މުދާތައް ނުވިއްކަން ސިފްކޯ އާއި ޕޮލްކޯ އިން އައިލެންޑް އެކްސްޕާޓަށް އަންގައިފި

ފްލެޓްގެ މަސައްކަތްކުރާ ބިދޭސީން ކުރިން މުޒާހަރާ ކުރަނީ: މުސާރައިގެ ކަންކަން ހަމަޖައްސަން މިމަހުގެ 10 އާ ހަމައަށް ވަނީ ވަގުތު ދީފައި.

ފަޒީނާ އަހުމަދު، މިހާރު

08 ޖުލައި 2020 - 14:57

14 comments

ހުޅުމާލޭގައި ސިފައިންނާއި ފުލުހުންގެ ފްލެޓް އިމާރާތްކުރާ ސައިޓުގައި ހުރި މުދާތައް ވިއްކާލައިގެން ބިދޭސީ މުވައްޒަފުންނަށް މުސާރަ ދޭން އައިލެންޑް އެކްސްޕާޓުން ނިންމި ނަމަވެސް، ސިފައިންނާއި ފުލުހުންގެ ކުންފުނި ސިފްކޯ އާއި ޕޮލްކޯގެ އެއްވެސް މުދަލެއް ނުވިއްކަން އެ ދެ ކުންފުނިން އަންގައިފި އެވެ.

އެ ފްލެޓްތައް އެޅުމުގެ މަސައްކަތް ކުރާ ބިދޭސީން ވަނީ މުސާރަ ނުދޭތީ މިދިޔަ ހޯމަދުވަހު ހުޅުމާލޭގައި މުޒާހަރާކޮށް، ހަމަނުޖެހުން ހިންގައިފަ އެވެ. މުސާރަ ނުދީ އޮތުމަކީ ގޯހެއް ކަން ގަބޫލުކޮށް، އައިލެންޑް އެކްސްޕާޓުން އިއްޔެ ބުނެފައި ވަނީ އެކަން މިވަގުތު ހައްލުކުރެވެން އޮތީ ސައިޓުގައި ހުރި ތަކެތި ވިއްކާލައިގެން ކަމަށެވެ. އެކަން އެގޮތަށް ކުރާނެ ކަމަށް ވެސް އެ ކުންފުނިން ވަނީ ބުނެފަ އެވެ.

އެކަމަކު، އައިލެންޑް އެކްސްޕާޓުގެ އެ ވާހަކަތައް "މިހާރު" ގައި އިއްޔެ ޖެހުމާއެކު، ފްލެޓް އަޅާ ސައިޓްތަކުގައި ހުރި ސިފްކޯ އާއި ޕޮލްކޯގެ މުދާތައް ނުވިއްކަން އެ ދެ ކުންފުނިން ވަނީ ސިޓީއަކުން އައިލެންޑް އެކްސްޕާޓަށް އަންގާފައި ކަމަށް އެނގިފައި ވެ އެވެ. ނަމަވެސް މި ކަމުގައި އެ ދެ ކުންފުނީގެ ރަސްމީ ބަހެއް އަދި ނުލިބެ އެވެ.

Muvazzafunnah musaara dheyn Island Expert in mudhaathah vikkaalanee

The most trusted news source in the Maldives

Mihaaru

ފްލެޓް މަސައްކަތުގައި އުޅޭ ބައެއް ބިދޭސީންނަށް މުސާރަ ނުދޭތާ ހަތް މަހަށް ވުރެ ގިނަ ދުވަސް ވެއްޖެ އެވެ. އޭގެ ސަބަބުން، ހާލުގައި ޖެހި، ރަށުގައި ތިބި އާއިލާގެ މީހުންނަށް ވެސް ބޮޑެތި ގެއްލުންތަކެއް ލިބެމުންދާ ކަމަށް އެ މީހުން ބުނެ އެވެ.

ކޮވިޑް-19 އާ ގުޅިގެން މާލެ ލޮކްޑައުންކުރި ހިސާބުން ބިދޭސީންނަށް މުސާރަ ނުދޭ ކަމަށް އައިލެންޑް އެކްސްޕާޓުގެ މެނޭޖިން ޑިރެކްޓަރު އަނޮން ސޮންގްޕަންޔާ އެއްބަސްވެވަޑައިގަނެ އެވެ.

އޭނާ "މިހާރު"އަށް ވިދާޅުވެފައި ވަނީ މުސާރަ ނުދެވުނީ މަސައްކަތްތައް ހުއްޓި، ޚަރަދުތައް ބޮޑުވެ، ދެން ވާނެ ގޮތެއް ނޭނގޭ ފަދަ ހާލަތެއް މެދުވެރިވުުން ކަމަށެވެ. ލޮކްޑައުން ތެރޭގައި އިސްކަންދެއްވީ މުވައްޒަފުންގެ ކެއުން ހަމަަޖައްސައިދޭން ކަމަށް ވިދާޅުވި އެވެ.

އަނޮން ވިދާޅުވީ ސައިޓްތަކުގައި ހުރި ސާމާނާއި ވެހިކަލް ފަދަ މުދާތައް ވިއްކަން މަސައްކަތް ކުރަމުން އައި ނަމަވެސް އިގުތިސާދީ ގޮތުން މިހާރު އޮތް ހާލަތުގައި އެއީ ވެސް ވަރަށް އުނދަގޫ ކަމެއް ކަމަށެވެ. ނަމަވެސް އޭނާ ދެކެވަޑައިގަންނަވާ ގޮތުގައި މިހާރުން މިހާރަށް ފެންނަން އޮތް އެންމެ ރަނގަޅު ހައްލަކީ އެ އެވެ.

އޭގެ ފަހުން، މުވައްޒަފުން ދޫކޮށްލައި އެ މަޝްރޫއު، ސަބް ކޮންޓްރެކްޓަރެއްގެ ގޮތުގައި، އާރުސީސީއާ ހަވާލުކުރަން ވަނީ ނިންމައިފަ އެވެ.

ކުރީގެ ރައީސް މުހައްމަދު ވަހީދުގެ ވެރިކަމުގައި 2012 ގައި އިމާރާތް ކުރަން ފެށި އެ ފްލެޓުތަކުގެ މަސައްކަތް ނުނިމި ވަނީ ދިގުލައިގެން ގޮސްފަ އެވެ. އެތަން ލިބުނު މީހުން ވަނީ ޑައުންޕޭމަންޓް ވެސް ދައްކައިފަ އެވެ.

ފުލުހުން ހުޅުމާލެ ބިދޭސީން ފްލެޓް އެމްއެންޑީއެފް ބޯހިޔާވަހިކަން

14 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަޓޭ

09 July 2020

އާރސީސީ، ކުރީގެ (އާރސީއެންސީ) ތި ތަކެތި ބޭނުންވީދޯ؟ ނާޒިމް ވަރަށް މޮޅުވާނެ އެކަހަލަ ޑީލް ހަދަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިއޮލޮޖި

09 July 2020

ކަސްޓަމްސް އިން ޓިއުޓީ ފުރީކޮއްމުދާ ރާއްޖެއެރެރެކޮށް ވިއްކާ ކަމަށްވާނަމަ އެކުރެވެނީ ކުށެއް މިކުން ނުކުރުމަށް އެދެން މިކަމާ ކަސްޓަމްސް ހަނު ހުންނާތީ ހައިރާންވޭ ނޫސްބަޔާނެއް ނެރޭކަށް ނުވޭތޯ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޔަބެ

09 July 2020

މިދަނޑިވަޅުގައި ޢިމާރާތްތަކާއި އެތަންތަނުގައި ހުރި ތަކެތި ރައްކާތެރިކޮށް ބަލަހައްޓަން ޖެހޭނެ. ފުލުހުންނާއި ސިފައިންގެ ބެލުމުގެ ދަށަށް ޢިމާރާތްތައް ގެންނަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދޫ

09 July 2020

ދިރާގު އަދި އުރީދޫ މިއީ ދިވެހި ގައުމުން އެންމެ ގިނައިން ފައިސާ ބޭރުކުރާ ދެ ކުންފުނި. ބިދޭސީ މަސައްކަތްތެރިން ނަށް ވުރެންވެސް މު ދެ ކުންފުނިން ފައިސާ ބޭރުކުރާ މިންވަރު އިތުރު. ކީއްވެބާ މި ވާހަކަތަށް ނުދައްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބްރައިޑޭ

09 July 2020

ބޭރު ކުންފުނިން ބުނީ ސައިޓުގައި ހުރި އެކުންފުނީގެ މުދާ ވިއްކާ ވާހަކައެއް ނޫންތަ؟ ދެން ސިފްކޯއަކާއި ޕޮލްކޯއަކާ މިކަމަކާ ކޮން ގުޅުމެއް އޮތީ؟ ނޫނީ މި ކުންފުނީގެ މުދަލުގެ ގޮތުގައި ދައުލަތުގެ ދެ މުއައްސަސާގެ ބޮޑުންނަށް ފައިދާވާ ގޮތަށް ހަދާފައިވާ މި ދެ ކުންފުނީގެ މުދާވެސް ހުރީތަ؟ މިހާރު ނޫހުން މިކަން ތަންކޮޅެއް ސާފުކޮށްބަލަ ޚަބަރު ޖަހާއިރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މސއވ

09 July 2020

ދިން ފައިސާ ތަކުން އަ.އެކްސް.ޕީ ގެ މަތީމަގާމު ތަކުގަ ތިބި މީހުން ގަނެފައިވާ ފްލެޓް، އެޕާރޓްމަންޓް، ކާރު ތައް ވިކައިގެން މުސާރަ ދޭންވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

09 July 2020

ދިވެހި ކޮންޓަރެކްޓަރާއި ހަވާލުވި ބޮޑު މަޝްރޫއެްް ނުނިމި އެބައޮތްތަ! ޓާޓާއާްއި، އައިލެންޑް އެކްސްޕާރޓް ފަދަ ކުންފުނިތައް ގެނެސް ގައުމު ހަލާކުކޮށްފި. އަމީން، އެމްޓީސީސީ، އާރުސީސީ ފަދަ ދިވެހިކުންފުނިތަކަށް ތި ޕްރޮޖެކްޓް ހަވާލުކުރިނަމަ ގައުމުގަ ފައިސާ ހުރެފަ، އެކުންފުނިތައްވެސް ކުރި އަރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

08 July 2020

ބޭރު ކުންފުނިތަކަށް ދޭ ފައިސާ ރާއްޖެއިން ބޭރުކުރެވޭނީ ޕްރޮޖެކްޓް އެއްކޮށް ނިމުމުން ކަމަށް ކަނޑަޅާ ގާނޫނެއް ހަދަންވީ. ހުރިހާ ފައިސާކޮޅެއް ބޭރުކޮށްލީމަ ދެން ނޯވޭ ކުންފުންޏާ ދޭތެރޭ އެޅޭނެ ފިޔަވަޅެއް. ނޫނީ ސެކިއުރިޓީ ޑިޕޮސިޓެއް ބަހަންޓަންޖެހޭ ގޮތް ހަދަންވީ.