މަގެއްގެ މަތީގައި ކުޑަ ކުއްޖަކު މަޑުކޮށްލައިގެން: ކާފަ އާއި މުނި ކާފަގެ ޖިންސީ ޝިކާރައަކަށް ވި ކުއްޖާގެ ޓެސްޓުތަކަށް ފަހު މިހާރު ވަނީ ދޫކޮށްލާފައި. --ފޮޓޯ: ނިޝާން އަލީ/މިހާރު
19 ޖެނުއަރީ 2020 - 17:33
5 comments
ޖިންސީ ޝިކާރައަކަށް ވި ދެ އަހަރު ނުފުރޭ އަންހެން ކުއްޖާ އަށް ލިބިފައި ހުރި ގެއްލުންތައް ދެނެގަންނަން ޓެސްޓުތައް ހަދައި، ފަރުވާ ދީ ގެއަށް ބަދަލުކޮށްފި އެވެ.
ކަނޑުހުޅުދޫގެ، އުމުރުން 62 އަހަރުގެ ކާފަ އާއި 82 އަހަރުގެ މުނިކާފަގެ އަނިޔާއާ ތަކުރާރުކޮށް ކުރިމަތިލާން ޖެހުނު ކަމަށް ތުހުމަތު ކުރެވޭ ކުއްޖާގެ ހާލަތު ދެނެގަތުމަށް، އައިޖީއެމްއެޗުން ހެދި ޓެސްޓުތަކަށް ފަހު، އެ ކުއްޖާގެ ހާލަތެއް ކަމާބެހޭ އިދާރާތަކުން އާއިލާއާ އަދި ހިއްސާއެއް ނުކުރެ އެވެ. އެކަމަކު، އެ ކުއްޖާ އަށް ވަރަށް ބޮޑަށް އަނިޔާ ލިބިފައިވާ ކަން އޭގެ ކުރިން ބުނެފައިވެ އެވެ.
"ވަރަށް ބޮޑުވަރު ކޮށްލާފައި އޮތީ، އިޔާދަނުކުރެވޭ ވަރުގެ އަނިޔާތަކެއް ދީފައިވޭ،" އާއިލާ އިން ވާހަކަ ދެއްކި މީހަކު ބުންޏެވެ.
މައްސަލަ ފަޅާއެރުމުން ފުރަތަމަ އެ ކުއްޖާ ގެންދިޔައީ، ގދ. ތިނަދޫ ހޮސްޕިޓަލަށެވެ. އަމިއްލަ ލޭ ހިނގާ ކުއްޖާ އަށް ރަހުމެއް، ކުލުނެއް، އިންސާނިއްޔަތު ކަމެއް ނުބަހައްޓައި ބަޔަކު ކޮށްލާފައި އޮތް ވަރު ފެނި ޑޮކްޓަރަށް ވެސް ރޮވުނު ކަމަށް އާއިލާ އިން ބުނެ އެވެ.
ޖިސްމާނީ އަނިޔާގެ އިތުރުން އެ ކުއްޖާ އަށް ނަފްސާނީ ގޮތުން ވެސް ބޮޑެތި އަނިޔާތަކެއް ލިބިފައިވެ އެވެ. އަނދިރި ތަންތަން ދެކެ އިންތިހާ އަށް ބިރުގަތުމާއި ފާޚާނާ އަށް ވަންނަން ޖެހިލުން ވުން ފަދަ ކަންކަމަކީ ޖިންސީ ގޯނާއާ ގުޅިގެން އެ ކުއްޖާ އަށް ކުރިމަތިވި ކަންކަން ކަމަށް އާއިލާ އިން ގަބޫލުކުރެ އެވެ.
ދައުލަތުގެ ބެލުމުގެ ދަށުން، އެ ކުއްޖާގެ ޒިންމާތައް މިހާރު ހަވާލުކޮށްފައި ވަނީ މާމައާ އެވެ. މަސްތުވާތަކެއްޗާ އެކު ބާރުގަދަ ބޭސްތަކެއް ކައިގެން ހާލު ދެރަވެ، އިމަޖެންސީގައި މާލެ ފޮނުވާލި މަންމަ އަށް ވެސް ފަރުވާދީފައި މިހާރު ވަނީ ގެއަށް ދޫކޮށްލައިފަ އެވެ. އެކަމަކު އެ ކުއްޖާއާ، މަންމަ ބައްދަލުކުރުމުގެ ހުއްދައެއް އަދި ނެތް ކަމަށް އާއިލާ އިން ބުންޏެވެ.
ކާފަ އާއި މުނި ކާފަގެ ފަރާތުން އަނިޔާލިބެމުން ދިޔަކަން އެއް އަހަރާ ނުވަ މަހުގެ އެ ކުއްޖާ މަންމަގެ ފަރާތު އާއިލާއާ ހިއްސާކުރީ އަމިއްލަ އަށެވެ. އޭގެކުރިން އެ ކުއްޖާ ދިރިއުޅެމުން އައީ މަސްތުވާތަކެތި ބޭނުންކުރާ މަންމަ އާއި ބައްޕައާ އެކުގަ އެވެ. އެ ކުއްޖާ އަށް ޖިންސީ ގޯނާކުރި ކާފަ އާއި މުނި ކާފަ ވެސް އުޅުނީ އެ ގޭގެ އެވެ.
އެ ކާފަގެ ފަރާތުން ކުއްޖާގެ މަންމަ އަށް ވެސް ޖިންސީ އަނިޔާ، އެކި ފަހަރު މަތިން ކުރި ކަމުގެ ތުހުމަތު މިހާރު ވަނީ ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮށީކޮއި ޢަލީގެ މުޙައްމަދު
20 January 2020
ހުރިހާ ނުބައި ކަމެއް ތިފެށުނީ ސިނގިރޭޓާއި މަސްތުވާ ތަކެތީގެ ސަބަބުން އޭގެ އަވާގައި ޖެހިފައިވާ ބައެއްގެ ސަބަބުން މުޅި ދުނިޔެއަށް ޖެހިފައި ވާ މުސީބާތެއް ސިގިރޭޓާއި މަސްތުވާ ތަކެއްޗަކީ
އަސްތާ
20 January 2020
މީގެން އެނގުނު އެއްޗެއް ނޭނގޭ އެއްޗެއް ނެތް. މަންމަ މަސްތުވާތަކެތީގަ. އެބަ ބުނޭ ތިމަންނައަށް ވެސް ފުރައްސާރަ ކުރިއޭ. އެތަކެތި ބޭނުން ކުރާ މީހުން އޭގެން އެތިކޮޅެއް ގަތުމަށް ކިޑްނީވެސް ވިއްކަފާނެ. ދެން އެހެން ތަންތަން ކިޔާނެ ކަމެއް ނެތް. އެހެން މީހަކު ބެހުމަށްވުރެ ގާތީ މަސްތުވެ ވާނުވާ ނޭނގި ތިބި މީހުން ގަތް ގަނޑަކުން ހިނގާފައިވާ ކަމަކަށް. ބޮޑަށް ފާހަގަ ވެގެން ދަނީ ދެޢާއިލާ ދެމެދު އުފެދިގެން އުޅޭ ކޯޅުން ގަނޑަކަށް. ނޫނީ ބޮޑުދައިތަގެ ކަމެއްނޫންބާ!
ހައްސާނު
20 January 2020
"މަސްތުވާތަކެއްޗާ އެކު ބާރުގަދަ ބޭސްތަކެއް ކައިގެން ހާލު ދެރަވެ، އިމަޖެންސީގައި މާލެ ފޮނުވާލި މަންމަ އަށް ވެސް ފަރުވާދީފައި މިހާރު ވަނީ ގެއަށް ދޫކޮށްލައިފަ އެވެ." ބުނާގޮތުން ހީވަނީ މަސްތުވާ ތަކެތި ބޭނުންކުރުމަކީ މިރާއްޖޭގައި މިހާރު ހުއްދަ ކަމެއްހެން. މަސްތުވާ ތަކެތި ބޭނުންކުރާކަން ތިހާ ފާޅުކޮށް އެނގޭނަމަ ހައްޔަރުނުކުރަނީ ކީއްވެ؟ ކުއްޖާގެ މަންމައާއި ކުއްޖާ ހަވާލު ނުކުރުމަށް ގޮވާލަން. އެހެން ނޫނީ އިބްތިހާލަށް ވިހެން ވެދާނެ.
ލޮލްޮލް
20 January 2020
މީހަކު ކަމެއް ކުރާ ކަން އެނގުމަކުން އެކަމެއް އެމީހެއްގެ މައްޗަށް ސާބިތެއް ނުވާނެ.
އާން
20 January 2020
ކުރާކަން އަޑު އިވިގެން އެކަން ބަލަން ފެށިގެން ހެކި ހޯދުނީމަ ސާބިތުކުރެވޭނީ. މައްސަލައަކީ ކަމެއް ބަލަން ފަށުން މާ ލަސް ކުރާތީ.