ވެލާނާގެ އޮފީސް އިމާރާތް: ސަރުކާރު އޮފީސްތައް އާދީއްތަ ދުވަހު ހުޅުވާނެ
02 ޖުލައި 2020 - 16:20
14 comments
ކޮވިޑް-19 ފެތުރުން ކޮންޓްރޯލްް ކުރަންް އެޅި ފިޔަވަޅެއްގެ ގޮތުން މިދިޔަ މާޗު މަހުން ފެށިގެން ބަންދުކޮށްފައި ބެހެއްޓުމަށް ފަހު، ސަރުކާރުގެ އޮފީސްތައް އަންނަ އާދީއްތަ ދުވަހުން ފެށިގެން ހުޅުވަން ރައީސް އިބްރާހީމް މުހައްމަދު ސޯލިހު މިއަދު ނިންމަވައިފި އެވެ.
ރައީސް އޮފީހުން ބުނީ، ރައީސް ހަމަޖައްސަވާފައި ވަނީ ކުރިއެކޭ އެއްގޮތަށް ސަރުކާރުގެ ރަސްމީ ގަޑިއަކީ ހެނދުނު 8 ން މެންދުރު ފަހު 2 އަށް ކަމަށެވެ. އޮފީސްތައް ހުޅުވާ އިރު ކޮވިޑުން ރައްކާތެރި ވުމަށް އަމަލުކުރާނެ ހާއްސަ އުސޫލުތަކެއް ވެސް ވަނީ ކަނޑައަޅައިފަ އެވެ.
އޮފީސްތައް އަލުން ހުޅުވާއިރު ރައްކާތެރިވާން ކުރަން ޖެހޭ އަށް ކަމެއް ރައީސް އޮފީހުން މިއަދު ކުރި އިއުލާނުގައި ވެއެވެ.
އޮފީސްތައް ހުޅުވާއިރު އަމަލުކުރަން ޖެހޭ އުސޫލުތައް
1- ސާފުތާހިރު ކަމާއި ގައިދުރުކުރުމުގައި ހެލްތު ޕްރޮޓެކްޝަން އެޖެންސީގެ ގައިޑްލައިނާ އެއްގޮތަށް އަމަލުކުރުން
2- ނުރަސްމީ ގަޑީގައި އޮފީހުގައި މަސައްްކަތް ކުރަން ނުޖެހޭ ގޮތަށް ރޭވުން
3- ޝިފްޓް ޑިއުޓީ އޮންނަ ތަންތަން ފިޔަވަައި އެހެން އޮފީސްތައް މެންދުރުފަހު 2:00 ގެ ފަހުން ހުޅުވާފައި ނުބެހެއްޓުން.
4- ކޮންމެހެން ކުރަން ޖެހޭ ކަމަކަށް އޮފީހެއް ހުޅުވިޔަސް ހަވީރު 4:00 އަށް ވުރެ ފަހުން ހުޅުވާފަައި ނުބެހެއްޓުން
5- ކޮވިޑާ ހެދި އޮފީސްތައް ބަންދުކޮށް އޮންލައިންކޮށް ދެމުން އައި ހިދުމަތްތައް އަދިވެސް އެގޮތުގައި ދެމެހެއްޓުމާ އެކު އޮންލައިން ކޮށް ދެވޭނެ އިތުރު ހިދުމަތްތަކެއް ހުރިތޯ ބެލުން.
6- އޮންލައިންކޮށް ދެވެން އޮންނަ ހިދުމަތްތައް އޮންލައިންކޮށް ދިނުމަކީ އާއްމު އުސޫލުކަަމަށް ހެދުން.
7- ލިިޔެކިއުންތައް ވީވަރަކުން ޑިޖިޓަލައިޒްކޮަށް، ކަރުދާސް ގެންގުުޅޭ ވަރު މަދުކުރުން.
8- ކޮވިޑާ އެކު ދައުލަތުުގެ އާމްދަނީ ދަށްވެ، ހަަރަދުކުޑަކުރަން ޖެހިފައިވާތީ އޮފީސްތަކުގެ ހަރަދު ކުޑަކުރުން.
ސަރުކާރުގެ އޮފީސްތައް ބަންދުކުރީ، ރާއްޖެ އިން ކޮވިޑް-19 ފެނުމާ ގުޅިގެން، ހެލްތު މިނިސްޓަރު އަބްދުﷲ އަމީން މާޗް 12 ގައި އިއުލާން ކުރެއްވި ސިއްހީ ނުރައްކަލުގެ ހާލަތާ އެކު އެވެ. އެކަމަކު، ވަކި ހިސާބަކުން ފެށިގެން ކޮންމެވެސް ވަރެއްގެ ލުޔެއް ދީ، ކޮންމެ ދުވަހެއްގެ ވަކި ވަގުތުތަކެއްގައި ކޮންމެހެން ކުރަންޖެހޭ މަސައްކަތްތަކަށް މުވައްޒަފުން އޮފީހަށް ނުކުމެ އައީ މަސައްކަތް ކުރަމުންނެވެ.
ސަރުކާރުގެ އޮފީސްތައް ފުރަތަމަ ހުޅުވަން ނިންމީ މިމަހުގެ ފުރަތަމަ ދުވަހު އެވެ. އެކަމަކު ފަހުން އެނިންމުން ބަަދަލުކޮށް އިއްޔެއައި މިއަދު ނުހުޅުވަން ފަހުން ނިންމި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަރަނި ދަންތުރަ
03 July 2020
ތިހެން ތިބުނީ އޮޅިގެންތަ؟ ބަދަލެއްނުކުރާނަންތަ ؟
މުެާހަދު000
02 July 2020
ކޮވިޑާހެދި ސަރުކާރުގެ އާމްދަނީ ދައްވީމަ އެބައި ކަވަރ ކުރަން ސަރުކާރު އޮފީސްތައް ހިންގާ އާއްމު މުވަޒަފުންނަށް ޖެއްސުން ނުކޮށް ބޮޑު މުސާރަލިބޭ މަޖިލީހަ އެނޫންވެސް ތަންނަތްނުނ އެބައި ކަވަރ ކޮށްބަލަ. އުފެއްދިހާ ސިޔާސީ މަގާމުތަކުން ވެސް ހަރަދު ކަވަރ ވާނެތަ. އަދިވެސް މަޖިލީހުގަ ކެއުންދީ ޖިމާ ޒުންބާ ކުލާހަ އަޅާބަލަ.
ޔުމް
02 July 2020
ސަރުކާރު އޮފީސްތައް ނޯމަލްކޮށް ހުޅުވީ ނޫންތޯ؟؟؟ ދެން ކޮން ނިޔު ނޯމަލްއެއް ؟؟؟ ވެލާނާގެ އޮފީސްތައް ލިފްޓްގައި ތިބޭނީ ގައިދުރުކޮށް ކިހިނެއްތޯ؟ ރަސްމީ ގަޑިގައި އޮފީހަށް ދާއިރު އެންމެން އެއްފަހަރާ އޮފީހަށްދާގޮތް އިނގޭނެ... ސަރުކާރުން އަދި 1 ފަހަރު ވިސްނަވާ....
ސަންޔާ
02 July 2020
ސަރުކާރުގެ އޮފީސްތަކުގައި ގައި ދުރުކޮށް ތިބޭނީ ކޮންގޮތަކަށް؟ ޚޮޓަރިއެއް ވަރުގެ ތަނެއްގައި ޖެހިގެން އެންމެން މަސައްކަތް ކުރަންޖެހެނީ... ލިޔެކިޔުމާއި ޕްރިންޓަރާއި ފާޚާނާ އަދި ސައިކޮޓަރީގައި ބޭނުންކުރާ ސާމާނު އެންމެން ބޭނުން ކުރަންޖެހޭނެ! ސަރުކާރުން އަދި ގަޑިތަކަށް ބަދަލުގެނެސް މަދު މުވަްޒަފުން ނެރޭގޮތަށް ހެއްދެވިނަމަ، އަދި މާ ބޮޑަށް އަވަސް އަރުވާލައްވައިގެން މިވަރުގެ ގައިންގަޔަޔަށް އަރާ ބަޔަކަށް ފަރުވާ ކުޑަ ކުރީ....
ފެންތަށި
02 July 2020
ރޯގާ އިތުރުވެ ދެވަނަ ލޮކްޑައުންއަކަށް ނުދިއުން އެއީ އަޅުގަނޑުމެންވެސް އެދޭގޮތެވެ. އެކަމަކު މިފަދަ ބޮޑެތި ލުއިތައްދެއްވާ އެންމެން އެއްތަނަކަށް ޖަމާވާން ފަށައިފިނަމަ ރޯގާ އިތުރަށްގޯސްވެދިއުން ވަރަށްވެސް ގާތެވެ.
ހުކުރު އެޅި
02 July 2020
ކޮންމެ އޮފީހެއްގައި ވެސް ފުރަތަމަ ކުރާ ކަމަކީ ކުޑަކުޑަ މީޓިންގ ރޫމެއް ފުރެންދެން ސީނިއަރ ސްޓާފުން ވައްދާގެން( މުޑި ކާއްޓެއް ހެން) ތިބެގެން 10 ޖަހަން ދެކަށް މީޓިންގ ކުރަނީ އެވެ. އެކަމަކު ހުކުރު ކުރަން ކަމަކު ނުދެއެވެ. ކޮން ވައްތަރު މީ؟
މަމެންގެ އަޑު
02 July 2020
މަނިކުފާނެވެ. ކޮވިޑް 19ގެ 2 ވަނަ ރާޅެއް ނެގުމަކީ ވަރަށްގާތްކަމެކެވެ. ދިވެހިންގެތެރެއިން ބައެއްމީހުންނަކީ ބުނާގޮތް ނަހަދާ ބައެކެވެ. މިރޯގާކޮންޓްރޯލް ކުރެއްވުމަށް މަނިކުފާނު ތިޔަކުރައްވާ މަސައްކަތާއި، ވެދެއްވާ އެހީއަށް އަޅުގަނޑު ޝުކުރުވެރިވަމެވެ. ނަމަވެސް ދައުލަތުގެއޮފީސްތައް މިހާގިނަ ވަގުތު ހުޅުވައިގެން މަސައްކަތްކުރާކަށް އަދި ރަގަޅެއްނޫނެވެ. ހޯމައިން ބްރާސްފަތިދުވަހަށް ދުވާލަކު 4 ގަޑިއިރު މިކަމުން އަރައިގަންނަންދެން އެއީ އެންމެ ރަގަޅުވަގުތެވެ.
ގަންބާޅީ
02 July 2020
ދިވާލަކު 18 ގަޑި މަސައްކަތް ކުރިވިސް ދިވެހިން މަސައްކަތެއް ނުނިންމާނެ އެވެ. ވީމާ ކޮންމެހެން ކުރަންޖެހޭ ކަންތަށް ނޫން ކަމެއް ނުހުންނާނެ އެވެ. ވީމާ ދުވާލަކު 4ގަޑި މަސައްކަތް ކުރުމެކޭ 18 ގަޑި މަސައްކަތް ކުވުމެކޭ ތަފާތެއް ނުވާނެއެވެ
ސައީދު ބެ
02 July 2020
މި އުސޫލާ ފުރަތަމަ ވެސް ޚިލާފުވާ ތަނެއް ކަމުގައި ފެނަކަ ހެޑް އޮފީހާއި އާސަންދަ އޮފީސް ލިސްޓް ކުރެއްވުން އެދެމެވެ.ރާވާގެން މެނޭޖް ކުރަން އެއްގޮތަކަށް ވެސް އެގޭ ބަޔަކު ތިބި ތަނެއް ނޫނެވެ.
ސިނާހުލް އައުޒަމް
02 July 2020
މީހުންގެ އަދަށް ނުކަތާވަރަށް މަސައްކަތް ވައްދާ ދެތަން ވީމަ ވާނީ އެހެން. އާސަންދަ އަކީ ސަރވިސް ޕްރޮވައިޑަރ ތަކުން ޑެޑް ލައިންއަށްވުރެ ފަހުން އިންވޮއިސް ގެނަޔަސް ވަރިހަމަ ކޮށްލާފަ ހޭ ވެސް ނާހާ ނަގާ ބައެއް. ހުރިހާ އުންދަގުލެއް 8000 ރުފިޔާ ލިބޭ މުވަޒަފުންނަށް. ގަވަމަންޓް ސަރވިސް ޕްރޮވައިޑަރސް ތައް ހެޔޮ އަހަރު ދުވަހުގެ ބިލް ޑިސްމބަރު 31 ގަ ގެނަޔަސް. އިސްކޮށް ތިބޭމީހުން އެއްޗެކޭ ނުބުނާނެ. ޢެތާ ތިބޭ ދެތިން މީހުން ހަނާ ވާނި.
ރުމާލް 2
02 July 2020
މީވަރަށްވެސް ދެރަ ނިންމުމެއް! މިހާލަތުގައި ޚާއްސަކޮށް މާލެއިން ކޮވިޑް 19 ކޮންޓްރޯލް ނުވެ އޮއްވާ ގިނަވަގުތު ބޭރުގައި ނުވަތަ އޮފީސްތަކުގައި ހޭދަކުރަން ޖެހުމުން އިތުރަށް މިބަލި ކޮންޓްރޯލްނުވާ ހާލަތަށް ފެތުރި ދިއުމަކީ ވަރަށްގާތް ކަމެކެވެ. އޭރުން މީގެކުރިން ދައުލަތުން ކުރި ހުރިހާ މަސައްކަތަކާއި ހޭދައެއްވާނީ ބޭކާރު އެއްޗަކަށެވެ. ރަގަޅީ މިހާލަތުގައި ބޭރުގައިއުޅޭ ވަގުތު ވީހާވެސް މަދުކުރެވި އޮފީހުގައި މަސައްކަތްކުރާ ގަޑިވެސް މަދުކުރުމެވެ.