މަޑުއްވަރި ދާއިރާގެ މެމްބަރު އާދަމް ޝަރީފް، މަޖިލީހުގެ މިއަދުގެ ޖަލްސާގައި ވާހަކަ ދައްކަވަނީ.---ފޮޓޯ: މަޖިލިސް
11 އޯގަސްޓް 2020 - 21:28
ދުނިޔޭގެ އިގްތިސޯދީ ދެ ބާރު ކަމަށްވާ ޗައިނާ އާއި އިންޑިއާއާ ދެމެދުގައި ރޯވެފައިވާ އަލިފާނަށް، ދަރުއަޅާ ބަޔަކަށް ރާއްޖެ ވެއްޖެ ނަމަ، ދިވެހިންނަކީ އެ ދެ ގައުމުގެ ދުޝްމަނަކަށް ވެދާނެ ކަމަށް، ކުރީގެ ޑިފެންސް މިނިސްޓަރު އަދި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް މިއަދު ވިދާޅުވެއްޖެ އެވެ.
ދައުލަތުން ނަގާފައިވާ ލޯނުތަކާއި ދީފައިވާ ސޮވެރިން ގެރެންޓީތަކާ ގުޅޭ ގޮތުން ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިސްނެންގެވުމަކަށް ކުރީގެ ތިން ފިނޭންސް މިނިސްޓަރުން، މަޖިލީހަށް ހާޒިރުކޮށް މިއަދު ވަނީ ސުވާލުކޮށްފަ އެވެ. މުޅި މަޖިލިސް ކޮމެޓީއަކަށް ބަދަލުކޮށް، ފިނޭންސް މިނިސްޓަރު އިބްރާހީމް އަމީރާއި ކުރީގެ ދެ ފިނޭންސް މިނިސްޓަރުން ކަމަށްވާ އަބްދުﷲ ޖިހާދާއި އަހުމަދު މުނައްވަރު ހާޒިރުކޮށް ސުވާލުކޮށްފައިވަނީ، ރާއްޖޭން ޗައިނާ އިން ނަގާފައިވާ ލޯނުތަކާއި އެ ނުދެއްކިއްޖެ ހާލަތެއްގައި ދިވެހިން ދައްކަން ޖެހޭނެ އަގާ ގުޅޭގޮތުންނެވެ.
Raajje akee India-China ge dhemedhugai roavefaivaa alifaanah dharu alhaa bayakah vejjenama, Dhivehinnakee e dhe qaumuge dhushmanakah vedhaane. Bavanavefaivaa dhuniye eh gai Raajjeyge khaarijee siyaasathakah vaanvaanee hurihaa qaumuthakaa gulhigen, raajjeah eheetherikan hoadhun.
— Adam Shareef Umar (@Adamshareefz) August 11, 2020
އާދަމް ޝަރީފްގެ ޓުވީޓް
މަޖިލީހުގެ އިދިކޮޅު ބައެއް މެމްބަރުން މިކަން ސިފަ ކުރެއްވީ، އިންޑިއާގެ ތާއީދު ހޯދަން ކުޅޭ ޑްރާމާއެއްގެ ގޮތުގަ އެވެ. އަދި އެ ޑްރާމާގައި އަދަބު ލިބިގެން ނުވަތަ، މި ވާހަކައިގެ ތެރޭގައި ހަލާކުވެގެން މިދަނީ ޗައިނާ އާއި ރާއްޖެއާ އޮތް ގުޅުން ކަމަށް ވެސް ވިދާޅުވެފައިވެ އެވެ.
ޗައިނާ އާއި އިންޑިއާއާ މެދު ރާއްޖެ އިން ބާއްވާ ގުޅުމާ ބެހޭ ގޮތުން އެކި ފިކުރުގެ މީހުންގެ ތެރޭގައި ބަހުސް ކުރަމުންދާ މިވަގުތު، އިދިކޮޅު ޕީއެންސީގެ ނައިބު ރައީސް އާދަމް ޝަރީފް ކުރެއްވި ޓްވީޓެއްގައި ވިދާޅުވީ، އެ ދެ ގައުމުގެ ދުޝްމަނަކަށް ވުމުގެ ބަދަލުގައި ބަވަނަވެފައިވާ ދުނިޔެއެއްގައި ރާއްޖޭގެ ހާރިޖީ ސިޔާސަތަކަށް ވާން ޖެހޭނީ ހުރިހާ ގައުމަކާ ގުޅިގެން ގައުމަށް އެހީތެރިކަން ހޯދުން ކަމަށެވެ.
މުޅި މަޖިލީހުގެ ކޮމިޓީގެ މިއަދުގެ ބައްދަލުވުމުގައި ވާހަކަ ދައްކަވަމުން، މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ މެންބަރު އީވާ އަބްދުﷲ ވިދާޅުވީ އެކި ނަންނަން ކިޔާފައި ޗައިނާ އަށް އިންޓްރަސްޓް ނުލައި 1.4 ބިލިއަން ޑޮލަރު ސަރުކާރުން ދައްކަން ޖެހޭ ކަމަށެވެ. އަދި މިހާ ފަރުވާލެއްނެތި، ދަރަނި ދައްކާނޭ ގޮތެއް ވެސް ނެތި އަދި ރަހުނު ކުރާނެ އެއްޗެއް ވެސް ނުދައްކާ، ރާއްޖޭގެ ރައުސުލްމާލު ޗައިނާ އަށް ވިއްކާލަން ޖެހުނީ ކީއްވެގެންތޯ އޭނާ ސުވާލު ކުރެއްވި އެވެ.
އީވާ ވިދާޅުވި ގޮތުގައި ފަސް އަހަރުގެ ތެރޭގައި ޗައިނާގެ ދަންތުރައިގައި ރާއްޖެ ވަނީ ޖައްސައިފަ އެވެ. އަދި އެކަމާ ގުޅިގެން ކުރީގެ ރައީސް އަބްދުﷲ ޔާމީން ސަރުކާރުގެ ފިނޭންސް މިނިސްޓަރުކަން ކުރެއްވި ބޭފުޅުންނަށް ޖިނާއީ ދައުވާ ކުރަން ޖެހޭ ކަމަށް ވެސް އޭނާ ވިދާޅުވި އެވެ.
މަޖިލީހުގައި މިއަދު ކުރިއަށް އެ ގެންދިޔައީ އިންޑިއާ އަށް ކުޅެދޭ ޑްރާމާއެއްގެ ގޮތުގައި ތުހުމަތު ކުރައްވަމުން، މަހިބަދޫ ދާއިރާގެ މެމްބަރު އަހުމަދު ތޯރިގް ވިދާޅުވީ އެއީ 2023 ވަނަ އަހަރު ރާއްޖޭގައި ބާއްވާ ރިޔާސީ އިންތިހާބުގައި އިންޑިއާ އިން ތާއީދުކުރާނީ ރައީސް އިބްރާހީމް މުހައްމަދު ސޯލިހަށްތޯ ނުވަތަ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށްތޯ ބެލުމުގެ ރޭހެއް ކަަމަށެވެ.
"އެ ޑްރާމާގައި އަދަބު ލިބިގެން ނުވަތަ، މި ވާހަކައިގެ ތެރޭގައި ހަލާކުވެގެން މިދަނީ ޗައިނާ އާއި ދިވެހިރާއްޖެއާ އޮތް ގުޅުން،" ޗައިނާގެ ލޯނުތަކާ ބެހޭ ގޮތުން ފާޅުކުރައްވާ ކަންބޮޑުވުމަކީ ޑްރާމާއެއް ކަމަށް ސިފަ ކުރައްވަމުން ތޯރިގް ވިދާޅުވި އެވެ.
ޔާމީންގެ ސަރުކާރުން ޗައިނާއާ ގާތް ގުޅުމެއް ބޭއްވި ނަމަވެސް، ވެރިކަން ބަދަލުވުމަށް ފަހު މި ސަރުކާރުން ގުޅުން ބަދަހިކޮށްފައިވަނީ އިންޑިއާއާ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ލކޖހގ
12 August 2020
ލޯނު ނަގާނީ ލޯނު ދެވޭވަރުގެ ބައެއްގެ އަތުން. މުޅި ދުނިޔޭންވެސް އެންމެ ގިނަ ބަޔަކު ލޯނުނަގަނީ ޗައިނާގެ ބޭންކްތަކުން. އަދި ދި ކައްޕަޅި އިންޑިޔާއިންވެސް އެމީހުންގެ މެގަ ޕްރޮޖެކްޓްތަކަށް ލޯނު ނަގަނީ ޗައިނާއިން. ޔޫރަޕްގެ ގިނަ ގައުމުތަކުންވެސް ލޯނު ނަގަނީ ޗައިނާއިން. އެއީ ވިޔަފާރި. ބައްދާ ބޮސްދިނުމެއްނޫން. ދިވެހިންގެ ތަންދޮރު ނުފިލާކަމުގެ ފައިދާ މިސަރުކާރުން ނަގައިގެން ދުނިޔޭގެ އެއްބާރާ މިޖެހެނީ ފަގީރު އިންޑިޔާގެ އަޅުވެތިކަމަށް އަހަރެމެންގެންދަން.
36987
12 August 2020
ޗައިނާގެ ރައީސް ދިވެހިރާޢްޖެއަށް ވަޑައިގަތީމަ ރައީސް ޔާމީން ގޮސް ބައްދާ ބޮސްދީ ހެދިތަ؟ އިންޑިޔާގެ ބޮޑުވަޒީރު ރާޢްޖެ ވަޑައިގަތީމަ އިބޫ ގޮސް ބައްދާ ބޮސްދީ ހެދިތަ؟ ދެ ވީޑިޔޯ ބަލާލާ. ޑިޕްލޮމެޓިކް ގުޅުންތަކާއި އަޑިނޭނގޭ ބިރުވެރި ގުޅުންތަން ފެނިގެންދާނެ.
އަލި
12 August 2020
އަހަރެމެން ބޭނުންވަނީ ޗައިނާ ފަދަ އިގްތިސާދީ ބާރަކާއި އެކު ގާތް ގުޅުމެއްބާއްވަން..އިންޑިއާ އަކީ އަވަތްޓެރިއެއްނަމަވެސް އަމިއްލަ ގައުމުގެ މީހުންނަށްވެސް މާބޮޑުކަމެއް ކޮއްދެވޭ ބައެއްނޫން..ހަމަ އެކަނި އަސްކަރީ ގޮތުން ބާރަކަށް ވީތީ އެހެންމީހުންބާރު ފޯރުވަނީ،،،
5698
12 August 2020
އަދި ހަނދާން ކުރަންޖެހޭ ކަމަކީ، ޗައިނާއަކީ ދުނިޔޭގެވެސް އެއްބާުރުކަން. އިންޑިޔާއަކީ އެމެރިކާއާއި އިޒްރޭލްގެ ޑަރޓީ ގޭމް ކުޅެދޭ ބައިވެރިއެއް. ހަތިޔާރުކޮޅަކާއި ފަގީރުންގެ ލަޝްކަރެއް. ޗައިނާއަކީ ޔޫއެންގެ ސެކިއުރިޓީ ކައުންސިލްގެ މެންބަރެއް. ސެކިއުރިޓީ ކައުންސިލްއިން އެއްވެސް ކަމެއް ނިންމޭނީ ޗައިނާގެ ބަހެއް އޮވެގެން. އިންޑިޔާއަކީ ރާއްޖެކަހަލަ އާދައިގެ މެންބަރެއް. ޗައިނާއާ އޮންނަ ކޮންމެ ގުޅުމެއް ރަޝިޔާއާއި އޮންނާނެ. ޔޫރަޕަކަށް ނުކުރޭނެ ޗައިނާއަށް ނޫނެކޭބުނާކަށް.
ޙިނި
12 August 2020
ޔާމިނުދޯ އިންޑިޔާ އާޖައްސައިލައިގެން އުޅުނީ، މައުމޫނުގެ ހިޔަނީގެ ނިވާގައި ފިލާއޮއްވާ ވެރިކަމައް އާދެވުނީމަ ފެންވަރުއޮޅި ބޯގޮވީ، އެއްދުވަހު އާތޫރު ބުރަދާސް ގެންނާނެ، އަނެއްދުވަހު ނޯތުކޮރެޔާއައް ތެޔޮވިއްކާނެ، ނޫނީ ސައުދީ ކަޅުފައިސާ ގޯނިގެންނާނެ، ބޭބެ ޖަލައްލާނެ
58965
12 August 2020
ހާދަ ވިޔާނުދާ ކޮންމެންޓޭ ތިކުރަނީ. ޔާމީން އެކަކާވެސް ޖައްސާނުލާ. ޔާމީން ބުނީ ގައުމުގެ ރައްޔިތުންނަށް ދޭން ހުރި ވަޒީފާކޮޅު އިންޑިޔާރައްޔިތުންނަކަށް ނުދެވޭނޭ. ހޮސްޕިޓަލަށް ބޭނުންވާ ފަހުގެ މެޝިނަރީގެ ބަދަލުގައި އިންޑިޔާގައި ހުރި އައުޓް ޑޭޓެޑް މެޝިނަރީ ނުގަނެވޭނެއޭ. ބޮޑެތި ޕްރޮޖެކްޓް ހިންގުމުގެ ގާބިލްކަން އިންޑިޔާގައި ނެތްއިރު އެމީހުންނަށް ހޮސްޕިޓަލާއި ބްރިޖް އަޅާކަށް ހަވާލެއް ނުކުރެވޭނެއޭ. މިކަންކަމަކީ ދިވެހި ގައުމަށް ފައިދާއަށް ކުރިކަންކަމެއްނޫންތަ؟
Happy
12 August 2020
އިދިކޮޅުން ކަލޭމެންދޯތި ދަރުއަޅނީ.. ޢީންޑިޔާ އަށް ބަޥާނަގަނީ!!?
ހޯރަބޭ
12 August 2020
ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގެންނެވިއިރު އެތެރޭގެ ދަރަނިތަކާއި، ނުއުފުލޭ ވަރުގެ ބިޔަ ދަރަނިތައް ވަނީ ބޭރަށް ދައްކަން މަޖުބޫރު ކުރުވާފަ. އެހާލަތު ގެންނެވީ މިއަދުގެ ރައީސެއް ނޫން. ދެން ބަޔަކު އަނގަފުޅާކޮށްފަ ބުންޏަސް މިއީ ހަޤީގަތް
ސަހްލަން ވަސަހްލަން
12 August 2020
ގައުމު އޮތް ހާލަތު ނޭނގި ދޯ ވެރިކަމަށް އާދެވުނީ.! ހާލަތު ސާފުވިއިރު ޒިންމާ އުފުލޭވަރުނުވާކަން ޔަގީންވީމަ ނުވަތަ ހާލަތުން އަރައިގަނެވޭނެކަމުގެ އުއްމީދެއް ނެތިއްޔާ ދެން އިސްތިއުފާދިނުމަކީ ވެސް ކުރެވެން އޮތްކަމެއް
5698
12 August 2020
ވެރިކަމާ ބަޔަކު ހަވާލުވާނީ ދަރަނި އޮތަސް އަރަނި އޮތަސް އެއެއްޗަކާ އެކީ. ދިވެހިންނަކީ ވަރަށް ވިޔާނުދާބައެއް. އެކަން ހުރިހާ އެންމެންވެސް ދަނޭ. ދެން މިވެރިކަން އައިސް، ދިވެހިން ހުސްކޮށްލާ އަޚްލާޤު ރަނގަޅު ކެރޭ އިލްމީ ބައެއްވެސް ގެންނަން ބުނަންވީނު. ވެރިކަމާ ހަވާލުވާއިރު، މިހަވާލުވަނީ ކިހާވަރެއްގެ ކަމަކާކަން ނޭނގޭ މީހުން ވެރިކަމާ ހަވާލުނުވާނީ. ދަރަނި މެނޭޖްކުރަންވެސް ނޭނގެންޏާއި އިސްތިއުފާ ދޭނީ. ދިވެހިން އެބައާދޭސްކުރޭތަ ވެރިކަންކޮށްދޭށޭ ކިޔައިގެން.
ބުއްފުޅިން
11 August 2020
ޒަމާނުއްސުރެ ރާއްޖެއަކީ ވަކިފަރާތަކަށް ނުޖެހޭ ހާރިޖީ ސިޔާސަތެއް ގެންގުޅޭ ގައުމެއް. އަދި އިންޑިއާއާއެކު ހާއްސަ އެކުވެރިކަމެއް ބާއްވާ ނަމަވެސް ސަރަހައްދީ އެހެން ގައުމުތަކާ މޫނު ކަނޑައެއް ނުލައެވެ. މިހާރަށް ބަލާއިރު ޗައިނާ އަކީ ދުނިޔޭގެ އެންމެ ބޮޑު އެއްއިގްތިޞާދު. ރާއްޖޭގެ އިގްތިޞާދަށް ޗައިނާގެ އެހީތެރިކަން މިވަތު ވަރަށް މުހިއްމު. ނަޝީދު އެއުޅެނީ ހުވަފެނެއްގަ.
ައަފުރާސިޔާބު
11 August 2020
މިހާރު ރާއްޖެއަށް ދިމާވެގެން އުޅެނީ ޚާރިޖީ ސިޔާސަތުގެ މައްސަލައެއްނޫން. މިހާރު ދިމާވެގެން އުޅެނީ ޕާލަމެންޓްގައި ކަނޑުކޮހުން ގިނަވުމުގެ ސަބަބުން އެތާތެރޭގައި ހިލާ ހިލުންގަނޑެއްގެ ކަންތައް. މިކަންކަން ޙައްލުކުރުމުގެ ގާބިލުކަމެއް އަހަރެމެން ހޮވާފައި ގައުމު ހިންގުމުގެ ބާރު ޙަވާލުކޮށްފައިވާމީހާގެ ކިބައިގާ ނެތުމުން ދިމާވެގެން އުޅޭ މައްސަލައެއް. އަހަރެންނަމަ ތިޔަމަޖުލީހުގައި ބޮޑު ގޮނޑިއަށް އަރާ ދެތިން މީހުން މިހާރު ތިބޭނީ ޖަލުގައި.
ބަޑިއެދުރު ކަލޭގެފާނު
11 August 2020
ޗައިނާއަކީ އެންމެ އެހީތެރި ބައިވެރިޔާ އެވެ. ޢިންޑިއާއަކީ އެންމެ ގާތް އަވައްޓެރިޔާއެވެ. ރާއްޖޭގެ ކަންކަން ނިންމުމުގައި އިސްކުރާނީ ގައުމީ މަސްލަހަތެވެ. ޢިންޑިއާ ކަނޑުގެ މަސްލަހަތެއް ނުވަތަ ސިލްކްރޫޓުގެ މަސްލަހަތެއްވެސް ގައުމީ މަސްލަހަތައްވުރެ އިސްވެހެގެންވާނެ ކަމަކަށް ނުދެކެމެވެ.
ްއަދުރޭ
11 August 2020
އެއްވެސް ގައުމަކާ އެހާބޮޑަށް ގާތްވުމަކީ ގޯހެއް. ކުރީސަރުކާރުން ޗައިނާއާ މާބޮޑަށް ގާތްވީ.. އަދި ރާއްޖެ އެންމެބޮޑަށް ދަރާފަ މިއޮތީ ޗައިނާއަށް.
7ބޯރާހި
11 August 2020
"ރާއްޖެ އެންމެބޮޑަށް ދަރާފަ މިއޮތީ ޗައިނާއަށް".... މައުލޫމާތުގެ އޮޅުމެއް ތިޔައީ، ގިނައިން ހުރީ އިންޑިއާއިން ނަގާފަހުރި ދަރަނި، މިބަޔަކު ވެރިކަމަށްއައިފަހުންވެސް 800 މިލިއަން ޑޮލަރު ނަގައިފި އިންޑިއާއިން. އެއީ ހަމައެކަނި ކުރެޑިޓް ފެސިލިޓީ.
ރާއްޖެ
12 August 2020
އެމެރިކާ ވެސް އެންމެ ބޮޑަށް ދަރާފަ އޮތީ ޗައިނާއަށް.