ހަނިމާދޫ ކައުންސިލަރުން ހުވާކުރުމުގެ ރަސްމިއްޔާތަށް ފަހު މިއަދު ފޮޓޯއަކަށް ހުއްޓިގެން. ބައެއް ކައުންސިލްތަކުގެ ހުވާކުރުން އޮތީ މިރޭ
03 ޖޫން 2017 - 11:01
15 comments
ނިމިގެން ދިޔަ ލޯކަލް ކައުންސިލްތަކުގެ އިންތިޚާބު ކާމިޔާބުކުރި ކެންޑިޑޭޓުން މިއަދު ހުވާކުރަން ފަށައިފި އެވެ.
ބައެއް ރަށު ކައުންސިލްތަކުގެ ކައުންސިލަރުން ހުވާކުރުމުގެ ރަސްމިއްޔާތު މިހާރު ވަނީ ނިމިފަ އެވެ. އަނެއް ބައި ކައުންސިލްތަކުގެ ހުވާކުރުން އޮތީ މިރެ އެވެ. ތިން ސިޓީ ކައުންސިލް ކަމަށްވާ މާލޭ ސިޓީ ކައުންސިލާއި އައްޑޫ ސިޓީ ކައުންސިލް އަދި ފުވައްމުލަކު ސިޓީ ކައުންސިލަށް ހޮވާފައިވާ ކެންޑިޑޭޓުން ވެސް ހުވާ ކުރާނީ މިރެ އެވެ.
މިދިޔަ މަހުގެ ހަވަނަ ދުވަހު ބޭއްވި ލޯކަލް އިންތިޚާބުގައި ރަށު ކައުންސިލްތަކާއި އަތޮޅު ކައުންސިލްތަކަށް 655 ކައުންސިލަރުން ވަނީ އިންތިޚާބުކޮށްފަ އެވެ.
މި ކައުންސިލްތަކުގެ އަޣުލަބިއްޔަތު ނެގީ އިދިކޮޅު އެމްޑީޕީންނެވެ. ތިން ސިޓީ ކައުންސިލެއްގެ ސާފު އަޣުލަބިއްޔަތު ވެސް އޮތީ އެމްޑީޕީ އަށެވެ. އެއީ މާލޭ ސިޓީ ކައުންސިލްގެ 13 ގޮނޑީގެ ތެރެއިން 12 ގޮނޑި އާއި އައްޑޫ ސިޓީ ކައުންސިލްގެ ހަތް ގޮނޑި އާއި ފުވައްމުލަކު ސިޓީ ކައުންސިލްގެ ތިން ގޮނޑީގެ ތެރެއިން ދެ ގޮނޑި އެވެ. އެއާ އެކު، އާބާދީ ބޮޑެތި ކައުންސިލްތަކުގެ އަޣުލަބިއްޔަތު ވެސް ލިބުނީ އެމްޑީޕީ އަށެވެ.
މި ފަހަރުގެ އިންތިޚާބުގައި ވޯޓުލުމުގެ ހައްގު 255،987 މީހަކަށް ލިބުނުއިރު، ވޯޓުލާން ނުކުތީ ވަރަށް މަދު އަދަދެއްގެ ބައެކެވެ. ތިން ފަހަރެއްގެ މަތިން ފަސްކުރި ލޯކަލް ކައުންސިލްތަކުގެ އިންތިޚާބު ބޭއްވިއިރު، 1،497 ކެންޑިޑޭޓުން ވާދަ ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާދާލު
03 June 2017
މަރުހަބާ ހަނިމާދޫ ކައުންސިލް 3 ބޭފުޅުންނަން
ސަމާ. ޢައިލެނޑު
03 June 2017
ކައުންސިލަރުން. ރައްޔިތުންގެ މަންދޫބުން
14
03 June 2017
ހުވާކުރަން ކޯޓުލައިގެން ތިބެ ހުވާކޮށް ނިމުމުން ކޯޓު ބާލާފަގޮސް ދެން އިވޭނީ ކައުންސިލަރުން އޮފީހަށް ގަވައިދުން ޙާޟިދު ނުވާ ވާހަކަޔާ ފުރައިގެން ކަންނެއްޔަށާ ރަށްރަށުގަ ތޮށީގެ މަސައްކަތަށް ގޮސްއުޅޭވާހަކަ
ަސދ
03 June 2017
އަޅުގަނޑު އަބަދުވެސް އެއްމެ ބަލާހިތްވަނީ ކައުންސިލަރުން ހުވާ ކުަރއްވާ ރަސްމިއްޔާތުގެ ފޮތޯތަށް. ވަރަށް މަޖާ.
ޗިކުސް
03 June 2017
ގިނަ ކައުންސިލްތަކުން ހުވަޔާ އެއްގޮތައް އަމަލުކުރާތަން ނުފެނޭ. އޮފީހައް ވަދެލާފަ ޕަންޗްކުރެވުނީމަ އެނިމުނީ. ދެންފެންނާނީ މަހައްނުކުމެ އުޅޭ ޑިންގީގަޑެއްގެ ތެރެއިން.
ބަކުރު އެންޑް ޒުބޭރް
03 June 2017
ހުވާޔާ އެއްގޮތަށް އަމަލުކުރާތި އިނގޭ ކައުންސިލަރުންނޭ. ނޫނީ ތިޔަބައިމީހުން ފާފަވެރިވާނެ.
ތެދު
03 June 2017
"މި ފަހަރުގެ އިންތިޚާބުގައި ވޯޓުލުމުގެ ހައްގު 255،987 މީހަކަށް ލިބުނުއިރު، ވޯޓުލާން ނުކުތީ ވަރަށް މަދު އަދަދެއްގެ ބައެކެވެ." މުޅިއަކުން ރަގަޅު ވާހަކައެއްނޫން. ލޯކަލް ކައުންސިލް އިންތިޚާބެއްގަ 67% މީހުން ވޯޓުލުމަކީ މަދު އަދަދެއްނޫން. މީގެ ކުރިން ފަހަރު ވޯޓުލާން ނިކުތީ 64% މީހުން.
ދދ
03 June 2017
ފޮވައްމުލަކު ސިޓީ ކައުންސެލް ގައި އެންމެ 3 ގޮޑި !
މޫސަ
04 June 2017
500 މީހުންގެ ގއ.ކޮނޑޭ ކައުންސިލުގައި ވެސް 3 ކައުންސިލަރުން "ފުވައްމުލަކުސިޓީ = ކޮނޑޭ ކައުންސިލް"
ޔާމީންއެގްޒިޓް
03 June 2017
ދެން ލަލަލާ.
ސަންތި
03 June 2017
wައަލްހަމްދު ﷲ މިގައުމުގެ އުފާވެރިކަމުގެ ކޮޅުމަތި ފެންނަނީ އެމް ޑީ ޕީ މުޅި ގައުމު ފަތަހަ ކޮއްފި ދެން 2018 ގަ ވެދް ހަމަ މިގޮތއް ސަރުkާރު ބޮޑުތަނުން ފެއިލް ކޮއްލާނަްން އިންޝާ ެﷲ