ކޮވިޑް-19: ރާއްޖޭގައި ދެ ދިވެހިން ފިޔަވައި އެންމެން ރަނގަޅުވެއްޖެ

ނޭޝަނަލް އިމަޖެންސީ އޮޕަރޭޝަން ސެންޓަރުން ކުރިން ބޭއްވި މީޑިއާ ބްރީފިންއެއްގައި ޑރ. މުރާދު ވާހަކަ ދައްކަވަނީ.--ފޮޓޯ: އަހުމަދު އަވްޝަން/މިހާރު

މުހައްމަދު ނަސީމް، މިހާރު

29 މާޗް 2020 - 23:09

10 comments

ކޮވިޑް-19 އަށް ރާއްޖޭގައި ފަރުވާކުރަމުން އައި 15 މީހުންގެ ތެރެއިން ދެ ދިވެހިން ފިޔަވައި އެންމެންގެ ވެސް ބަލި ރަނގަޅުވެއްޖެ އެވެ.

ދަރުބާރުގޭޭގައި ހުންނަ ނެޝަނަލް އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި ޕްރެސް ކޮފަރެންސްގައި އައިޖީއެމްއެޗްގެ ޑޮކްޓަރު މޫސާ މުރާދު ވިދާޅުވީ ކޮވިޑަށް ކުރިން ޕޮޒިޓިވް ވި ބޭރުގެ ހުރިހާ އެންމެންނަށް ފަރުވާ ކުރުމަށް ފަހު އެ މީހުން އަލުން ޓެސްޓްކުރި އިރު އެ ބައްޔަށް ނެގެޓިވް ވެފައިވާ ކަމަށެވެ. އެގޮތުން ރާއްޖޭން އެ ބައްޔަށް ފަރުވާކޮށް ރަނގަޅުވި މީހުންގެ އަދަދަކީ މިހާރު 13 އެވެ.

ރާއްޖޭން ކޮވިޑަށް ޕޮޒިޓިވްވި މީހުންގެ އަދަދަކީ 17 ކަމަށް ވިޔަސް، އޭގެ ތެރެއިން ދެ މީހަކީ އިޓަލީ އަށް ފުރައިގެން ދިޔަ ފަހުން ނަތީޖާ ލިބުނު ދެ މީހުންނެވެ.

ބަލިން ސަލާމަތްވި މީހުންގެ ތެރެއިން މީހަކު އެންމެ އަވަހަށް ވެސް ދޫކޮށްލެވޭނީ ކިހާތާކުތޯ "މިހާރުން"ން ސުވާލު ކުރުމުން މުރާދު ވިދާޅުވީ އޭގެ ތެރެއިން ތިން މީހަކީ ބަލިވެގެން ދަރުމަވަންތަ ހޮސްޕިޓަލަށް ބަދަލުކުރި ބަޔަކަށް ވާތީ ދޫކޮށްނުލައި އެއް މަސް ދުވަހު އަދި ބައިތިއްބާނެ ކަމަށެވެ.

"އެ ތިން މީހުން އެއީ ތަންކޮޅެއް ބަލިވެގެން ބަދަލުކުރި މީހުން ވީމާ އެ މީހުން ހަމަ ދޫކޮށްނުލައި، އަޅުގަނޑުމެން މިބަލަނީ އަޅުގަނޑުމެންނަށް ގައިޑްލައިންތަކުން ބެލެހެއްޓޭނެ އެންމެ ދިގު މުއްދަތަކަށް އެ މީހުން ބެލެހެއްޓޭތޯ. އިތުރު މައްސަލައެއް ދިމާނުވާނެކަން ކަށަވަރުކުރުމުގެ ގޮތުން،" އޭނާ ވިދާޅުވި އެވެ.

ވެލިދޫ ކަރަންޓީނު ފެސިލިޓީގައި ތިބި މީހުން ދޫކޮށްލާނީ އެ މީހުންގެ 14 ދުވަހުގެ ކަރަންޓީނު މުއްދަތު ހަމަވުމުން ކަމަށް ވެސް އޭނާ ވިދާޅުވި އެވެ. އޭނާ ވިދާޅުވީ ޑަބަލް ނެގެޓިވްވި މީހުންގެ ކަރަންޓީނު މުއްދަތު ހަމަވެފައިވާ ނަމަ މިހާރު ވެސް ޑިސްޗާޖް ކުރެވޭނެ ކަމަށެވެ.

ކޮވިޑް-19 އަށް ރާއްޖޭން އެންމެ ފަހުން ޕޮޒިޓިވް ވި ބަޔަކީ އިއްޔެ އާއި މިއަދު ޕޮޒިޓިވްވި މީހުންނެވެ. އެ މީހުން އެ ބައްޔަށް ޕޮޒިޓިވްވި ނަމަވެސް އަދި ހާލު ރަނގަޅެވެ.

ކޮވިޑް-19 އަށް ރާއްޖޭން ޕޮޒިޓިވް ވި މީހުންނަށް ފަރުވާ ކުރުމުގައި އައިޖީއެމްއެޗްގެ ޑޮކްޓަރުން ކުރަމުން އަންނަނީ ކާމިޔާބު މަސައްކަތެކެވެ. އޭގެ ތެރެއިން އެންމެ ހާލު ބޮޑުވި މީހާ ވެސް ވަނީ ރަނގަޅުވެފަ އެވެ. އޭނާ ރަނގަަޅުވީ ނިއުމޯނިއާ އަށް ބަދަލުވުމަށް ފަހުގަ އެވެ.

ދުނިޔޭގެ އެކި ކަންކޮޅުތަކުގައި ހަލުވިކަމާ އެކު ފެތުރެމުންދާ ކޮވިޑް-19 އަށް ޕޮޒިޓިވް ވި މީހުންގެ މިހާރުގެ ޖުމްލަ އަކީ 704،513 އެވެ. އެ ބަލީގައި މަރުވި މީހުންގެ އަދަދަކީ 33،519 އެވެ.

ސިއްހަތު އައިޖީއެމްއެޗު ހެލްތު ޕްރޮޓެކްޝަން އެޖެންސީ ދަރުމަވަންތަ ހޮސްޕިޓަލް މުހައްމަދު މަބްރޫކް އަޒީޒް (ރައީސް އޮފީސް) ސިއްހީ ކުއްލި ނުރައްކަލުގެ ހާލަތު ޑރ. މޫސާ މުރާދު ބަލިތައް ޓޫރިސްޓުން ރިސޯޓްތައް

10 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުބެރު

30 March 2020

އިންޑިއާ ސަރުކާރުން ހުއްދަ ދީގެން އިންޑިއާ ގެ ޑޮކްޓަރުންގެ ހަށިރައްކަލަކަށް ހައިޑްރޯކްލޯރޮގްއިން ޑޮކްޓަރުން ބޭނުންކުރޭ. އަދި އެމެރިކާ ގައި ވިޓަމިން ސީ ގެ މަތީ ޑޯސް އެއް ބަލިމީހުންނަށް ދޭ. މި 2 ކަންތައް ރާއްޖޭ ގައި ކުރޭ ތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާ

30 March 2020

މިހާރުން ވަކި ތަންކޮޅެއް ހަދާލަންވީނުންތޯ ... އެކްޓިވް ފުރުވާލި ކިޔާފަ ނަމަވެސް.. އެއީ ރާއްޖޭގަ މިވަގުތު ތިބީ އެކްޓިވް 2 ކަމަށް އެޕީއޭ އިން ބުނާ އިރު މިހާރުގެ ސަމަރީ އިން މީހުންނަށް އޮޅުންއަރާކަން ފާހަގަ ކުރެވޭތީ ހަމަ ބުނެލީ ... މިކަމަށް އަޅެ މިހާރުން ކުޑަކޮށް ވިސްނަވާލަދެއްވަބައްލަވާ ... މޮޅު ގޮތެއް ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

30 March 2020

ކިތަންމެ ހައިވެސް ރަގޅު. އެކަމަކު އުފާވެރިކަމެއްނެތް. ކާރީގެ ގައުމުތަކުގައި މިބަލި ދަނީ ބާރަށް ކުރިއަށް. މިދާބާރުމިނުގައި އެގައުމުތަކުގައި އެބަލި ކޮންޓްރޯލު ނުވެދާކަމުމގައި ވަންޔާ ދިވެހިން ބަލިނުޖެހުނެއްކަމަކު ބަޑަށް ތިބެ މަރުވާނީ. ދިވެހިންގެ ކަނޑުގެ ރޯދިން ރިޒުގުލިބިގަންނާނެ ގޮތްތަކަށް މިހާރުންފެށިގެން އިންތިޒާމު ތަށްކުރުމަށް ސަރުކާރަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްް

30 March 2020

ކޮރޯނާ ދުނިޔެއިން ފިލާނެކަމަށް ނުބެލެވޭ ޖަނަވާރުން ޓެސްޓްނުކޮށް އޭގެތެރިން ކިތައް ކުއްތާއެއްގެ ކުރޯނާހުރިކަން އެނގޭބާ؟އިންސާނުން އެތަކެތީގައި އަތްލައި ގައިގޯޅިވަނީ އިންތިހާއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

30 March 2020

މިއީ ދެރަޔަކަށް ބުނާވާހަކައެއްނޫން އަރުދަފުސް ރޯގާގެވައްތަރުތަކަށް ސްޕެޝަލިސްޓަކަށް ޑޮކްޓަރަށް ދެއްކު މަށްވުރެ މާމމ މޮޅުވާނެ އައިޖީއެމްއެޗް ގެ ޓްރިއާޖްފައިތިބޭ ޑޮކްޓަރުން . މުޅި ދުނިޔޭގެފެންވަރުގައިވެސް ޗެލެންޖް ކުރެވޭވަރުގެ ޑޮކްޓަރުން އެއީ އެކަމުގައި ހަޤީޤަތް ވާނީ ހަޤީގަތަށް ލައްކަ ތަޖްރިބާހުރި ޑޮކްޓަރުން އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ1

30 March 2020

އެޗްޕީއޭއީ އެކްޓިވް ކޭސްތައް ގުނަނީ ފުރުވާލި ދެ އިޓަލީ މީހުން ނުލާ. 'މިހާރު ނޫހުން' ތިގުނަނީ އެ މީހުން ލައިގެން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮކީ1

30 March 2020

އަހަރެން މި ގުނަނީ އިޓަލީގައި ތިބި ބަލި މީހުންވެސް ލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅު----ބެ

29 March 2020

ޝުކުރިއްޔާ! އަލް މަބުރޫޚު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުލް މަތީން

29 March 2020

ﷲ އަށް ހަމްދުކުރަން. އަދި މިކަމުގައި ކެނޑިނޭޅި ހެލްތު މިނިސްޓަރާއި އޭނާގެ ޓީމުން ހޯދަމުންގެންދާ ކުރިއެރުންތަކަށް ފަށްފަށުން ޝުކުރު އަދާކުރުން. ތިބޭފުޅުންގެ މަސައްކަތުގައި ﷲ ބަރަކާތްލައްވާށި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރފަލަޑޭ

29 March 2020

އެއްވެސް ގައުމެއްގަ ނުލިބޭވަރުގެ ބޮޑުކުރިއެރުމެއް. ކޯޗެއްދީގެންތަ ރަނގަޅުކުރީ؟ އަމިއްލަ ބޭހެއް އުފެއްދީތަ؟ ތިޓީމް ފޮނުވަންވީނުން އެމެރިކާނުވަތަ އިޓަލީއަށް؟ އެމީހުން އެބަ އުޅޭ މިބަލި ކޮންޓްރޯލް ނުވެގެން