މަބްރޫކް ވިދާޅުވީ މިކަމުގައި ބަސް ބުނަން ޖެހޭނީ ސިއްހީ މާހިރުން ކަމަށް. އެންމެ ބޮޑު އިސްކަމެއް ދޭނީ ވެސް ސިއްހީ މާހިރުންގެ ބަހަކަށް ކަމަށް އޭނާ. އޭގެ ބަދަލުގައި އިތުރު ބަޔަކު ދައްކާ ވާހަކައަކަށް ބަލާނީ ސިއްހީ މާހިރުންގެ އިރުޝާދަށް ބޯލެނބުމަށް ފަހު ދެން އޮންނަ ޖާގައިގައި ކަމަށް ވެސް މަބްރޫކް ވިދާޅުވި.
މިރޭގެ މީޑިއާ ބްރީފިންގައި މަބްރޫކް ނޫސްވެރިންނާ ވާހަކަ ދައްކަވަނީ.
20 މެއި 2020 - 01:08
35 comments
ކޮވިޑް-19އާ ގުޅުން ހުރި ކަންކަމުގައި ސިޔާސީ ބޭފުޅުންގެ ވިސްނުމާއި މި ކަމުގައި އިސްކޮށް ހަރަކާތްތެރިވާ ނެޝެނަލް އިމަޖަންސީ އޮޕަރޭޝަން ސެންޓަރު (އެންއީއޯސީ) ގެ އިސް ބޭފުޅުންގެ އިތުރަށް ޑޮކްޓަރުންގެ ވިސްނުމުގައި ތަފާތުތަކެއް އެބަހުރި ކަމަށް ކޮވިޑް-19 އާ ދެކޮޅަށް ރާއްޖޭން ކުރާ މަސައްކަތުގެ ތަރުޖަމާން މުހައްމަދު މަބްރޫކް އަޒީޒް މިރޭ ވިދާޅުވެއްޖެ އެވެ.
ރާއްޖޭގައި ކޮވިޑް-19 ފެތުރެމުންދާތީ ޑޮކްޓަރުންގެ ލަފާގެ މަތިން، ރާއްޖެ އަށް އޮން އެރައިވަލް ވިސާ ދިނުން ސަލާމަތީ ފިޔަވަޅެއްގެ ގޮތުން ވަނީ ވަގުތީ ގޮތުން މެދުކަނޑާލައިފަ އެވެ. ނަމަވެސް ކޮމަންވެލްތުން "އިމީޑިއެޓް ރެސްޕޮންސް އެންޑް ފިއުޗާ އޮޕޮޗުނިޓީސް" ގެ ނަމުގައި ޓޫރިޒަމް ދާއިރާއާ ގުޅޭ ގޮތުން ބޭއްވި ވީޑިއޯ ކޮންފަރެންސްގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވަނީ ކޮވިޑް-19 އިން ރައްކާތެރިވުމަށް ގައުމުތައް ލޮކްޑައުންކޮށް، ބޯޑަރުތައް ބަންދުކުރުމަކީ އެންމެ މުހިއްމު ފިޔަވަޅުކަމަށް ގައުމުތަކަށް ހީވިޔަސް، އެކަން އެގޮތަށް ކޮންގެން އެއްވެސް ގައުމަކަށް ސަލާމަތެއް ނެތް ކަމަށް ވިދާޅުވެފަ އެވެ.
މި ވާހަކައާ ގުޅޭ ގޮތުން މިރޭގެ މީޑިއާ ބްރީފިންގައި "މިހާރު" ން ސުވާލު ކުރުމުން މަބްރޫކް ވިދާޅުވީ، އެ ފަދަ ވާހަކަތައް ދައްކާ ސިޔާސީ ބޭފުޅުންނަކީ ރައްޔިތުންގެ މަންދޫބުން ކަމަށެވެ. އެ ބޭފުޅުން ވެސް ދައްކަވާނީ މިިހާރު އާންމުންގެ ތެރޭގައި ހުރި ކަންބޮޑުވުންތަކުގެ ވާހަކަ ކަމަށް މަބްރޫކް ވިދާޅުވި އެވެ. އެހެންވެ އެ ބޭފުޅުން ދައްކަވާ ވާހަކަތައް ވެސް އަޑުއަހަން ޖެހޭނެ ކަމަށް ވިދާޅުވި އެވެ.
ނަމަވެސް މަބްރޫކް ވިދާޅުވި ގޮތުގައި މިކަމުގައި ބަސް ބުނަން ޖެހޭނީ ސިއްހީ މާހިރުންނެވެ. ވިދާޅުވީ އެންމެ ބޮޑު އިސްކަމެއް ދޭނީ ވެސް ސިއްހީ މާހިރުންގެ ބަހަކަށް ކަމަށެވެ. އިތުރު ބަޔަކު ދައްކާ ވާހަކައަކަށް ބަލާނީ ސިއްހީ މާހިރުންގެ އިރުޝާދަށް ބޯލެނބުމަށް ފަހު ދެން އޮންނަ ޖާގައިގައި ކަމަށް މަބްރޫކް ވިދާޅުވި އެވެ.
"އަޅާ ހުރިހާ ފިޔަވަޅެއް އެޅުމުގައި އެންމެ އިސްކަން ދޭނީ ރައްޔިތުންގެ އާންމު ސިއްހީ ހާލަތު ސަލާމަތް ކުރުމަށް، މިކަމުގަ ޑޮކްޓަރުން ނޫން ބަޔަކު ދޭން ޖެހޭ ލަފާއެއް އޮންނާނެ ކަމަކަށް ގަބޫލެއް ނުކުރަން،" މަބްރޫކް ވިދާޅުވި އެވެ.
ރާއްޖޭގެ ބޯޑަރު ހުޅުވުމާއި އިގްތިސާދާ ގުޅުން ހުރި ކަންކަމުގައި ދައްކަމުންދާ ވާހަކަތަކަށް އިޝާރާތް ކުރައްވައި މަބްރޫކް ވިދާޅުވީ މިކަމުގައި އެންމެ ފުރަތަމަ ދުވަހުން ފެށިގެން ވެސް އިސްކުރަމުން އައީ ރައްޔިތުންގެ ސަލާމަތާއި ރައްކާތެރިކަން ކަމަށެވެ. ސަލާމަތުން ތިބި ރައްޔިތަކު ނެތް ތަނެއްގައި އިގްތިސާދެއްގެ ބޭނުމެއް ނޯންނާނެ ކަމަށް ވިދާޅުވާ ވާހަކަ މިރޭ ވެސް މަބްރޫކް ތަކުރާރުކުރެއްވި އެވެ.
"އަޅާ ހުރިހާ ފިޔަވަޅެއް އެޅުމުގައި އެންމެ އިސްކަން ދޭނީ ރައްޔިތުންގެ އާންމު ސިއްހީ ހާލަތު ސަލާމަތް ކުރުމަށް، މިކަމުގަ ޑޮކްޓަރުން ނޫން ބަޔަކު ދޭން ޖެހޭ ލަފާއެއް އޮންނާނެ ކަމަކަށް ގަބޫލެއް ނުކުރަން،" މަބްރޫކް ވިދާޅުވި އެވެ.
ކޮވިޑް-19 އިން ރައްކާތެރިވާން ރާއްޖޭގެ ބޯޑަރު ބަންދުކުރުމުގެ ކުރިން ވެސް، އެހެން ގައުމުތަކުން ވެސް މި ބައްޔާ ގުޅިގެން ބޯޑަރުތައް ބަންދުކުރުމުން ރާއްޖެ އަސް ޓޫރިސްޓުން އައުން ވަރަށް ބޮޑަށް މަދުވި އެވެ. އެއާ އެކު ރިސޯޓްތައް ބަންދުކުރަން ޖެހި އިގްތިސާދަށް ބޮޑު ހީނަރުކަމެއް ވަނީ އައިސްފަ އެވެ.
މާލެއިން ކޮވިޑް-19 ފެނުމުން މާލެ ލޮކްޑައުން ކުރިތާ މިހާރު ވަނީ މަސް ދުވަސް ވެފަ އެވެ. ނަމަވެސް ޓޫރިސްޓުން އަލުން ގެންނަން ފެށުމުގެ މަޝްވާރާތައް އެ އިންޑަސްޓްރީގެ މީހުންނާ އެކި ފަށައި އެކަމުގެ ތައްޔާރީތައް މިހާރު އަންނަނީ ވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮކްސިޖަން އުފެއްދޭތޯ
20 May 2020
މިސޮރު އަޅެ މިތަޅަނީ ކޮން އަނގައެއް
ޖަލީލު
20 May 2020
މީ އެހެން ވެރިކަމެއްނަމަ މަބްރޫކު ގޭގައި މަޑުކޮއްލަން ބުނާނެތާ ކިތަންމެ ދުވަހެއް.
ސާންޓޭ
20 May 2020
ރައީސް ނަސީދަކަށް މިހާރު ނުދެއްކޭ ހަމަޖެހޭ ވާހަކައެއް މިހެން ވާނީ ހުރިހާ ކަމެއް އިގިގަނެއްގެން އުޅެންވީ އެންމީހުންގެ ވާހަކައަށް އިހުތިރާމް ކުރުމެއް ނުހުރޭ މިހާރު މިނަޔަށް ތާއީދެއްނުކުރަން
އެޑްމުންޑޯ
20 May 2020
ސިޔާސީ މީހުންނަކީ އެއްވެސް ހަރުދަނާ ވިސްނުމެއް ހުންނަ ބައެއްނޫން ، ، ހަމަ އެކަނި އެއްވެސް ވިސްނުމެއްނެތި ހަޅޭފަޅޭލެވުން އެއީ ސިޔާސީ ގިނަމީހުންގެ ކަމަކީ ، ވީމާ އެމީހުން ބުނާގޮތަށް ކޮންމެހެން ހަދާކަށް ނުޖެހޭނެ
ގެދާނޯމޮސް
20 May 2020
ސިޔާސީ ވެގެން ވެރިކަން ލިބުނީމާ އިދިކޮޅުމީހުންނަށް ބަދުބަސް ބުނުމަކީ ޑިމޮކްރަސީ ނުދަންނަ ބޯހަމަނުޖެހޭ މީހުން ދަށްކާ ވާހަކައެވެ.
އެންދެރި
20 May 2020
އަންނި މަޝްހޫތު ވާން އުޅޭ މީހެކެވެ. ނޫނީ ވެރިކަމާ ހެދި އުޅޭ ނީހެކެވެ. ގިނަ ރައްޔިތުން ފޫހި ވެއް ޖެ އެވެ.
ރޯނޭ ދި އެދުރު އެމްވީ
20 May 2020
ހެޔޮނުވާނެ މި އަންނި މުއްދަތެއް ނެތް ގޮތަށް "ލޮކްޑައުން" ކޮށްދެއްވާ! މިކަލޭގެ ހިތުން ދެން ދުނިޔޭގެ ހުރިހާކަމެއްގެ މާހިރަކަށް ވެގެން ކޮން އަނގައެއްތަ މި ތަޅަނީ! އަދި ބުނެފިޔޭ ލޮކްޑައުން ކޮށްގެން ވީކަމެއް ނެތޭ. ގަމާރަކަސް ބޮޑުވަރު. ނޫނީ ރައްޔިތުންނަށް ގަސްތުގައި އޮޅުވާލަން އުޅުން ފުކެއް ބޮޑު. ބަލަގަ ގައުމުތަކުން މިފަދަ ފިޔަވަޅުތައް ނޭޅިނަމަ ބަލިޖެހޭނީ، މަރުވާނީ އަދި ކިތައް މިލިއަންބާ؟ އެކި ފަންނުގެ ކިތައް މީހުން ގެއްލޭނެބާ؟ ދެން ކޮން އިގްތިސާދެއް؟
ޑރރޯނުއެދުރު
20 May 2020
މާ އިގްތިސާދީ ވެގެން މިކަމުގަ އުޅޭ މީހުންނަކީ އަޅުގަނޑު ދެކޭ ގޮތުގަ މާއްދިއްޔަތަށް ގޮސް ހުސްވެފަ ތިބި ބައެއް. އެހެނީ، އެންމެ އިންސާނެއްގެ ފުރާނައަކީވެސް އަގުކުރެވޭނެ އެއްޗެއް ނޫން. ވީއިރު، އިންސާނެއްގެ ފުރާނަ ގޮސްފާނެ ކޮންމެ ކަމަކަށް އެޅެންއޮތް ހުރިހާ ފިޔަވަޅެއް އަޅަންޖެހޭނެ. ގައުމުތަކުން ލޮކްޑައުން ނުކުރިނަމަ ދާނީކީ އަދި މިވަރަކުން ނޫން. ބަލި މީހުން ގިނަވެ މަރުވާނީ ކިތައް މިލިއަންކަމެއް ނޭނގެ. ނެތިދާނީ ޑޮކްޓަރުންފަދަ ކިތައް ޕްރޮފެޝަނަލުންބާ؟
ވެނއޓްމަންދޫބުން
20 May 2020
އިންސާނުންނަށް ބުއްދި ދެއްވީ ކީއްކުރަންތޯއެވެ...ޑޮކްޓަރުންނަށް އިނގޭނީ ބައްޔާ އޭގެ ފަރުވާ.ޑޮކްޓަރުންގެ ލަފާގެ މަތިން ގައުމުގެ ކަންތަށް ހިންގަން ފަށައިފިއްޔާ އެގައުމެއް ވާނީ ބަނގުރޫޓު… ދިވެހިރާއްޖޭގެ މިސްރާބު މިހިރީ އެމަގުގަ. ވެރިކަންކުރުމުގަ އާއްމު ސިއްހަތާ އިގްތިސާދުގެ ބެލެންސެއް ގެންގުޅެންވާނެ...
އަލީރާޖާ
20 May 2020
"މިކަމުގަ ޑޮކްޓަރުން ނޫން ބަޔަކު ދޭން ޖެހޭ ލަފާއެއް އޮންނާނެ ކަމަކަށް ގަބޫލެއް ނުކުރަން،" މިއީ ރަގަޅު ވާހަކައެއް ނޫން. ދުނިޔޭގައި އިންސާނަކު ދިރިއުޅެން ބޭނުންވަނީ ހަމަ އެކަނި ސިއްހަތު ސަލާމަތުން ހުރުން އެކަންޏެއް ނޫން. ޑޮކްޓަރުންގެ އިތުރުން އިގްތިސޯދީ މާހިރުން، ސައިކޮލޮޖިސްޓުން، ޕަބްލިކް ހެލްތު އެކްސްޕާޓުން، އާންމު ރައްޔިތުން އަދި ވިޔަފާރިވެރިންގެ ލަފާވެސް ހޯދަންޖެހޭ.
ބަސް
20 May 2020
ސިއްހަތާ ގުޅުންހުރި ކަންކަމުގައި އަޑުއަހަންޖެހެނީ ކަމާބެހޭ ސިއްހީ ދާއިރާގެމީހުންގެ ވާހަކައެކަނި. ޑޮނަލްޑް ޓްރަމްޕް ހެދިގެން އުޅޭކަށް ނުޖެހޭ. ދީނީ ކަންކަމުގައި އަޑުއަހާނީ ދީނީ މީހުންގެވާހަކަ. ގޮނޑި ބޮޑުވުމަކީ ހުރިހާކަމެއް އެނގޭކަމެއްނޫން. ބައެއްމީހުންނަށް ހީވަނީ ތިމާއަށް ހުރިހާކަމެއް އެނގޭހެން. ހުރިހާކަމެއް ދެނެވޮޑިގެންވަނީ ﷲ