މާލެ ލޮކްޑައުން ކޮށްފައި ވަނިކޮށް، ނުކުމެ އުޅުނު މީހަކާ ފުލުހުން ސުވާލު ކުރަނީ.---ފޮޓޯ: ނިޝާން އަލީ/މިހާރު
15 މެއި 2020 - 01:55
61 comments
ކޮރޯނާވައިރަސް ފެތުރުން ކޮންޓްރޯލް ކުރުމަށްޓަކައި އަޅާފައިވާ ފިޔަވަޅުތައް އިތުރަށް ވަރުގަދަ ކުރުމަށްޓަކައި ކޮންމެ ގެ އަކުން ވެސް މިއަދުން ފެށިގެން ބާޒާރަށް ނުކުމެވޭނީ ހަފުތާއަކު އެއް ފަހަރު ކަމަށް ފުލުހުން ކަނޑައަޅައިފި އެވެ.
މިއީ ކޮރޯނާވައިރަސް އިން ފެތުރޭ ކޮވިޑް-19 ގެ ސާޖެއް ނުވަތަ ކުއްލި އިތުރުވުމެއް މި ދެ ހަފުތާގައި އަތުވެދާނެ ކަމަށް ސިއްހީ މާހިރުން ގަބޫލު ކުރައްވާތީ އެޅި ފިޔަވަޅެއް ކަމަށް ފުލުހުންގެ އިދާރާ އިން ބުނެ އެވެ.
މާލެތެރެއަށް ކޮރޯނާވައިރަސް ފެތުރެން ފެށުމުން، މިދިޔަ މަހުގެ 15 ގައި މާލެ އާއި ވިލިމާލެ އަދި ހުޅުމާލެ ލޮކްޑައުންކޮށް، ކޮންމެ ގެއަކުން ކޮންމެ ހަފުތާ އަކު ތިން ދުވަހުން އެއް ދުވަހު ބާޒާރަށާއި އެހެނިހެން ބޭނުމަށް އެކަކަށް ނުކުމެވޭ ގޮތަށް ފުލުހުން ހަމަޖައްސައި ދިނެވެ. އެކަމަށް އެދި ޚާއްސަ ފޯމު ފުރަން ޖެހެނީ ޕޮލިސް ޕޯޓަލް މެދުވެރިކޮށެވެ. އެ ފޯމު ފުރުމުން ފުލުހުންގެ ހުއްދައެއް ކޮންމެ މީހެއްގެ ފޯނަށް ވެސް ލިބޭނެ އެވެ. އެ މީހަކަށް ބޭރުގައި ހަރަކާތްތެރިވެވޭނީ ވަކި ވަގުތަކަށް، ވަކި ސަރަހައްދުތަކެއްގަ އެވެ.
ފުލުހުން މިއަދު ބުނީ، ކުރީގެ އުސޫލު ބަދަލުކޮށް، ދެން ބާޒާރަށް ދާން ނުކުމެވޭނީ ހަފުތާއަކު އެއްފަހަރު ކަމަށެވެ. ކޮންމެ ގެ އަކަށް ވެސް ކަނޑައަޅާފައިވާ އާ ގަޑިތައް، ފޯނަށް ފޮނުވާ އާ މެސެޖަކުން އެނގޭނެ ކަމަށް ފުލުހުން ބުންޏެވެ.
އެ ގޮތަށް އަމަލު ކުރޭތޯ ފުލުހުން އައީ ބަލަމުންނެވެ. އެގޮތުން ބާޒާރަށް ގޮސް ފިހާރަތަކުގެ ކިއޫގައި ތިބޭ މީހުންނާ ސުވާލުކޮށް، ޚާއްސަ ހުއްދަ އޮތްތޯ ބަލަ އެވެ. އެ ހުއްދަ ނެތް މީހުން ގެ އަށް ފޮނުވަމުން ދިޔަ އެވެ.
ފުލުހުން މިއަދު ބުނީ، ކުރީގެ އުސޫލު ބަދަލުކޮށް، ދެން ބާޒާރަށް ދާން ނުކުމެވޭނީ ހަފުތާއަކު އެއްފަހަރު ކަމަށެވެ. ކޮންމެ ގެއަކަށް ވެސް ކަނޑައަޅާފައިވާ އާ ގަޑިތައް، ފޯނަށް ފޮނުވާ މެސެޖަކުން އެނގޭނެ ކަމަށް ފުލުހުން ބުންޏެވެ.
"އަލުން ރެޖިސްޓަ ކުރައްވަން ނުޖެހޭނެ،" ފުލުހުން ބުންޏެވެ.
Starting from today, all grocery permits issued by police would be reduced to once a week. If you’re already registered, you’ll get a new text message revealing the new time. You don’t need to get registered again. This is done to control a possible surge of #COVID19Maldives
— Maldives Police (@PoliceMv) May 14, 2020
ފުލުހުންގެ ޓުވީޓް
ފުލުހުންގެ މި ފިޔަވަޅާ އެކު، ބެލެވޭ ގޮތުގައި މި ދެ ހަފުތާއެއްހާ ދުވަހުގެ ތެރޭގައި ބޭރުތެރޭގައި އާންމުން އުޅުން ވަރަށް ބޮޑަށް ކޮންޓްރޯލް ކުރާނެ އެވެ.
ފުލުހުން މިހާރު ވަނީ ދަންވަރު 1 ން ހެނދުނު 9 އާ ދެމެދު އާންމުންނަށް ސިނަމާލެ ބްރިޖަށް އެރުން ވެސް މަނާކޮށްފަ އެވެ. މި ފިޔަވަޅުތަކާ އެކު، ބެލެވޭ ގޮތުގައި މި ދެ ހަފުތާގައި މިފަދަ ބައެއް ކަންކަން ކަމާ ބެހޭ އިދާރާތަކުން ދާނީ ލޮކްޑައުންގެ މުއްދަތުގައި ވަރުގަދަ ކުރަމުންނެވެ.
ރާއްޖެ އިން ކޮވިޑް-19 ކޮންޓްރޯލް ކުރުމަށްޓަކައި ތަފާތު ފިޔަވަޅުތައް އެޅުމަށްޓަކައި މިދިޔަ މަހުގެ 15 ން ފެށިގެން މާލެ ސަރަހައްދު ވަނީ ލޮކްޑައުން ކޮށްފަ އެވެ. ކޮންމެ 14 ދުވަހަކުން އެޗްޕީއޭ އިން ލޮކްޑައުން އިތުރު ކުރަމުން ގޮސް އެންމެ ފަހުން ކަނޑައަޅާފައިވާ ގޮތުން ނަމަ އެ މުއްދަތު ހަމަވާނީ މި މަހުގެ 28 އަށެވެ.
ފުލުހުން މިހާރު ވަނީ ދަންވަރު 1 ން ހެނދުނު 9 އާ ދެމެދު އާންމުންނަށް ސިނަމާލެ ބްރިޖަށް އެރުން ވެސް މަނާކޮށްފަ އެވެ. މި ފިޔަވަޅުތަކާ އެކު، ބެލެވޭ ގޮތުގައި މި ދެ ހަފުތާގައި މިފަދަ ބައެއް ކަންކަން ކަމާ ބެހޭ އިދާރާތަކުން ދާނީ ލޮކްޑައުންގެ މުއްދަތުގައި ވަރުގަދަ ކުރަމުންނެވެ.
ރާއްޖެ އިން މިހާތަނަށް ވަނީ ކޮވިޑް-19 ގެ 982 މީހަކު ފެނިފަ އެވެ. އޭގެ ތެރެއިން ރަނގަޅުވީ 46 މީހެކެވެ. ހަތަރު މީހަކު ވަނީ އެ ބަލީގައި މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަބޭ2020
15 May 2020
ފުރަތަމަލޮކްޑައުންކުރާށޭ ކިހާވަރަކަށްސިއްހީދާއިރާގެބޭފުޅުންގޮވީ އެއަޑުނާހާ ވާނެހައެތިވީފަހުން ތިޖަހަނީއުނބަށް އެހެންގައުމުތަކުން ފުރަތަމަލޮކްޑައުންކުރީ ދެންލުއިތައްދެނީ ރާއްޖޭގަކުރިންލުއިދެނީފަހުންވަރުގަދަކުރަނީ ސަޅިދޯ
މަސްފަތަފޮޅި
15 May 2020
މާލޭ މީހާ އަށް އަހަރުމެން އަހަރަކު އެއްފަހަރު ކުލި ދައްކާން ޖެހޭ ގޮތަށް ވެސް ފުލުހުން ހަމަޖައްސަބަލަ. އެހެން ހަދައިގެން ނޫނީ ވަދެ މިތިބަ ގޮޅި ތަކުގައި ނުތިބެވޭނެ. މަސައްކަތެއް ކޮށްގެން ލާރިއެއް ލިބުނީމަދޯ ކުލިދެއްކޭނީވެސް.
ގުއިފުކު ފުރޭތަ
15 May 2020
ކަލޭ ދޭބަލަ ރަށަށް ހިތް ހަމަޖެހިގެން އުޅެން. މާލޭގަ ހުރުގެން މާލޭ މީހުނާ ދިމާލަށް އެއްޗެހި ގޮވިޔަސް އަމިއްލަ ރަށެއް ތަރައްގީެއެއް ނުވާނެ. މާލޭގަ ކުއްޔައް އުޅެވޭނީ ކުއްޔައް ދޭމީހާއަށް ލާރިދައްކައިގެން.
އުދުރުތައްޙާނުގެއަލިމަނިކުފާނު
15 May 2020
ބަނގިލަދޭޝްވައްތަރުމީހުން ހާދަގިނައިން މަގުމަތިންފެނެއޭ. އެމީހުންނަށް ޚާއްސަބާވަތެއްގެ ފާހެއްތަ ދޫކޮށްފާ އޮންނަނީ؟ އެމީހުންގެ ފާސް އަންނަނީ ސީދާ ބަނގުލޭޝުންތަ؟
ފަހުދު
15 May 2020
މިވަގުތު ލޮކްޑައުން އުވާލުުމަކީ އެއްގޮތަކައްވެސް ކޮއްގެންވާނެކަމެއް ކަމަކައް ނުފެނޭ. މިސާލަކައް ބުނަންޏާ ސްވީޑަންއަކީ މާރްޗް-އޭޕްރީލްގަ ގައުމުތައް ލޮކްޑައުންކުރިއިރު އެކަން ނުކޮއް މަޑުކުރި ގައުމެއް. ޢެގައުމަކީ މިއަދު ނިސްބަތުންބަލާއިރު ދުނިޔޭގަ އެންމެ ހަލުވިކަމާއިއެކީ ބަލިފެތުރި އަދި ނިސްބަތުން ބަލާއިރު މިބަލީގަ މީހުން މަރުވާއަދަދު އެމެރިކާއައްވުރެވެސް މަތީގައޮތް ގައުމެއް. މިފަދަ ހާލަތްތަކުގައި އަމިއްލައެދުން އިސްކުރުމަކީ ނިކަމެތިކަމުގެ ސިފައެއް.
މޭން1232
15 May 2020
ތި ކޮންތާކުން ހޯދި ހިސާބެއް…..ކިތަންމެ ވަރަކަށްބުންޏަސް ދިގުމުއްދަތްކަށް ލޮކް ޑައުންގަ ބޭއްވުމަކީ ހުރިހާ ގޮތަކުން ގެއްލުންބޮޑު އެއްވެސް ފައިދާއެއްނެތްކަމެއް…..
ފަހުދު
15 May 2020
މިބަލިމަޑުކަން މޮނިޓަރކުރާ ޖޯންހޮޕްކިންސް ޔުނިވަރސިޓީ ވެބްސައިޓުން އަދި ސްވީޑަންގެ ކޮވިޑް-19 އައް ޚާއްސަ އެގައުމުގެ އޮފިޝަލް ވެބްސައިޓުން. އެމައުލޫމާތަކީ އާންމުކޮއްފައިވާ މައުލޫމާތުތަކެއް.
އަލީރާޖާ
15 May 2020
ސަރުކާރުން ބުނަނީ މިކަމުގައި އިސްބަސް އަދި ފަހުބަސްވެސް ބުނާނީ ޑޮކްޓަރުން ކަމަށް. އެއީ ދުނިޔޭގެ އެއްވެސް ތަނެއްގައި އެކަން ކުރާ ގޮތެއް ނޫން. މި ކަމުގައި އިސްބަސް އަދި ފަހުބަސް ބުނާ މީހުންގެ ތެރޭގައި ޑޮކްޓަރުންގެ އިތުރުން އިގްތިސޯދީ މާހިރުން، ސައިކޮލޮޖިސްޓުން، ޕަބްލިކްހެލްތު އޮފިޝަލުން، ވިޔަފާރިވެރިން ވެސް ހިމެނެންޖެހޭ. ދުނިޔޭގައި ރައްކާތެރިކަމާ އެކު އުފާވެރި ދިރިއުޅުމެއް އުޅެން ބޭނުންވަނީ ހަމަ އެކަނި ރަގަޅު ސިއްހަތެއް އެކަންޏެއް ނޫން.
ލޮކީ
15 May 2020
ރަގަޅު ވާހަކައެއް. ފަހުބަސް ބުނަންޖެހޭނީ ރައީސް. ހުރިހާ މީހުންގެ ލަފާ އަޑު އެހުމަށްފަހު ގައުމަށް އެންމެ ރަގަޅު ގޮތަކީ ކޮން ގޮތެއް ކަން ނިންމާނީ ރައީސް. އިސް ބަސް ވެސް ފަހު ބަސް ވެސް ބުނާނީ ސިއްހީ މާހިރުން ކަމަށް ރައީސް ވިދާޅުވި ދުވަހު ހިތަށް އެރި އަހަރުމެންގެ މައްޗަށް ބަސް ބުނެ ގައުމު ހިންގަން އަހަރުމެންގެ ޤާނޫނު އަސާސީގައި ޒިންމާ ކޮށްފައިވަނީ އަނެއްކާ ސިއްހީ މާހިރުންބާވައޭ. ރައީސް ތަންކޮޅެއް ފުންކޮށް ކަންކަމާ ވިސްނާަވޑައިގަންނަވާ.
1234
15 May 2020
ވަރަށް ރަނގަލު ވާހަކައެއް...
މެދުމާފަންނު މެދުހެންވޭރު
15 May 2020
ގައިމު މަބީރުކު ބުނި އިތުރަށް ހަރުކަށްޓެއް ނުކެރާނަމޯ
ލޮކީ
15 May 2020
900 މީހުންނަށް ޖެހި 3މީހުންގެ ފުރާނަ ދިޔަފަހުން ޑޮކްޓަރު އަރާ މިބުނީ ބައްޔަށް ފަރުވާދޭން ޓީމް ތައްޔާރުކޮށް 24 ގަޑިއިރު ފަރުވާންދޭން ފަށަން ރާވާވާހަކަ. މިއޮއްހާދުވަހު ކުރީ ކޮންކަމެއް.މައްސަަލައަކީ ކިތަންމެ މޮޅަށް ކިޔަވާފައި ތިއްބަސް ކަންކަން އިންތިޒާމުކޮށް ރާވާ ހަދަން ނޭންގެނީ. އެއީ ސުކޫލުތަކުގެ މައްސަލައެއް ސުކޫލުތަކުން ހަަމައެކަނި ކިޔަވައިދެނީ އެކަޑެމިކް ބައި.ދިރިއުޅުމާ ރޭވުމާ،ހިދުމަތް ކުރުމާ ޒިންމާދާރުވުން ދަސްކޮށެއް ނުދޭ. ނަތީޖާ މިފެންނަނީ.
އަލިހަންދްރޯ
15 May 2020
މިހާރު ފުދިއްޖެ! ލޮކްޑައުން އުވާލައްވާ! ސިއްހަތު ސަލާމަތްވުމާ އެއްވަރަށް ދިރިއުޅެމެއްވެސް ބޭނުންވޭ! ތައުލީމުދީ، މަސައްކަތްކޮށް، ފައިސާ ހޯދައިގެން ނޫނީ ދިރިއުޅެވޭނެ ގޮތެއް ނެތް.! މިވައިރަސް އާއި އެކީ ރައްކާތެރި ފިޔަވަޅުތައް އަޅައިގެން ދިރިއުޅެން ދަސްކުރޭ! ސްވިޑަން ނަމޫނާ އަކަށް ބަލާ!
ރައްޕު
15 May 2020
ކަންކަން އަންދާޒާކޮށް މިސްމެނޭޖް ކުރެވޭނީ މިވަރަށް. ޕީކަކަށް ދެ ހަފްތާ ތެރޭ އަންނާނޭ ކިޔާތާ އެއް މަސް ވެގެން ދިޔައީ. މިހާރު މިބުނަނީ ޕީކަށް އަންނާނީ ދެ ހަފްތާތެރޭގައޭ. އެ ދެހަފްތާ ފެށޭއިރެއް ނިމޭއިރެއް ނޭންގޭ. ޕީކު މިހާރު ސަރޖަކަށް ވެއްޖެ. މީގެ 10ދުވަސް ކުރިން ބުނީ ދުވާލަަކު 300 މީހުނަށް ބަލިޖެހޭނޭ. އެސަމްޕަޝަނަކަށް ބުނީ 15% ހޮސްޕިޓަލަށް އެޑްމިޓްވާނޭ. މާނައަކީ ދުވާލަކު 45 އެޑްމިޓްވާނޭ. މިހާރު ދުވާލަކު އެކަކުވެސް އެޑްމިޓެއް ނުކުރޭ. މޯޑެލް ގޯސް
ސިޓިޒަންސް އޮފް މާލެ
15 May 2020
މާލޭގައި ދިރިއުޅޭ މީހުންނަށް ގޭގައި ތިބެވޭނީ ކާބޯތަކެތި ލިބިގެން! ހަފްތާއަކަށް ވާވަރަށް ތަކެތިގަނެގެން ގަޑިއެއްގެތެރޭގައި ގެއަށް ވަނުމަކީ ވެދާނެ ކަމެއްތޯ؟
ނޮޓް ޕޮސިބަލް
15 May 2020
ނުވާނެ