވީ، އެތާގައި ތިބެނީ ހުސް ދިރާގާއި އުރީދޫގެ އެޖެންޓުން، ބޭނުންވަނީ މިއޮތް ބޮޑު ރަންވަޅު، ކާލެވޭނެވަރަކަށް ކެއުން
އޮސްކާ
31 March 2020
އެޕްރިލް ފޫލްސް ހައްދަނީ ދޯ!!
ޅަބޭ
31 March 2020
މިހާރު ޓެލެކޮމް މިނިސްޓްރީވެސް ހިންގަނީ މަބުރުކް ތަ؟
ދޮންމަނިކް
31 March 2020
ދިރާގު އޫރިއްޑޫ ރާޖެ އޮންލައިން ސުކުރިއްޔާ.....................................................؟
ސަކީނާއްތަ
31 March 2020
މިދުވަސްވަރާއި ދިމާކޮއްފައި ދިރާގުން ދޭ އިންޓަނެޓް ގެ ހިދްމަތް އަގު ހެޔޮކުރަން ނުފެނޭ ސަބަބަކީ ދިރާގުގެ ޕްރޮފިޓް މިއިންޒަމާނަކު ނުދާވަރަށް ދަށަށް ގޮސްއޮއްވާ ތިފަދަކަމެއް ކުރުމުން ދިރާގު ކުންފުނި ހިންގަން ބޭނުންވާ ވޯކިންގކެޕިޓަލް ވެސް ނުލިބިދާނެ. ހުރިހާ ރިސޯޓެއް ބަންދުކޮއްފައިވާ ދުވަސްވަރެއްގައި. ދިރާގަށް ގިނަފައިސާ ވައްނަ ރޯމިންގކޯލްސް އިން ދެން ލިބޭނެ ސެލްސްއެއްނެތް. އެހެން ސެލްސް އެއްނެތް. ދެންތިކުންފުނި ވާނީ ބޭންކްރަޕްޓް.
އަސްލަމު
31 March 2020
އިންޓަނެޓު އަގުހެޔޮ ވިޔަސް ކުރާނެ ކަމެއް ނެތް. ގައުމީ ޔުނިވަރސިޓީ ގައި އޮންލައިން ކޮށް ކިޔަވައެއް ނުދޭ. އުޅެނީ މާ ފަހަތުގައި. މެނޭޖުމަންޓަށް ޒަމާނީ ވިސްނުމުގެ މީހުން ބޭނުންވޭ. އަހަރެމެން ދަރިވަރުންނަށް ހުރިހާ ގެއްލުމެއް. ދެން ކިޔަވަން ޖެހޭ އަހަރުތައް އިތުރުވާނެކަމަށް ވަނީ. މިކަން ނޫހުން ސާފުކޮށްލަ ދިނުން އެދެން.
އަލީީީ
31 March 2020
ފުރަތަމަ އެންމެ ދައް ސްޕީޑް ލިމިޓެއް ކަނޑައެޅުމަށް ސަރުކާރަށް ގޮވާލަން.