ރާއްޖޭގެ ރިސޯޓެއް: ރިސޯޓްތަކުން ލަފާފުރުން މިރެއިން ފެށިގެން މަނާ
14 މާޗް 2020 - 16:15
25 comments
މިއަދު ހަވީރު ހަޔަކުން ފެށިގެން ރާއްޖޭގެ އެއްވެސް ރިސޯޓަކުން މީހުން އެހެން ރަށްރަށަށް ދިއުމާއި ރަށްރަށުން ރިސޯޓްތަކަށް މީހުން ދިއުން 14 ދުވަހުގެ މުއްދަތަށް މަނާކޮށްފި އެވެ.
މިގޮތަށް ކަނޑައެޅީ، ކޮވިޑް-19 ފެތުރޭތީ އިއުލާނުކޮށްފައިވާ އާއްމު ސިއްހަތުގެ ކުއްލި ނުރައްކަލުގެ ހާލަތުގެ ދަށުން ޑައިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއިކުރައްވައި މިއަދު ނެރުއްވި އެންގެވުމެއްގަ އެވެ.
ރިސޯޓްތަކަށް މިއަދު އަންނަ ޓޫރިސްޓުން އެ ތަންތަނަށް ގެންދިއުމުގައި އަމަލުކުރާނެ ވަކި ގޮތެއް އެންގުމުގައި ބުނެފައެއް ނުވެ އެވެ. މިރޭ 6:00 ގެ ފަހުން އަންނަ ޓޫރިސްޓުން ގޮވައިގެން އެއާޕޯޓުތަކުން ރިސޯޓްތަކަށް ދަތުރުކުރާ އުޅަނދުތަކަށް ވެސް އިސްތިސްނާއެއް އޮތް ކަމަކަށް އެންގުމުގައި ނެތުމުން، އެކަމުގައި އަމަލުކުރާނެ ގޮތަކާ މެދު ރިސޯޓްތަކުގެ ކަންބޮޑުވުން ވެސް ވަނީ އުފެދިފަ އެވެ.
މީގެ އިތުރުން މިރޭ 12 އިން ފެށިގެން މާލެ އާއި ވިލިމާލެ އަދި ހުޅުމާލޭގެ ހޮޓާތަކާއި ގެސްޓްހައުސްތަކަށް ބޭރު ޓުރިސްޓުން ގެނައުން ވެސް ވަނީ މަނާކޮށްފަ އެވެ.
ދަރުބާރުގޭގައި މިއަދު ބޭއްްވި ޕްރެސް ކޮންފަރެންސްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ޓޫރިޒަމް މިނިސްޓަރު އަލީ ވަހީދު ވިދާޅުވީ ރިސޯޓުތަކުގެ އިތުރުން ރާއްޖޭގެ އެހެން ރަށްރަށުން ވެސް ކޮންމެހެން ކުރަން ޖެހޭ ދަތުރެއް ނޫނީ ނުކުރަން ސަރުކާރުން އިލްތިމާސް ކުރާ ކަމަށެވެ.
"އޭގެ އިތުރުން ވެސް ހަމަ ރާއްޖޭގެ އެހެން ރައްޔިތުންނަށް ވެސް ދަންނަވަން ނަން އެސެންޝަލް ޓްރެވެލް (މުހިންމު ނޫން ދަތުރުތައް) ނުުކުރުން،" އަލީ ވިދާޅުވި އެވެ.
ބަލި ފެތުރޭތީ އަޅާފައިވާ ފިޔަވަޅުތަކާ އެކު ކުރިއަށް އޮތް 14 ދުވަހު ރިސޯޓްތަކަށް މީހުން އަރައި ފޭބުން މުޅިން ހުއްޓޭނެ އެވެ. އަލީ ވަހީދު ވިދާޅުވީ ރިސޯޓްތައް އަލުން ބަލުން ފެށުމަށް ކުރަން ޖެހޭ މަސައްކަތްތައް ކުންފުނިތަކުން ކުރަމުން އަންނަ ކަމަށާއި ސަރުކާރުން އެ ގެއްލުންތައް ވަޒަން ކުރުމަށް ފަހު، ހުށަހަޅާ ސްޓިމިއުލަސް ޕެކޭޖްތަކުގެ މައުލޫމާތު މަދު ދުވަސްކޮޅެއްގެ ތެރޭގައި ހާމަކުރާނެ ކަމަށެވެ.
ރިސޯޓްތަކުގެ ދަތުރުތައް ހުއްްޓައިލަން އެޗްޕީއޭ އިން މިއެންގީ ރިސޯޓްތަކުން ކޮރޯނާވައިރަަސް އަށް ޕޮޒިޓިވް މީހުންގެ އަދަދު މިއަދު 10 އަށް އަރާފައި ވަނިކޮށެވެ. މި އެންމެންނަކީ ވެސް ބިދޭސީންނެވެ. އެކަމަކު އެއީ ޓޫރިސްޓުން ކަމެއް ނުވަތަ ރިސޯޓްތަކުގައި އުޅޭ ބިދޭސީ މުވައްޒަފުންކަމެއް، އެޗްޕީއޭއަކުން ނުބުނެ އެވެ.
ސިއްހީ ކުއްލި ނުރައްކަލުގެ ހާލަތުގައި އަޅާނެ ފިޔަވަޅުތަކާ ބެހޭ ގޮތުން ހެލްތު މިނިސްޓަރު އަބްދުﷲ އަމީނަށް ލަފާއަރުވަނީ ޑައިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އެވެ. އަދި ހެލްތު މިނިސްޓަރުގެ މަޝްވަރާތަކާ އެކު އެ ފިޔަވަޅުތައް އޭނާ އަށް އިއުލާންކުރެއްވެ އެވެ.
ދުނިޔޭގައި ވަރަށް ބާރަށް ފެތުރެމުން ދާ ކޮރޯނާވައިރަސްގެ ސަބަބުން މިހާރު ދުނިޔެ ވަނީ ގާތްގަނޑަކަށް ހުއްޓުމަކަށް އައިސްފަ އެވެ. މިހާރު އެންމެ ނުރައްކާތެރީ ޔޫރަޕް ސަރަހައްދެވެ.
ޑަބްލިޔުއެޗްއޯ އިން ބުނީ ޗައިނާގައި އެ ވައިރަސް އެންމެ ބާރަށް ފެތުރުނު އިރު، ދުވާލަކު ފެންނަ ކޭސްތަކަށް ވުރެ ޔޫރަޕުން މިހާރު ފެންނަ ބަލިމީހުންގެ އަދަދު ގިނަ ކަމަށެވެ. އިއްޔެ އެކަނި ވެސް އިޓަލީން ވަނީ 280 މީހުން، ކޮވިޑް-19 ގައި މަރުވެފަ އެވެ.
ރާއްޖެއިން ފުރަތަމަ ފަހަރަށް ކޮވިޑް-19 ފެނިގެން އުޅެނީ ވެސް އިޓަލީން އައި ޓޫރިސްޓެއްގެ ސަބަބުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު
15 March 2020
ރިސޯޓް ތަކުގެ މުއައްޒިފުންނަށާ ދެން ތިބި މީހުންނަށް 15 ދުވަހަށް ބޭނުންވާ ކާބޯތަކެއްޗާ އެހެނިހެން ތަކެތި ރިސޯޓް ތަކުގެ އެބަހުރިބާ. ނެތްނަމަ, ދެންހަދާނީ ކިހިނެތްބާ.
ދިވެހި ގަމާރު
15 March 2020
ދެން އެވަރު ވިސްނާނެކަންނޭގެދޯ އެމީހުން
ހޮޅިސަރުކާރު
15 March 2020
މިހާރު މިހެދި ގޮތަކީ ރިސޯޓް މުއައްޒަފުން ޤުރުބާން ކުރަނީ . މީ ދިވެހި ސަރުކާރާ ރއްޔިތުންގެ ބަޔަކު ބައިވެރި ވެގެން ހިންގާ އަނިޔާވެރި ޖަރީ މާ އެއް. އެތާ ވަޒީފާ އަދާ ކުރަން އެބަތިބި ދިވެހިން . ޢެ މީހުންގެ ރއްކާތެރި ކަ މައް ކުޑަކޮށް ވެސް ވިސްނާ ނުލަ . ޜައްޔިތުން ބަނޑައް ޖެހިދާނެތީ އެ މީހުން ޤުރްބާން ކުރުން މި ވަޤުތުން ވަގުތައް ހުއްޓާލަން ސަރުކާރއް ގޮވާލަން .
ޙހހހހހހ
15 March 2020
ފުރަތަމަ ކޭސް ފެނުމުން ކުރަންވީކަންތައް މިހާރު ތިކުރަނީ.
ތުއްތުނާ
15 March 2020
ރިސޯޓްތަކަށް އަރައި ފޭބުން 14 ދުވަހަށް މަނާ ކުރުމުން މީގެއިން އަދި މުޅިން ރައްކާތެރިކަން ކަށަވަރު ނުވާނެ ..... އެއީ އަދިވެސް ރިސޯރޓް ތަކަށް ގެސްޓުން ގެނައުން ހުއްޓާލާފައި ނުވާތީ ކޮންމެ ދުވަހަކު އަލަށް ރިސޯޓަށް އަންނަ ޓޫރިސްޓުން ނާއި ރިސޯރޓް ގައި މިހާރު ތިބި މީހުންނާއި އެކުވަމުން ދާނީ .... ދެން މިވާގޮތުން ކޮންމެ ދުވަހަކު 14 ދުވަހަށް އިތުރު ދުވަހެއް އިރު ކުރަން ޖެހޭ !... މިކަން ހަމައަކަށް އެޅޭނީ ފަތުރުވެރިން ގެނައުން މެދުކަނޑާލުމުން އެކަނި....
ބޮޑުމީހާ
14 March 2020
ދެން 3 ދުވަހުން ތި އެންގުން ބާތިލް ނުކުރާތި
ސަޓޯބެ
14 March 2020
އަދިވެސް ގިނަ ދިވެހިން ކިނބިއްސެއް އެޅިޔަސް މި އަޅަނީ އަނގަ މަތި ނިވާ ނުކޮށް. ދެން ގޯސް މިވަނީ ބުނާ މީހާ
ތުއްތުނާ
14 March 2020
އެންމެ ފަހުން ބަލި މީހަކު މިފެނުނީ ކަރަންޓީނު ކުރެވުނު 3 ރިސޯރޓް ގެ ތެރޭގައި ހިމެނޭ ރަށަކުން...... އެކަމަކުވެސް 3 ދުވަސް ފަހުން ކަރަންޓީނުން ރަށްތައް ދޫކޮށްލައިފި ؟....... ދެން އަނެއްކާ ޓެސްޓް ހަދައިގެން ޕޮޒިޓިވް މިވަނީ ؟ ބަލީގެ އަލާމާތްތައް ނުފެނި 14 ދުވަސް ހުންނަ ކަމަށްވާއިރު ރިސޯޓުގައި ތިބި ހުރިހާ އެންމެން ޓެސްޓްތައް ހަދައިގެން ނޫންގޮތަކަށް ކަރަންޓީނުން ދޫކޮށްލީ ކީއްވެ؟......
އަލީ
14 March 2020
ޔޫރަޕުގެ ގިނަ މީހުންނަކީ ކޮރޯނާގެ ބަލިމަޑުކަން ދުނިޔޭގައި ފެތުރިގެން ދާއިރުވެސް ސިއްހީގޮތުން އަޅްންޖެހޭ ފޮޔްވަޅު އެޅުމުގައި ވަރަށް ކަންފަސޭހަ ފަރުވާކުޑަބައެއްގެ ގޮތުގައި އަޅުގަނޑަށް ފާހަގަކުރެވެއެވެ.ދުނިޔޭގެ އެންމެން ބައްޔާމެދު ކަންބޮޑުވާއިރު އެމީހުންތިބީ ހަމަކުރިއެކޭ އެއްގޮތަށެވެ.ތިމާ ކޮންމެ ގިތަކަށް އުޅުނަސް ބަލިނުޖެހޭނެއޭ ހީވާކހަލަ ގޮތަކަށެވެ.
1828
14 March 2020
18:38ގައި ރިސޯޓަށް އެރީ. ރިސޯޓަށް އައީވެސް ރިސޯޓް ފެރީގައި.
ޟަނާއީ
14 March 2020
ދެން ވަރިހަމަ ދޯ މިޔަދު ރިސޯޓުން ފޭބިހާ މީހުން ރައްރަށައް ފުރާގެން ދިޔަސް