ހުރިހާ ގެއެއްގެ ފެން ބިލުން 30 ޕަސެންޓު، ކަރަންޓު ބިލުން 40 ޕަސެންޓު އަދި ވިޔަފާރިތަކުގެ ފެން ބިލާއި ކަރަންޓު ބިލުން 20 ޕަސެންޓުގެ ޑިސްކައުންޓެއް ދޭނެ.
ރައީސް އިބްރާހިމް މުހައްމަދު ސޯލިހު މިރޭ ނޫސްވެރިންނާ ވާހަކަފުޅު ދައްކަވަނީ.---ފޮޓޯ: ރައީސް އޮފީސް
25 މެއި 2021 - 23:19
30 comments
ކޮވިޑް-19 ގެ ބަލިމަޑުކަމުގެ ހާލަތު ރާއްޖޭގައި ވަރަށް ބޮޑަށް ގޯސްވެފައިވާތީ ރައްޔިތުން ދައްކަން ޖެހޭ ބައެއް ބިލުތަކަށް ބޮޑެތި ޑިސްކައުންްޓްތަކެއް ދޭން ސަރުކާރުން ނިންމާފައިވާކަން ރައީސް އިބްރާހީމް މުހައްމަދު ސޯލިހު މިރޭ އިއުލާނު ކުރައްވައިފި އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުުވުމުގައި އެ މަނިކުފާނު ވިދާޅުވީ ކުރިއަށް އޮތް މަސް ދުވަހުގެ ތެރޭގައި މުޅި ރާއްޖޭގައި ހުރިހާ ގެއެއްގެ ފެން ބިިލުން 30 ޕަސެންޓް، އަދި ކަރަންޓު ބިލުން 40 ޕަސެންޓުގެ ޑިސްކައުންޓެއް ދޭން ނިންމާފައިވާ ކަމަށެވެ.
ރައީސް ވިދާޅުވިގޮތުގައި، ގޭބިސީތަކަށް އެވަރުގެ ޑިސްކައުންޓެއް ދޭ އިރު، ވިޔަފާރިތަކަށް ވެސް ޑިސްކައުންޓް ދޭނެ އެވެ. ވިޔަވާރިތަކުގެ ފެން ބިލާއި ކަރަންޓް ބިލުން ވެސް 20 ޕަސެންޓްގެ ޑިސްކައުންޓެއް ދޭން ނިންމާފައިވާ ކަމަށް އެ މަނިކުފާނު ވިދާޅުވި އެވެ.
"އަޅުގަނޑުމެން މި ހުރިހާ ކަމެއް މި ކުރަނީ ހަމަ ރައްޔިތުންގެ ރައްކާތެރިކަމަށްޓަކައި. ސަަރުކާރުގެ ކެރިފޯރުންތެރިކަން ހުރި މިންވަރުން އިތުރު އެހީ އިރާދަކުރެއްވިއްޔާ ކުރިއަށް އޮތްތަނުގައި ކޮވިޑުން ސަލާމަތްވުމަށްޓަކައި ދެމުން ގެންދާނަން،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު މިރޭ ނޫސްވެރިންނާ ވާހަކަފުޅު ދައްކަވަނީ.---ފޮޓޯ: ރައީސް އޮފީސް
އެ މަނިކުފާނު ވިދާޅުވީ ކޮވިޑްގެ ރިލީފް ލޯނުގެ ގޮތުގައި ދެމުން އައި ލޯނު ދޫކުރުން މިދިޔަ އަހަރެކޭ އެއްގޮތަށް މި އަހަރު ވެސް ދޫކުރަން ފަށާނެ ކަމަށެވެ. ދޫކުރާ ލޯނު، ކެފޭ ރެސްޓޯރެންޓްތަކާއި ކުދި އެހެން ވިޔަފާރިތަކަށް ވެސް ދޭނެ ކަމަށް ވިދާޅުވި އެވެ.
ބޭންކް އޮފް މޯލްޑިވްސް މެދުވެރިކޮށް ދެމުން އައި އިކޮނޮމިކް ރިކަވަރީ ލޯނުތައް ވެސް ކުރިއަށް ގެންދާނެ ކަމަށް ރައީސް ވިދާޅުވި އެވެ.
ރާއްޖޭގައި ކޮންމެވެސް ވަރަކަށް ކޮވިޑް ކޮންޓްރޯލްވެފައި އޮތުމަށް ފަހު، އެ ބަލި ޖެހޭ މީހުންގެ އަދަދު އަނެއްކާ ވެސް ވަރަށް ބޮޑަށް އިތުރުވީ ރައީސް ވިދާޅުވި ގޮތުގައި ގިނަ ސަބަބުތަކެއް މެދުވެރިވެގެންނެވެ.
ކޮވިޑް ކޮންޓްރޯލްކުރުމުގެ ފިޔަވަޅުތަކަށް މިދިޔަ މަހު ދިން ލުއިތަކަކީ ރައީސް ވިދާޅުވި ގޮތުގައި އޭގެ އެއް ސަބަބެވެ. އެ ލުއިތަކުގެ ސަބަބުން މީހުން އެއްތަނުން އަނެއްތަނަށް ދިއުން ފަސޭހަވެ، ކުރިން ބަލި ނުފެތުރި އޮތް އެތައް ރަށަކަށް ވަނީ ބަލި ފެތުރިފަ އެވެ. ކޮވިޑްގެ ކޮމިއުނިޓީ ސްޕްރެޑް އޮތުމުން މޮނިޓަރިންއަށް ލާފައިވާ ރަށްތަކުގެ އަދަދަކީ މިހާރު 75 އެވެ.
ރާއްޖޭން ކޮވިޑް ޖެހުނު މީހުންގެ އަދަދު 50،000 އަށް ވުރެ މަތިވެފައި ވާއިރު އެ ބަލީގައި މަރުވި މީހުންގެ އަދަދު މިހާރު ވަނީ 130 އަށް ވުރެ އިތުރު ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
26 May 2021
ހެޔޮނުވާނެ ބިލުތައް ކުޑަނުކުރޭ. ކުރީ ފަހަރުވެސް ބިލުތައް ކުޑަކޮށް ދީފަ އޭގެ ފަހުން އައީ ދުވަހަކުވެސް ބިލަކަށް ނާރާ ވަރުގެ ބޮޑު އަދަދެއް ޖަހާފަ. މި މަހު ބިލުކުޑަކޮށްފި ނަަމަ އަންނަ މަހު އަންނާނެ އޭގެ 3 ގުނަ ބޮޑު ބިލެއް.
ފޮނިޓައްޕު ހަސަނު
26 May 2021
ހެޔޮނުވާނެ ބިލުތައް ކުޑަނުކުރޭ. ކުރީ ފަހަރުވެސް ބިލުތައް ކުޑަކޮށް ދީފަ އޭގެ ފަހުން އައީ ދުވަހަކުވެސް ބިލަކަށް ނާރާ ވަރުގެ ބޮޑު އަދަދެއް ޖަހާފަ. މި މަހު ބިލުކުޑަކޮށްފި ނަަމަ އަންނަ މަހު އަންނާނެ އޭގެ 3 ގުނަ ބޮޑު ބިލެއް.
ހުސެން
26 May 2021
ތަޖުރިބާއަށްބަލާއިރު ތިޔަފަދަ ޑިސްކައުންޓުތަށްއޮންނަނީ ކޮންމެވެސްގޮތަކުން ބިލްބޮޑުކޮށްފަ ދެން ޑިސްކައުންޓޭކިޔާފަ ކަނޑާފަ، އޭރުންވެސް ކުރީގެބިލްތަކަށްވުރެން ޑިސްކައުންޓްބިލަށް އަރާވަރުގިނަވޭ، އެއްގޮތަކަށްވެސް ޖެނުއިން ނިޔަތެއްއޮވެގެން ކުރާކަންކަމެއްނޫން، ރައްޔިތުންނަށް އޮޅުވާލުމަށް ކުޅޭޑުރާމާ! އެހެންނޫންނަމަ ރަށްރަށުގެ ކަރަންޓުބިލްތަކުން %50 ޑިސްކައުންޓުދޭންވީނޫންބާ؟ ގައިމު ރަށްރަށުގަ ފެންބިލެއްނާންނާނެ!!
ސަތޭކަ
26 May 2021
ލޮލް އެމެރިކާ ރައީސް ފޮޓޯ އަށް ޕޯސް ކުރާގޮތަށްކޮށް މާނަ ފުންހެން ހީވާ ގޮތަށް ފޮޓޯ ކަނޑާފައި ޕުރެސް ކޮންފަރެންސް ބޭއްވީމާ ނިމުނީ. މީ ފެންނަމުންދަނީ ޖާހިލުންނަށްވެސް ވޯޓްދެވޭ ޕޮޕިއުލިޒަމްގެ ހިތި
އައްބެ
26 May 2021
މުއްސަނދިންނާއި ތަނަވަސް ފަރާތްތަކަށް ތިގޮތުން ބޮޑު ފައިދާއެއް ލިބޭނެ. މިސާލަކަށް އާދައިގެ ރައްޔިތެއްގެ ކަރަންޓްބިލު 1000 ރުފިޔާއެރީމައި އޭނާއަށް އޭގެ އިން 400 ރުފިޔާގެ ޑިސްކައުންޓު. ނަމަވެސް ތަނަވަސް މީހާގެ ބިލަށް 4000 ރުފިޔާ އެރީމައި އޭނާއަށް އެބަލިބޭ 1600 ރުފިޔާގެ ޑިސްކައުންޓު. ކޮބާތޯ އިންސާފު. މީގައި ނިންމިދާނެ ކޮންމެ މީޓަރަކަށް 1000 ރުފިޔާގެ ޑިސްކައުންޓް ދޭގޮތަށް އެއިރުން ހަމަހަމަވެ 1000 ރުފިޔާއަރާ މީހާއަށް ކަރަންޓް ހިލޭވީ.
ފަތުހަ
26 May 2021
މިޕްރެސް ބަލާފަ ހަމަ ހައިރާންވި. ބޮޑީ ލެންގުއޭޖް ހުރިގޮތުންނާއި ދައްކަވާ ވާހަކަތަކުގެ އޮއްޓަރަށް ބަލާފަ ލީޑަރޝިޕް ހުރިވަރު ވަރަށްބޮޑަށް އެނގިއްޖެ. އެއްބޭފުޅަކު ވާހަކައެއް ވިދާޅުވެފަ އަނެއް ބޭފުޅަކު ބޮލުގެ އިޝާރާތުން އާދޭހޭ ވިދާޅުވަންދެން ޔަގީން ނުކުރެވިފަ. ބޮޑުވަރު..
އެދުންބޮޑި
26 May 2021
އަމިއްލައެދުމުން ފުރިފައިވާ ކޮމަންޓުތަކެއް! މިމީހުންނަގާފަހުންނަ ލޯނުވެސް ދައްކަންޖެހެނީވެސް އެހެންމީހުން އެކަމަކު ވޯޓުގަޑުވެސްޖެހެނީ ވިއްކާލަން...ވަޒީފާނުލިބިގެން ތެޅިބާލާއިރު މަސައްކަތެއްކުރަން ދަންނަ, ކެރޭބަޔަކު މިގަުމުގަ އެބަތިބިތޯއެވެ. ހަރާމެއް ހަލާލެއްބަލަން ބޭނުންނުވާބަޔަކަށް ޝުކުރުކުރާކަށްވެސް ނޭގޭނެއެވެ. މަބުނާނީ ހަމަޖާހިލީޔޭ
ސަތޭކަ
26 May 2021
މިކިޔާ ގެޓޯ ނުވަތަ ސްލަމް މެންޓާލިޓީ އެއީ. ވަށައިގެންވާ ދުނިޔޭގައި ހުރި ތަކެއްޗާއި އެއްވަރަށް ސިކުނޑި ތަރައްގީނުވަނީ. ހީވާނީ ހުރިހާއެއްޗެއް އޮޓޯ އިން ހިލޭ ހައްގުވާހެން. މި ގައުމުގައި އެބަ އުޅޭ އެޒާތުގެ މީހުން ގިނަ ތިން ވަރަކަށް ޖީލު.
ބިލް
26 May 2021
ތިގޮތައް ތަންކޮލެއް ކުރިނަވެސް ބިލްތަކުން ޑިސްކައުންޓުދިން އެކަމަކު ބިލްވީބޮޑު އާމުކޮއް ކަރައްންޓު ބިލައް 1500ރ އަރަމުން އައި ގޭގެ ބިލް ޑިސްކައުންތޓު ދިނީމާ އެމަހު ބިލް އައިރު 2500ރ އަރުވާލާފައޮތީ ދެން އޮތީ ފެއްބިލް އާމުގޮތެއްގާ 700ރ އަރަމުން އައްނަނިކޮއް ސަރުކާރުން ދިން ޑިސްކައުންޓަކުން އެ މަހުގެ ބިލް އައިރު 1300ރ އަރުވާލާފައޮތީ އެހެއްވީމާ އަހއްނައްރަގަޅީ ތިގޮތައް ޑިސްކައުންޓު ނުދިނިޔާމުން ރައްޔެތުންނާވާ ފައިދާއެއްނެތް ސަރުކާރައް ފައިދާވަނީ
ޑޮނާޑު
26 May 2021
އަދި ފެންބިލާ ކަރަންޓު ބިލުން މުޢިއްޒުކަނޑާދެއްވާ ތިރީސް ޕަސެންޓް މިއަކުނުހިމެނޭތޯމުޢިއްޒައް ދަންނަވާލަން ބޭނުން!!
މުއިއްޒު
26 May 2021
ތިޔަ ޑިސްކައުންދިނީ އަހަރެން ބުނެގެން. މިދިޔަ އަހަރުވެސް ޑިސްކައުންޓު ދިނީ ހަމަ އަހަރެން ބުނެގެން. އިނގިއްޖެ!