ޑެލިވަރީގެ ޚިދުމަތް 24 ގަޑިއިރަށް ދެވޭ ގޮތަށް ހަމަޖައްސައިފި

މާލެ- އޭޕްރިލް 16، 2020: މާލޭގައި ޑެލިވަރީގެ ހިދުމަތް ދެނީ، ގިނަ ފިހާރަތަކުން އޮންލައިން ވިޔަފާރީގެ ހިދުމަތާއި ޑެލިވަރީގެ ހިދުމަތް ވަނި ފަށާފައި--. ފޮޓޯ: ނިޝާން އަލީ/މިހާރު

ފާތިމަތު ޝަނާ މުހައްމަދު، މިހާރު

17 އެޕްރީލް 2020 - 16:51

9 comments

މާލެ އާއި ވިލިމާލެ އާއި ހުޅުމާލެ ކުރިއަށް އޮތް 14 ދުވަހަށް ލޮކްޑައުން ކުރުމާ ގުޅިގެން، ހޯލްސޭލް އަދި ރީޓެއިލް ވިޔަފާރިތަކުން 24 ގަޑިއިރަށް މި ވަގުތު ޑެލިވަރީ ކުރެވޭނެ ކަމަށް ފުލުހުން މިއަދު ބުނެފި އެވެ.

ފުލުހުން ބުނީ، ހޯލް ސޭލް ކުރާ މީހުންނަށް އަދި ރީޓެއިލް ކުރާ ވިޔަފާރިތަކަށް 24 ގަޑި އިރު ތަކެތި ޑެލިވަރީ ކުރެވޭނެ ކަމަށެވެ. އެކަމަކު، ކާބޯތަކެތި ގޭގެ އަށް ޑެލިވަރީ ކުރެވޭނީ ކޮންމެ ދުވަހެއްގެ ހެނދުނު 8:00 ން ރޭގަނޑު 11:00 އަށް ކަމަށް ފުލުހުން ބުނެ އެވެ.

މާލެ އިން ކޮވިޑް-19 ގެ މީހުން ފެންނަން ފެށުމުން، ކޮންޓެކްޓް ޓްރޭސިން ހެދުމަށް މާލެ އާއި ވިލިމާލެ އާއި ހުޅުމާލެ ލޮކްޑައުންގައި އޮތުމުން ތަކެތި ޑެލިވަރީ ކުރުމަށްޓަކައި ހާއްސަ ވަގުތުތަކެއް އިއްޔެ ފުލުހުން ކަނޑައެޅި އެވެ. އެއީ ހެނދުނު 9:00 ން މެންދުރު 2:00 އާ ހަމައަށް އަދި މެންދުރު ފަހު 3:00 ން ފެށިގެން އިރުއޮއްސި 6:00 އާ ހަމައަށް، ރޭގަނޑު 8:00 އިން ފެށިގެން 11:00 އާ ހަމައަށެވެ.

Due to the high number of pending deliveries, we have revised the delivery times now.

The new delivery times for wholesalers and retailers is 24hrs daily.

Food deliveries from cafes/eateries is from 08:00-23:00hrs daily.#COVID19Maldives
— Maldives Police (@PoliceMv) April 17, 2020

ފުލުހުންގެ ޓުވީޓް

ނަމަވެސް މި ވަގުތުތައް ފަހަނައަޅައި ދިޔައިރު ވެސް ތަކެތި ޑެލިވަރީ ކުރުން ބާރު ބޮޑުވެގެން ރޭ ވަނީ ވަގުތު އިތުރުކޮށްދީފަ އެވެ. ތަކެތި ޑެލިވަރީ ކުރާ ވަގުތު އިތުރުކޮށްފައިވަނީ، ޑެލިވަރީ ކޮށްދޭން ހުއްދަ ދީފައިވާ ފިހާރަތަކުން ފޯނު ނުނަގާ ކަމުގެ ޝަކުވާ އާއި އޯޑަރުތައް ނެގުމަށް ފަހު ވެސް ޑެލިވަރީ ނުކުރެވޭ ކަމުގެ ޝަކުވާ އިތުރުވެފައި ވަނިކޮށެވެ.

ދަރުބާރުގޭގައި އިއްޔެ ބޭއްވި މީޑިއާ ބްރީފިންގައި މާލޭގެ މޭޔަރު ޝިފާ މުހައްމަދު ވިދާޅުވީ، ސިޓީ ކައުންސިލްގައި ރަޖިސްޓަރީ ވެފައިވާ ހުރިހާ ވިޔަފާރި އަކަށް ޑެލިވަރީ ކުރުމުގެ ހުއްދަ ރެއާ ހަމަޔަށް ދޭނެ ކަަމަށާއި އެއާ އެކު ޑެލިވަރީގެ މައްސަލަ އަށް ހައްލެއް ލިބޭނެ ކަމަށެވެ.

މާލޭ ސިޓީ ކައުންސިލުން ވަނީ 180 އަށް ވުރެ ގިނަ ފިހާރަތަކަށް ޑެލިވަރީގެ ހުއްދަ ދޭން ނިންމައިފަ އެވެ. މީގެ އިތުރުން އަލުން ޑެލިވަރީ ކުރަން ރަޖިސްޓަރީވާ މީހުންނަށް ވެސް އެ ފުރުސަތު އޮންނާނެ ކަމަށް ސިޓީ ކައުންސިލުން ބުނެ އެވެ.

މާލެ ލޮކްޑައުން ހާލަތަށް ގެނައީ މާލެ އިން ކޮވިޑް-19 އަށް ޕޮޒިޓިވް މީހަކު ފެނުމުންނެވެ. މިހާތަނަށް މާލެ އިން އަށް މީހަކު ޕޮޒިޓިވްވެފައިވާ އިރު ރާއްޖެ އިން ޖުމްލަ ފެނުނު މީހުންގެ އަދަދު ވަނީ 28 އަށް އަރައިފަ އެވެ.

ފުލުހުން ލޮކްޑައުން ސިއްހީ ކުއްލި ނުރައްކަލުގެ ހާލަތު ރީޓެއިލް ވިޔަފާރި ކެފޭ/ރެސްޓޯރެންޓް ސިއްހަތު ބަލިތައް ވިލިމާލެ މާލެ

9 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަރުމީލް

17 April 2020

ފުލުހުން ސިފައިން އިސްކޮށް ތިބެ ގޭދަށު ފިހާރަތަކަށް ތަކެތި ފޮނުވަދީބަލަ...ޑެލިވަރ ކުރާނެ އެއްޗެއް ފިހާރައިގަނެތް..މޭޔަރ ޝިފާ ދައްކާ ފޮނިބައިސާ ގަބޫލެއްނުކުރަން..ޓީވީތަކަށް އަރާބުނި މިފަދަ ހާލަތައް ރެޑީވެގެނޭ މިތިބީ...ހުރިހާކަމަކަށް ޕްލޭން ހަދާފަޔޯއޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

17 April 2020

ކީއްވެގެންތޯ ފޭލްވެފައިއޮތް މާލޭ ސިޓީ ކައުންސިލާއި ކަންތައް ހަވާލުކުރައްވަނީ. ކައުންސިލުން ވަކި ހުއްދައެއް ފުލުހުން ވަކި ހުއްދައެއް ޑެލިވަރކުރުމަށްދެނީ؟ އެންމެ ތަނަކުން ތިކަންކުރާގޮތަށް ނިންމަވާފައި ސިފައިންނާއި ތިކަން ހަވާލުކުރައްވާ. ކައުންސިލުން ބާޒާރުމަތީ ހުރި ފިހާރަތަކަށް ހުއްދަނުދީ ހުއްދަދިނީ ރަށުތެރޭހުރި ފިހާރަތަކަށް. ސިއްހީ ކަންތައްތައް އެޗްޕީއޭގެ އިރުޝާދުގެ ދަށުން ކުރިޔަށް ގެންދަވާ. ކެބިނެޓްގެ ނާގާބިލް ވަޒީރުން ވަގުތުން ބަދަލުކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

17 April 2020

ގަވާއިދެއް ހެދިޔަސް އެއްވެސް ވަރަކަށް ތަންފީޒު ނުވާތީ ދިވެހިން މިހާރު ޖެހިލުމެއް ނުވޭ ގަވާއިދާ ޚިލާފުވާކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 April 2020

ޑެލިވަރީ ކުރަން އަންނަ.މީހާ ގޭގެ ބޭރު ދޮރުގެ ތަޅުގަ އަތް ނުލުން އެދެމެވެ . ގެއަށް އައިސް.މޯބައިލް ފޯން އަށް ގުޅާލީމަ ހަވާލު ވާން އަންނާނަމެވެ. ޑެލިވަރީ ކުރާ.މީހާ ޕޮސިޓިވް ވެއްޖެނަމަ އެތައް ބަޔަކަށް ނުރައްކާ ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

17 April 2020

ހުރިހައި ކަމެއްފޭލްވެފައި މިއޮތީ. ރާއްޖޭގައި އަބަދުވެސް ހަދާގަވައިދެއް ގާނޫނެއް ތަންފީޒު ކުރާނެ ބަޔަކު ނުތިބޭ އުސޫލުން ވެރިކަން ކުރާރަށް ލޮކްޑައުން ކުރީމާވެސް އެކަންވެސް ތަންފީޒު ކޮށް ބަލަހައްޓާނެ ބައެއްނެތް. ރައިޔަތުން މަގުމަތީގައި މުދާހޯދަން ހޭބޯނާރާ ދުވެބާލަނީ. ދުނިޔޭގެ ކޮންގައުމެއްގައި ތޯ މިގޮތަށް ރައިޔަތުންނަށް ލޮކްޑައުންގައި ބޭރަށް ނިކުމެއުޅެވެނީ. އިންޑިއާ ފުލުހުން ބޭރުގައި އުޅުނުމީހުންގައި ލިޓިބުރިންތަޅަނީ ހަމަ ތަޅަންވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

17 April 2020

ފުލުހުން ދަށްކާވާހަކަ ދިމާނުވޭ. ހަރުކަށި ފިޔަވަޅު އެޅިލެއް ވަރުގަދަ ކަމުން ދޯ މަގުތައް ފުރެދެން ބޮއްދުން މިއުޅެނި އެއްވެސް ކަމެއްނެތި. ފުލުހުން މަގުތަކުގަ ތިބޭއިރުވެސް އެއިގެން މީހަކަށް ސުވާލެއްވެސް ކޮށް ނުލާ. ހުރިހާ ނުރަށްކަލެއް ދިވެހި ރަށްއިތުންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރާ

17 April 2020

ހަމައެކަނި ލިސްޓެއް ނޫން ނަމްބަރާއެކު ބޭނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

17 April 2020

މާލޭ ސިޓީ ކައުންސިލަކީ ފޭލްވެފައިއޮތް ތަނެއް. އެތަނުގައި ތިބި މީހުންނާއިއެކު މާލޭގެ ދެލައްކައިގެ އާބާދީއަށް މިލޮކްޑައުން ކުރިޔަށް ގެންދަން ފަސޭހައެއް ނުވާނެ. ހުއްދަތައް ދިނުމާއި އެހެން މަސްއޫލިއްޔަތުތައް ސިޓީ ކައުންސިލްގެ ކިބައިން ނެގުމަށްފަހު އެކަންވާނެ ބަޔަކާއި ހަވާލުކުރައްވާ. މިވަގުތަށް ހީވަނީ އެކަންވާނީ ސިފައިންނަށްހެން. ސަރުކާރުގައި ހެލްތު ފިޔަވާ ކަމެއްކުރެވޭ ދާއިރާއެއް ވަރަށް މަދު. އިގުތިސާދީ ދާއިރާތައް ފޭލްވެފައި.