އިންޑިއާޣެ ބޮޑުވަޒީރު މޯދީއަށް ރާއްޖޭގެ އިދިކޮޅު ފަރާތްތަކުން ރައްދުކުރާ ސިޓީ، އިންޑިއާގެ ހައި ކޮމިޝަނާ ހަވާލުކުރުމަށް އެމްޑީޕީގެ ސެކްރެޓަރީ ޖެނެރަލް އަނަސް އާއި ޖޭޕީގެ ސެކްރެޓަރީ ޖެނެރަލް ސަމީރު މިއަދު އެ ހައި ކޮމިޝަނަށް ވަދެވަޑައިގަންނަވަނީ.
21 ޖެނުއަރީ 2018 - 20:11
42 comments
އިންޑިއާގެ ބޮޑުވަޒީރު ނަރެންދުރަ މޯދީއަށް ރައްދުކޮށްދޭން އެދި އިދިކޮޅު ސިޔާސީ ފަރާތްތަކުން އިންޑިއަން ހައި ކޮމިޝަނަށް ސިޓީއެއް މިއަދު ހަވާލުކޮށްފި އެވެ.
އެ ސިޓީ ރައްދުކޮށްދިނުމަށް އެދި އިންޑިއަން ހައި ކޮމިޝަނަށް ވަޑައިގަތީ އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރާއި ޖުމްހޫރީ ޕާޓީގެ ސެކްރެޓަރީ ޖެނެރަލް ޖުމްހޫރީ ޕާޓީގެ ސެކްރެޓަރީ ޖެނެރަލް އަހުމަދު ސަމީރެވެ.
އެކަމުގެ މައުލޫމާތު އެނގޭ މީހަކު "މިހާރު" އަށް ބުނިގޮތުގައި އެއީ އިދިކޮޅު ސިޔާސީ ހަތަރު ލީޑަރުންގެ ފަރާތުން މޯދީއަށް އަރުވަން ދެއްވި ސިޓީ އެކެވެ. އަދި އެ ސިޓީގައި ބޮޑަށް އަލި އަޅުވާލާފައިވަނީ ރާއްޖޭގެ ސިޔާސީ މަސްރަހު އޮތްގޮތާއި އިދިކޮޅު ލީޑަރުންނަށް ކުރިމަތިވެފައިވާ ގޮންޖެހުންތައް ކަމަށް އޭނާ ބުންޏެވެ. އަދި ގާނޫނުތަކާއި ގަވައިދުތަކުގެ ބޭރުން، ސަރުކާރުން އަމަލު ކުރަމުން އަންނަ ގޮތްތައް ވެސް އެ ސިޓީގައި ބަޔާން ކޮށްފައިވާ ކަމަށް އޭނާ ބުންޏެވެ.
ސަރުކާރުގެ ފަރާތުން އެންމެ ފަހުން މޯދީއާ ބައްދަލު ކުރެއްވީ ފޮރިން މިނިސްޓަރު ޑރ. މުހައްމަދު އާސިމެވެ. މި މަހު 11 ވަނަ ދުވަހު އިންޑިއާއަށް ކުރެއްވި ދަތުރެއްގައި އާސިމް ވަނީ ރައީސް އަބްދުﷲ ޔާމީންގެ ފަރާތްޕުޅުން މޯދީއާ ބައްދަލު ކުރައްވައި، ރާއްޖެ އާއި އިންޑިއާއާ ދެމެދު އޮތް ގުޅުމާ ބެހޭގޮތުން މަޝްވަރާ ކުރައްވާފަ އެވެ.
އެ ބައްދަލުވުމުގައި މޯދީ ވިދާޅުވީ ދެ ގައުމުގެ ދެމެދުގައި ރަހުމަތްތެރިކަން އަބަދުވެސް އޮންނާނެ ކަމަށާއި އަދި އެ ގައުމުން ރާއްޖެއަށް ދޭ އެހީތައް ކުރިއަށް އޮތްތަނުގައި އިތުރު ކުރާނެ ކަމަށެވެ. އަދި ރާއްޖެ ވަޑައިގަތުމަށް، އެ މަނިކުފާނަށް ދިވެހި ސަރުކާރުން ދެވަނަ ފަހަރަށް ދިން ދައުވަތު ވަނީ ގަބޫލުފުޅު ކުރައްވާފަ އެވެ. ނަމަވެސް އެ ދަތުރުފުޅުގެ ތާރީޚެއް އަދި ނުނިންމަވަ އެވެ.
މޯދީ ރާއްޖެ ވަޑައިގަތުމަށް ނިންމަވައި އަދި ރާއްޖެއަށް އިންޑިއާއިން ދޭ އެހީތައް އިތުރު ކުރައްވަން ނިންމެވިއިރު، ދެ ގައުމުގެ ގުޅުން ގޯސްވެފައިވާ ކަމަށް އިންޑިއާގެ މީޑިއާގައި ވަނީ ރިޕޯޓްކޮށްފަ އެވެ. އެކަމަކު ރާއްޖެ އާއި އިންޑިއާ ސަރުކާރުގެ އިސް އޮފިޝަލުން އެކަން ދޮގުކުރައްވަ އެވެ. ރާއްޖެ-އިންޑިއާގެ ގުޅުން ފަހަކަށް އައިސް ގޯސްވި އެއް ސަބަބަކީ ރާއްޖެ އާއި ޗައިނާގެ ގުޅުން ބަދަހިވެ، ދެ ގައުމުގެ މެދުގައި މިނިވަން ވިޔަފާރީގެ އެއްބަސްވުމުގައި ސޮއިކުރުމުން ކަމަށް އިންޑިއާގެ މީޑިއާއިން ބުނެފައިވެ އެވެ. ނަމަވެސް ރާއްޖެއިން ތަކުރާރުކޮށް ބުނަމުން އައީ އެ އެއްބަސްވުމުގެ އެއްވެސް އަސަރެއް އިންޑިއާއަށް ނުކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސްބައި
22 January 2018
އިންޑިއާގެ ސަފީރަކީ މިހާރު އެމްބެސެޑަރ އެއް، ނޮޓް ހައިކޮމިޝަނަރ ، ހައިކޮމިޝަނަރ އަކަށް މިވަނީ ކޮމަންވެލްތް ގައުމުތަކުގެ މެންބަރުންނަށް، ސޯ މިހާރު ރާއްޖެމީ ކޮމަންވެލްތް މެންބަރު ގައުމެއްނޫން...
ފާތުން
22 January 2018
މިހާރު ދެން ތި ޔަގީންވީ ދެ ބުއްފުޅި ކޯލިޝަންގަ ހަހެއްފަހެއް ނެތްކަން. މުސްލިމުން މަރާ ހުސްކުރަން ސަޕޯޓް ކުރި މީހެއްގެ ފައިބުޑަށް ތި ޖެހުނީ.
އަޙްމަދު3
22 January 2018
ޑެސްޕަރޭޓް ޕީޕަލް ޓޭކް ޑެސްޕެރޭޓް މެޝާޒް. ގޮތް ހުސްވީމައި މީހުން ކޮންމެފަދަ ކަމެއްވެސް ކޮށްފާނެއެވެ.
އަލިބެ
22 January 2018
ބަަލަގަ އަލިފްދާލުން ނުވިކަމެއް މޯދީ އަކަށްވެސް ނުކުރެވޭނެއެވެ. ކިޔާނެ ނުކިޔާނެ އެއްޗެއް ނޭނގިގެން ބޭރުގެ ގައުމުތަކުގެ ކުރިމަތީގައި ރާއްޖޭގެ އަގުވައްޓަނީއެވެ.
22 January 2018
ދެރަވަރު... ދެން ކޮންކަމެއް. ސިޔާސީ ކަންކަމުގައި ބޭރު ޟީހުން ބައްސަންޖެހޭތަ؟
އަޙްމަދު.
22 January 2018
ކޮއްމެހެންވެސް ތި ސީޓިގެ ކޮޕީއެއް "ކޮމަންވެލްތަށް" ފޮނުވާތީ.ހެހޭ އޭރުން މިރާއްޖެ ސީމެގަށް ލާފާނެ. ހެހޭ
ފާތުން
22 January 2018
އަސްކަރީ ފޯސްތައް ރާއްޖޭގެ ރައްޔިތުން މެރުމަށް ފޮނުވުމަށް އެދި ފޮނުވި ސިޓީއެއްބާ؟
ކުޅަދު މަދު އަހުމަދު
22 January 2018
ޔޫ.އެން ތަ؟ ކަލޯ އެއީ އިންޑިޔާގެ ބޮޑުވަޒީރު. މީ ދިވެހިރާއްޖެ.
އެފް އެމް
22 January 2018
އަނެއްކާވެސް އިންޑިޔާގެ ބަނޑުދަށަށް ކަޅުހަސަން ރަސްގެފާނާއި މި އުޅޭ މީހުނާއި އެއްވެސް ތަފާތެއް ނެތް ތިމާމެނަށް ވެރިކަން ލިބެންނާ ހެޔޮ މަންމަގެ ފައްޓަރުބައިވެސް ހަމަ ވިއްކާލަންވީ ނުވަތަ ކޮންމެވެސް ބައެއްގެ އުނގަށް ވެއްޓެންވީ
ސައިޚް.
22 January 2018
ހެލޯ މައިފުރެންޑް އެފް.އެމް. މިހާރު ޗައިނާ ބަނޑުދަށަށް މިތިބީ ވެއްޓިފަތަ، ނޫނީ ވެއްޓެނީތަ.؟ އަމާގެ ފައްޓަރުބައި މިތިބީ ވިއްކާލައިގެން ނޫންބާ.؟ އަނގައޮތަސް އެއްޗެއްބުނުމުގެ ކުރިން ތިމާހުރިހާލަށް ވިސްނާލާ. އޭރުން އެހެންމީހުންގެ މަލާމާތް ރައްދުވުން ކުޑަވާނެ.
ޕޮކަންޑިމޭން
22 January 2018
ނަތަންޔާހޫއާއެކު މޯދީ އުޅުއްވަނީ ވަރަށް ބިޒީކޮށް ސެލްފީނެގުމާއި ފަރިއްކޮޅުތައް އެރުވުމުގައި. ބުއްފުޅި ކޯލިޝަނުގެ ސިޓީތައް ކިޔާނެ ވަގުތެއް ނުވާނެ.