ވިޔަފާރި / ވަޒީފާ ނެތް މީހުންގެ ދަފްތަރު

ވަޒީފާއިން ވަކި ކުރާ މީހުންނަށް ތިން މަހު އެލަވަންސެއް ދެނީ

މިރޭގެ މީޑިއާ ބްރީފިންގައި ފިނޭންސް މިނިސްޓަރު އަމީރު ވާހަކަ ދައްކަވަނީ.---ފޮޓޯ އަހުމަދު އަވްޝަން/މިހާރު

ފާތިމަތު ޝަނާ މުހައްމަދު، މިހާރު

02 އެޕްރީލް 2020 - 00:14

ކޮވިޑް-19 އާ ގުޅިގެން ރާއްޖޭގެ އިގްތިސާދަށް ކުރިމަތިވެފައިވާ އަޑިގަނޑުގައި ވަޒީފާ ގެއްލޭ މީހުންނަށް ތިން މަސް ވަންދެން ހާއްސަ އެލަވަންސެއް ދޭން ސަރުކާރުން ނިންމައިފި އެވެ.

ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ފިނޭންސް މިނިސްޓަރު އިބްރާހިމް އަމީރު ވިދާޅުވީ، ސަރުކާރުގެ ސްޓިމިއުލަސް ޕެކޭޖުގެ ތެރެއިން ވަޒީފާ ގެއްލޭ މީހުންނަށް ހާއްސަ އެލަވަންސެއް ދިނުމަށްޓަކައި، އެކަމުގެ އުސޫލުތައް މިހާރު އެކުލަވައިލަމުން އަންނަ ކަމަށެވެ.

"މިހާރު ދަނީ ޑިސްކަޝަންތައް. އިރާދަކުރެއްވިއްޔާ މިކަމުގެ ޑީޓެއިލްތައް އަންނަ ހަފްތާގައި ދޭނަން،" މިނިސްޓަރު ވިދާޅުވި އެވެ.

މިހާތަނަށް އިކޮނޮމިކް މިނިސްޓަރީގެ ޖޮބް ސެންޓަރުގައި 292 މީހުން ވަނީ ވަޒީފާ ގެއްލިގެން ނަން ނޯޓުކޮށްފަ އެވެ.

ކޮވިޑް-19 އާ ގުޅިގެން ގިނަ ރިސޯޓުތައް ބަންދުކުރުމާ އެކު މިހާތަނަށް 11،000 މުވައްޒަފުންނަށް ވުރެ ގިނަ މީހުންގެ ވަޒީފާ ގެއްލިގެން ގޮސްފައިވާ ކަމަށް ޓޫއަރިޒަމް އެމްޕްލޯއީސް އެސޯސިއޭޝަން އޮފް މޯލްޑިވްސް (ޓީމް) އިން ބުނެ އެވެ.

ޓީމުން ވަނީ ކަމާ ބެހޭ ރަސްމީ އިދާރާތަކުގެ ސަމާލުކަމަށް އެ މައްސަަލަ ގެނެސްފަ އެވެ. ލޭބާ އޮތޯރިޓީން ނެރުނު ބަޔާނެއްގައި ބުނީ ބައެއް ރިސޯޓްތަކުން މުވައްޒަފުން ވަކިކުރަމުން ދަނީ ވަޒީފާއާ ބެހޭ ގާނޫނާ ހިލާފަށް ކަމަށެވެ.

ލޭބަ އޮތޯރިޓީން ގޮވާލީ މި ދަނޑިވަޅުގައި ވެސް މުވައްޒަފުން ވަކިކުރުމުގައި ގާނޫނާ އެއްގޮތަށް އަމަލް ކުރުމަށެވެ. މި ހާލަތުން ވަޒީފާއާ ބެހޭ ގާނޫނާ ހިލާފަށް މުވައްޒަފުން ވަކި ކުުރުމާއި ނޯޕޭއަށް ހުށަހަޅާ މީހުންނަށް ވެސް އެކަން އިކޮނޮމިކް މިނިސްޓްރީ އަށް ރިޕޯޓު ކުރެވޭނެ އެވެ.

ވަޒީފާ ނުލިބުން ވަޒީފާ ނެތް މީހުންގެ ދަފްތަރު އިބްރާހިމް އަމީރު، ކުރީގެ ފިނޭންސް މިނިސްޓަރު ފިނޭންސް މިނިސްޓްރީ ފިނޭންސް މިނިސްޓަރު ދިވެހި ސަރުކާރު ރާއްޖޭގެ އިގްތިސާދު އިކޮނޮމިކް ރިކަވަރީ ޕެކޭޖް

10 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޫސަ ގޯތި އާދަނު

11 April 2020

ފަޅުރައްތަކުގައި ރިސޯޓާ ވިޔަފާރި ހިންގަމުންދާ ބޮޑެތި ކުންފުނިތަކުން މުސާރަ ނުދޭ މުައްޒަފުންނާ ދައުލަތުން ހަވާލުވެ ރައްޔިތުން ގެ މާލިއްޔަތުން މުސާރަ ދޭން ޖެހުމަކީ މި ދަނޑިވަޅުގައި މަހުޖަނުން ޖައްސާ އިތުރު ބުރައެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަމީން ދީދީ

02 April 2020

މުވައްޒަފުންނަށް ލާރި ދިނަސް ތީގެ ބަދަލު ޖެހޭނެ ހޯދަން އެ ރިސޯޓުތަކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާޔަތް ކޮއްފަ

02 April 2020

ޕްރައިވެޓް ސެ ކްޓަރ އަށްވީ ގެއްލުން މިމީހުނަށް ނުވެސް ވިސްނޭ. ޕްރައިވެޓް ސެ ކްޓަރގެ މުއައްޒަފުންނަށް ދޭންވީވަރު ވެސް ކަޑަމިއަޅަނީ ސަރު ކާރުން. އެ ކަމަ ކު އެމީހުންގެ އޮފީހިގެ ކުލި 90،000 އަށް ލުއެއް ދިނުމަށްވެސް ނެއެންގޭ ސަރުކާރަށް.ރާއްޖޭގެ ފަރުތައް ހިމާޔަތް ކުރާހެން ހިމާޔަތް ކޮއްފަ ތިބޭ ބައެއްތަ މާލޭބިމުގެ ވިޔަފާރި ކުރާ މީހުންނަ ކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

02 April 2020

ލޯކަލް މާރުކޭޓަ ފަދަ ބިދޭސީން ކޭޝިއަރުންނަށް ހުންނަ ތަންތަނުން ދިވެހީންނަށް ވަޒީފާ ހޯދާ ދެވޭނެއެވެ. އެމީހުން އެތިބެނީ ގާނޫނާ ގަވާއިދާ ހިލާފަށެވެ.. އެމީހުން ހުއްޓުވަ ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

02 April 2020

މިހިސާބަށް އައިއިރު ދިވެހީން ތިއިން އެއްވެސް ކަމަކާ ނުވިސްނާ، ދިވެހީން ބޭނުމެއްނުވޭ ތިކަހަލަ ހަޑިމަސައްކަތް ކުރާކަށް އެހެންވެގެން ބިދޭސީން ކޭޝިއަރުން ތިޔަހުރިހައި ތަނެއްގައި އުފެދުނީ، ދިވެހީން ގާފިލްވީވަރުން، ވަޒީފައިއަށް ފަރުވާކުޑަ ކުރިވަރުން، އެހެންނޫންނަމަ ތިފަދަ ހުރިހައި ތަނެއްގައި ތިބޭނީ ދިވެހީން ވެތުވެދިޔަ ގިނައަހަރުތަކުގައި ދިވެހީން ބައިތިއްބަން ވަރަށްގިނަ މަސައްކަތް ސަރުކާރުތަކުން ކޮއްފި، އެކަން ހަމަކާމިޔާބު ނުވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮކކކކކކރިސޯރޓު މީހާ

02 April 2020

ޢަޅުގަނޑުމެން ނަށް 4 މަސް ވަންދެން ދެނީ މުސާރަ ނެއް ގޮތަށް ޗުއްޓީ އެއް އަޅުގަނޑު މެނަށް ލިބޭނެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯނުއެދުރު

02 April 2020

ކާރިސާގެ ހަލަތަކީ ލޯނު ދޭންޖެހޭ ވަގުތެއް ނޫން. މިއީ ދައުލަތުން ރައްޔިތުންނަށް ޝަރުތެއް ނެތި އެހީވާންވީ ވަގުތު. ދައުލަތުގެ އެތެރޭގެ ދަރަންޏަކީ ރައްޔިތުންގެ އަރަނި. ހުރިހާ ރައްޔިތުން ދައުލަތަށް މިކަން ޑިމަންޑު ކުރައްވާ! ކޮންމެ ބޮލަކަށް ދުވާލަކު 74ރުފިޔާ މަދުވެގެން ލިބެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަބޭ

02 April 2020

ރިސޯޓްތަކުން މިވަރަށް މީހުން ކަނޑާ. ނޯފޭ ދީ ހަދާއިރުވެސް ޓޫރިޒަމްމިނިސްޓްރީން ޗުއްފްވެސް ނުބުނެ ހަނުހުރުމަކީ ދިވެހި ރަށްއިތުންނަށް ވެވޭ ވަރަށްބޮނޑް ހިޔާނާތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރުލް ސަލީމް

02 April 2020

މީތި ކަޑަ. އެމީހުންގެ ވަޒީވާތައް ގެއްލުވާލާބަޔަކު އެމީހުންގެ މުސާރަ ކޮނޑުއަޅަންޖެހޭނީ. ދިވެހިރައްޔިތުންނެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޝް

02 April 2020

މިއީ ސަރުކާރުން ލާރިބަހަންވީ ވަގުތެއްނޫން. އަދި މިއުޅެނީ މިކަން ނުނިމިގެން. މިވަގުތު ވިސްނަންވީ ގައުމަށް އިތުރަށް އާންމުދަނީ ލިބޭނެ ގޮތްތަކެއް ހޯދުމަށް. ލާރިބެހުމުގެ ބަދަލުގައި ރިސޯޓްތައް އަލުން އޮޕަރޭޓް ކުރެވޭނެ ގޮތްތަކެއް ހޯދަންވީ. މަސްވެރިންބާނާ މަހަށް އިތުރު މާކެޓްތައް ހޯދަންވީ. އިޤްތިސާދުގައި ބޭރުފައިސާ އިތުރުކުރުމަށް އިންޕޯޓް އިތުރުކޮށް އިތުރު ވަޒީފާ ސަރުކާރުން ނުއުފައްދައި ޕްރައިވެޓް ވަޒީފާ އިތުރުވާނެ މަގުތައް ދައްކަންވީ. ދަރަނި ވާންވީއެއްނޫން