މޯލްޑިވިއަންގެ މަތިންދާ ބޯޓެއް-- ފޮޓޯ: މިހާރު
06 އެޕްރީލް 2020 - 19:31
26 comments
ކޮވިޑް-19 ފެތުރެން ފެށުމުން ބަންދުކޮށް ދަތުރުފަތުރު ހުއްޓާލި ގައުމުތަކުގައި ތިބި މީހުން ގެންނަން މޯލްޑިވިއަން އިން ކުރާ ދަތުރުތަކުގެ އަގު ބޮޑުކަމަށް ބުންޏަސް، ވިޔަފާރި އުސޫލުން ކުރާ އަގުތައް މާ ބޮޑުވާނެ ކަމަށް އެ އެއާލައިން ހިންގާ އައިލެންޑް އޭވިއޭޝަނުން މިއަދު ބުނެފި އެވެ.
މިއަދު ހަވީރު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި މޯލްޑިވިއަންގެ ޕަބްލިކް ރިލޭޝަންސް މެނޭޖަރު މޫސާ ވަސީމް ވިދާޅުވީ، އެއްކޮޅަށް ދަތުރުކުރަނީ ބޯޓު ހުސްކޮށް ކަމަށް ވާތީ ހަރަދު ބޮޑުވާ ކަމަށެވެ. ދަތުރުތައް ކުރަނީ އެކަމަށް ކުރާ ހޭދަ ކަވަރުވާ ގޮތަށް އެކަނި ކަމަށާއި އެއްވެސް ފައިދާއެއް މި ދަތުރުތަކުން ނުލިބޭނެ ކަމަށް އޭނާ ވިދާޅުވި އެވެ.
"އަޅުގަނޑުމެން މިދަނީ އެއްކޮޅުން ހުސްކޮށް. މިހުރިހާ ކަމެއް ހުރި އިރު އަޅުގަނޑުމެން ދަތުރު ކުރަނީ ހަމަ އެޓް ކޮސްޓްގައި. ވިޔަފާރި އުސޫލުން ކުރާ ކަމުގައިވާ ނަމަ މި އަގުގައެއް ނޫން ކަންނޭގެ ދަތުރުތައް ކުރާނީ،" އޭނާ ވިދާޅުވި އެވެ.
ގައުމުތަކުގައި ތާށިވެފައި ތިބި ދިވެހިން ގެންނަން މިހާތަނަށް މޯލްޑިވިއަނުން ވަނީ ތިން މަންޒިލަކަށް ދަތުރުތައް އިއުލާނުކޮށްފަ އެވެ. އެގޮތުން ލަންކާ އަށް ކުރާ ދަތުރުތަކުގެ ޓިކެޓްގެ އަގަގީ 300 ޑޮލަރު (4،626 ރުފިޔާ) އެވެ. ކޮޗިންގެ ޓިކެޓު 264 ޑޮލަރު (4،086 ރުފިޔާ) އަށް އަދި މެލޭޝިއާގެ ޓިކެޓް ވިއްކަނީ 330 ޑޮލަރު (5،088 ރުފިޔާ) އަށެވެ. މިހާތަނަށް މޯލްޑިވިއަނުން ވަނީ ލަންކާ އަށް އެއް ދަތުރު އެވެ.
މޫސަ ވިދާޅުވީ، ލަންކާ އިން މީހުން ގެނައުމުގައި ބޭސްފަރުވާ އާއި އެ ނޫން ވެސް މުހިއްމު ބޭނުންތަކަށް ގޮސްފައި، ރާއްޖެ އަށް ނާދެވިފައިވާ މީހުންނަށް އިސްކަން ދިން ކަމަށެވެ. އެގޮތުން މީހުން ކަނޑައެޅުމުގައި އިސްކަން ދިނީ ސަރުކާރުން ކަނޑައަޅާފައިވާ އުސޫލުތަކަށް ކަމަށް އޭނާ ވިދާޅުވި އެވެ. ލަންކާ އަށް ކުރި ފުރަތަމަ ދަތުރުގައި 100 މީހުން ވަނީ މާލެ ގެނެސްފަ އެވެ.
މީގެ އިތުރުން ކުރިއަށް އޮތްތަނުގައި ވެސް، ރާއްޖެ އަށް ބޭނުންވާ ތަކެތި ގެނައުމަށް އޮންނަ އުސޫލުގެ ތެރެއިން ކާގޯ ދަތުރުތައް ކުރާނެ ކަމަށް މޫސަ ވިދާޅުވި އެވެ.
ކޮވިޑް-19 ޖައްސާ ކޮރޯނާވައިރަސް އިން ސަލާމަތްވާން މި ސަރަހައްދުގެ އިތުރުން ދުނިޔޭގެ ހުރިހާ އެއާޕޯޓުތަކެއްހެން ވަނީ ބަންދުކޮށްފަ އެވެ. މިކަމުގެ ސަބަބުން އެއާލައިންތުގެ ޝެޑިއުލް ދަތުރުތައް ވަނީ ހުއްޓައިލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަށީދު އަށް
07 April 2020
ދެން މޫސާ ތިބުނަނީ އިއްޔެ ގެނައި 100 މީހުން ގެންނަން 4 ލައްކަ ހަރަދު ވެޔޭތަ؟ 4000 ޓިކެޓް އަގު އުޅެނީ 100 މީހުން ގެނައި. ފައިދާ ނުލަޔޯ. ލޭބޯ ދިރާގު، އުރީދޫ، އައިލެންޑް އޭވިއޭޝަން
ކިއްލި
07 April 2020
މޯލްޑިވިއަން އަދި ދިރާގް އެއީ ރައްޔަތުން ފެލުމުގެ ނަމްބަރ1.
ޏަމްޔަމު
07 April 2020
ފުލައިޓް އެދަނީ އެއްކޮޅުންމީހުން ބަލާ އަނެއްކޮޅައް ހުސްކޮއް.. ކޮމެންޓެއް ކުރެވޭތޯބަލާލާތި
ހަކީމް
07 April 2020
މޭލޭޝިޔާ ފްލަޓަށް ވީގޮތުން އިނގޭކަމަކީ ފްލައިޓް އަޅަނީ ތިމާގެ މީހުންނާ، ޕާޓިގެ ބޮޑުންގެ އާއިލާތަށް ގެންނަން ކަން. ވަރަށް ސާފު.
އިންލި
07 April 2020
ސިޔާސީ މީހުން މިކަމުގަ އެއްޗެއް ވިދާޅުވާ އަޑެއްނީވޭ.. ވޯޓު ކާރިވީމައަންނާނެ ފޫބުޑުން ނުވެސްނެއްޓޭނެ..އަދި ކުރިޔަ ވޯޓުއޮއްކަން ހަދާންކުރާތި...ނަމަ ނަމަ..ނަމަ
ޠުއާގު
07 April 2020
މާހެޔޮއެދޭކަމަ ބުނަމުންދިޔަ އެންޑިޕީ އާއި މަޖިލިސް މެންބަރުން އަގަބަންދުވީތޯ....
ޔަހްޔާ
07 April 2020
ލަންކާއަށް ވުރެމެލޭށިއާ މާބޮޑަވެސް ދުރު ފިއުލް ކަމައަޅަނީ ފެންތޯ 300 ލަންކާއަށް މެލޭށިޔާއަށް 320 ބަލަސަރުކާރުތިބެގެން ކޮސްގޮވާނެކަމެއްނެއް އިހަކދުވުވަހުނޫންތޯ ޗައިނާ ، އިޓަލީ ، ފުރާންސު ، ޔޫކޭ ، ޖާމަން އިން ޗަޓާފުލެއިޓުއަސް އެގައުމުގެ މީހުންގެންދިޔައި ހަމައަހުރެމެން ކުރިމަތީގަ ނޫންތޯ...... ދެންތިބުނަނީ އެހެންއެއާލައިނަ ވުރެބޮޑުއަގުގަ ޓިކެޓުވިއްކާފަ ބުނަނީ ގެއްލުމުގައޭ ވައްސޭ ކަލެއަށް ސާބަސް އަދުރޭ ޖަހާކަހަލު ހިސާބު ޖެހީމައަންނާނީ ތިގޮތަ...
ރައީސްގެމީހާ
07 April 2020
އެހެން ފްލައިޓްތަކަށް އަޅަނީ ކޯޗެއް..ވިދާޅުވެލައްވަ ބަލަ.. ފިއުލްއަކީ އޭގެ ވެއިޓާއި ސްޕީޑަށް ނިސްބަތްވާ އެއްޗެއް.. ބޮޑެތި ފްލައިޓް ތަކުގެ ޖާބަ ބޮޑުވާއިރު ކޮސްޓް ޔައުނީ ފިއުލްވެސް ހައިވޭ.. ނަމަވެސް އެއަރ އޭޝިއާއިން 199އަށް 50 މީހުން ގޮވައިގެން ބޮޑެތި ފްލައިޓް އެބަދޭ.. ދިވެހި ނަން ޖަހައިފިތަ.. ފިއުލްވެސް ޚަރަދުވެސް އަދި ޓިކެޓްވެސް ބޮޑުވަނީ.. އެކަމަކު ފައިދާ އަކަށް ނޫން..؟ އެހެންވަނީ ހުރިހާމިނިސްޓަރުންގެ އާއިލާގެ ޓިކެޓް އެމްބަސީން ހިލޭ ދޭތީ..
އިންލި
07 April 2020
ވިޔަފާރިކުރާ ކުންފުނިތަކުން އެއްވިކަނީ 250 ޑޮލަރަ ގެއްލުމުގަ ތިވިއްކަނީ 300 ޑޮލަރަ ވަސީމު ގަދަ...
ަލައިޔާމު
07 April 2020
ތިބޭފުޅާގެ މިހަކުމިވަގުތު ރާއްޖެންބޭރުގަ ނުތީމަތިބުނަނީ ބަރާބަރޭ ގެންނާނެ ކަމެއްނެތޭ އަދިވެސް އަގުބޮޑުކުރާށޭ ހުރދުވަހެއްނަމަ ކީކޭތޯބުނާނީ އަމިއްލައަށް ސުވާލުކޮލާ....ބަޔކުގެދޮރު ކުއްޔަދިފަ ތިޔަސް އަހުރެމެން ނަކީރާއްޖޭގަ އެއްވެސްތަނެއްގަ ބޯހިޔާވަހިކަމެއް ތިބިބައެއްނޫން.....
ތަކުރޭ
07 April 2020
މުޅިއަކުން ގޯސްވާހަކައެއް ނޫން.. އެކަމު ބޭރުގައި ތިބި ގިނަމީހުންނަކީ މާލޭ ގެދޮރު ކުއްޔަށް ދީފައި ބޭރުގައި އުޅޭމީހުން..ބަލި ފެތުރެން ފެށީމާ ރާއްޖެ ނައިސް ބޭރުގައި ތިބެނީ އެގައުމުތަކުން މާރަނގަޅަށް ބަލި ކޮންޓްރޯލް ކޮށް ފަރުވާ ރަނގަޅުވާނެކަމަށް ހީކޮށް ކަންނޭނގެ..އެންމެ ފަހުން މުޞީބާތް ބޮޑުވެ ގައުމުތައް ލޮކްޑައުން ކުރީމަ ރައްކާތެރިކަން ހޯދަން މިއަދު އުފަން ގައުމު ވަރެއް ނެތިގެން މި އަންނަނީ، އަންނައިރު ބަލިވެސް ހިފައިގެން އެންމެ ފަހުން..
އަލީރާޖާ
07 April 2020
ބައެއް މީހުން އެއަޕޯޓުތައް ލޮކްޑައުންކޮށްފައި އޮއްވާ އާދެވޭނެ ގޮތެއް ހަދާދިނީތީ ޝުކުރުވެރިވުމުގެ ބަދަލުގައި އަބަދުވެސް ކޮންމެވެސް ޝަކުވާއެއް. މާލެ އައިސްފައި ކަރަންޓީނަށް ދާންޖެހޭތީ އެކަމާވެސް ޝަކުވާ. ކަރަންޓީނުގައި ތިބޭ މުއްދަތު ދިގުވެގެން ޝަކުވާ. ލިބޭ ކާއެއްޗެހި ރިސޯޓަކާ އެއްފެންވަރު ނުވެގެން އެކަމާވެސް ޝަކުވާ. މިއީ އަޅެ ދެން ކޮން ފަދަ ކަމެއްތަ އަޅެ؟ ކަލޭމެން ބޭރު ތަންތަނަށް ގޮސް ތިތިބީ ސަކާރުން ގަދަކަމުން ބިޑިއަޅުވައިގެން ގެންގޮސްގެންތަ؟
މައުލޫމާތު
07 April 2020
ކިހިނެއް ބަލާފަ ބާ ލަންކާއައް ދާ ފްލައިޓްގެ ހަރަދައް މިވަރު މި އައި؟؟ މެލޭޝިޔާ އައްކުރެވޭ ދަތުރުވެސް ރާސްތާއައް ބަލާފަ މާއަގުހެޔޮކަމައް ފެނޭ؟؟ ލަންކާއައް ދަތުރުކުރާތީ ޖެޓް ފިއުލް ދާލެއް ގިނައިބާ؟؟ ނޫނީ އެއާޕޯޓް ޗާޖު ބޮޑީބާ؟؟ ަ