އެޗުއީއޯސީގެ މިރޭގެ މީޑިއާ ބްރީފިންގައި އެޗްޕީއޭގެ ޑިރެކްޓަރު ނާސިރު ވާހަކަ ދައްކަވަނީ.
08 ޖުލައި 2020 - 00:14
11 comments
މާލެ ސަރަހައްދުގެ ލޮކްޑައުން އަށް ދިން ބޮޑެތި ލުއިތަކަކާ އެކު، އާންމު ހިދުމަތްދޭ ތަންތަނާއި އޮފީސްތައް ހުޅުވާލާފައިވާއިރު، އެ ތަންތަނުގައި އަމަލު ކުރަނީ ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމުކޮށްފައިވާ އުސޫލާ އެއްގޮތަށްތޯ ބެލުމަށް އިންސްޕެކްޝަނެއް ކުރިއަށް ގެންދަން ނިންމައިފި އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ން މިރޭ ބޭއްވި މީޑިއާ ބްރީފިންގައި އެޗްޕީއޭގެ ޑިރެކްޓަރު އަހުމަދު ނާސިރު ވިދާޅުވީ، މާލެ ސަރަހައްދުގެ ކެފޭތަކާއި ރެސްޓޯރަންޓުތަކާއި ފިހާރަތައް ފަދަ އާންމު ހިދުމަތްދޭ ތަންތަނުގެ އިންސްޕެކްޝަން ކުރިއަށް ގެންދާނީ އަންނަ އާދީއްތަ ދުވަހު ކަމަށެވެ. މި އިންސްޕެކްޝަންގައި، ފިހާރަތަކާއި ކާބޯތަކެތީގެ ހިދުމަތް ދޭ ހުރިހާ ތަނަކާއި ސެލޫންތަކާއި ޖިމް އަދި ކަސްރަތު ކްލާސްތަކާއި މާރުކޭޓްތައް ވެސް ބަލާނެ އެވެ.
ނާސިރު ވިދާޅުވި ގޮތުގައި އިންސްޕެކްޝަން ކުރިއަށް ގެންދާނީ އެޗްޕީއޭ އާއި މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އާއި އާއި މާލެ ސިޓީ ކައުންސިލާއި އިކޮނޮމިކް މިނިސްޓްރީ އާއި ފުލުހުންނާއި ރެޑްކްރެސެންޓާއި އެޗްޑީސީ އަދި ވެމްކޯ ގުޅިގެންނެވެ.
އޭނާ ވިދާޅުވީ މިވަގުތު މި އިންސްޕެކްޝަން ކުރިއަށް ގެންދަން ހަމަޖައްސާފައި ވަނީ މާލެ ސަރަހައްދުގައި އެކަނި ނަމަވެސް ކުރިއަށް އޮތް ތަނުގައި އަތޮޅު ތެރޭގައި ވެސް މިކަން ކުރަން މަޝްވަރާ ކުރަމުން އަންނަ ކަމަށެވެ.
އެޗްއީއޯސީގެ މިރޭގެ މީޑިއާ ބްރީފިން (ކ-ވ) އިންސްޕެކްޓާ އޮފް ޕޮލިސް ރަހުމާ، އެޗްޕީއޭގެ ޑިރެކްޓަރު ނާސިރު އަދި ޑެޕިއުޓީ މޭޔަރު ޝަމާއު.
މި އިންސްޕެކްޝަންގައި މައިގަނޑު ގޮތެއްގައި ބަލާނީ، އެޗްޕީއޭ އިން ކޮންމެ ތަނަކަށް ކަނޑައަޅާފައިވާ އުސޫލުތަކާ އެއްގޮތަށް އަމަލުތައް ކުރޭތޯ އެވެ. ސަރުކާރުން ދީފައި ހުރީ ކޮން ހުއްދަތަކެއްތޯ އާއި އުސޫލާ އެއްގޮތަށް ގައިދުރުކުރުމާއި ރައްކާތެރިކަމުގެ އެހެނިހެން ފިޔަވަޅުތައް އަޅާތޯ ވެސް ބަލާނެ ކަމަށް ނާސިރު ވިދާޅުވި އެވެ.
މާލެ ސަރަހައްދުން ކޮވިޑް-19 ފެނުމާ އެކު އިއުލާންކުރި ލޮކްޑައުން އަށް ބޮޑެތި ލުއިތަކެއްދީ މި މަހުގެ އެއް ވަނަ ދުވަހުން ފެށިގެން ކެފޭ/ރެސްޓޯރަންޓާއި މިފަދަ ތަންތަން އާންމުންނަށް ވަނީ ހުޅުވާލައިފަ އެވެ. އެ ތަންތަނުގައި އަމަލުކުރާނެ އުސޫލުތައް ވެސް އެޗްޕީއޭ އިން އާންމުކޮށްފައި ވެ އެވެ.
ރާއްޖެއިން މިހާތަނަށް ކޮވިޑް-19ގެ 2,501 ކޭސް ފެނިފައިވާއިރު، މި ބަލިން 2،158 މީހުން ވަނީ ރަނގަޅުވެފަ އެވެ. މި ބަލީގައި މަރުވީ 12 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި އަންހެނާ
08 July 2020
މަގުމަތީގަ ސިގިރޭޓް ބޯ މީހުންނަށް ގޮތަށް ހަދާދީބަލަ. އެއީވެސް ޤާނޫނަކުން މަނާކަމެއް ނޫންތަ؟ ކޮވިޑް19 ހުއްޓުވުނަސް، މީ ނުކުރެވޭނެ ކަމެއްދޯ. ހާދަ ނުބައި ވަހެކޭ ދުންފަތުން ދުވަނީ.
އަރިހުން
08 July 2020
ކޮންމެ ދުވަހަކުވެސް އިންސްޕެކްޓް ކުރަންޖެހޭ ބަލާޗެކްކުރުމަކީ ވަކި ދުވަހެއްގައި ކުރަންޖެހޭ ކަމެއް ނޫން ފިހާރަތަކާ ހޮޓާތައް ޗެކްނުކުރުމުގެ ބަލި ފެތުރި ހިތާމަ ރައްޔިތުންނަށް އެބަލިބޭ ފިހާރަތަކުގަ މުއްދަތު ހަމަވާ ތަކެތި ވިއްކައިތޯ ބެލުމާ ހޮޓާތަކާ މާރުކޭޓްތަކުގެ ސާފުތާހިރުކަން ބެލުން އަބަދު ކުރަން ޖެހޭ ކަމެއް މާމަ ސިޑިގޮޅިން ވެއްޓުނީމަ އެދުވަހު އެކަނި ސިޑިގޮޅިތައް ޗެކްކުރުން އެހެނެއް ނޫން ޢާއްމުކޮށް ކުރަންޖެހޭ ކަންކަން ޚިދުމަތް ކުރުމުގެ ރޭވުމެއް ނެތް
ގަޓް ބްރޯ
08 July 2020
ފަރުދީ ޒިންމާ ކޮބައިތަ؟ 4 ލައްކަ މީހުން ފަހަތުގައި ބަހައްޓަން 4 ލައްކަ މީހުން ހޯދަނީ ކޮން ތަނަކުން؟ ކޮންމެވެސް ހަމަޖެހޭ ވާހަކައެއް ދައްކަބަލަ
ބޯގަޅި
08 July 2020
ދުވަސް ކީއްކުރަން ދާނެގަޑިވެސް އަންގާލާފަދޭ، އޭރުން އިންސްޕެކްސަން ރަނގަޅައް ކުރެވޭނީ!!!. ފުޅާމިނުގަ 5 ފޫޓް ދިގު 9 ފޫޓްގެ ކަޑަތައް އެތެރޭގަ 10 ވަރަކައް މީހުން ތިބޭ، އެޗްޕީޢޭގެ ގައިޑްލައިނުން އެތަނުގެ ބޭރުގަ އަޅުވާ.
ދަންނަ ނުދަންނަ
08 July 2020
ތިޔަ އުޅެނީ އަނެއްކާވެސް ވަކިބައެއްގެ ވިޔަފާރި ބަންދުކޮށްފައި ވަކިބަޔަކަށް ފައިދާވާގޮތަށް ކަމެއްކޮށްދޭން. ކުރިންވެސް ކުރީ އެކަން. މިހާރުވެސް ތިޔައުޅެނީ އެމީހުންނަށް ލިބޭ ފައިދާ ކުޑަވެގެން އެކަން ކޮށްދޭން.
ޙަލީމާ
08 July 2020
ނަމެއްގައި ތިބޭ ބައެއް. ކުރިން ވެސް ސިގަރޭޓް ބުއިން މަނާ. އެކަމަކު ބޯ މީހުން ބޮނީ. ބަންގާޅީން ހޮރުހޮރުގައި ތިބެގެން ހެދިކާ ހަދައިގެން އައިސް ހޮޓާތަކަށް ވިއްކަނީ ގުޅިގެން. ހެލްތުން ގޮސް ބަލަނީ ހޮޓާތެރެ. ކާތަކެތި ހަދާ ހޮރެއް ނުބެލޭ. އެތަންތަން ހުންނަ ކަމެއް ވެސް ނޭނގޭ.
ޢިޙްސާސް
08 July 2020
އިންސްޕެކްޓު ނުކުރިޔަސް އެނގެންވާނެ ކެފޭ ރެސްޓޯރަންޓުތައް ހުޅުވަން އަދި އަވަސްކަން. ޑެލިވަރީ އެކަނި ކުރަން ހުއްދަދޭން ވާނީ. ޓޭކަވޭ ހުޅުވާލިފަހުން ބައިހަދާފަ ކޯފީބޯން ދުފަން އެތާ މިތިބެނީ އަނގަ މަތި ނިވާނުކޮށް ގައި ދުރުކަން ނުބަހައްޓާ ތޮއްޖެހިގެން.
އުޅުމެއް ނެތް ދިވެހިން
08 July 2020
އިންސްޕެކްޝަން ނުހިންގިޔަސް ތި ކަން އޮންނާނެ ގޮތް ތަސައްވުރު ކުރެވޭ. ލޮކްޑައުން މުއްދަތުގައިވެސް ރެސްޓޯރެންޓްތަކާއި ކެފޭތަކުގައި ތިބެގެން ޚިދުމަތް ހޯދުން މަނާކުރުމުން ކާބޯތަކެތި ގަނެގެން ތަންތަނުގައި ގްރޫޕް ހަދައިގެން ކާން ތިބި. އެއް ބަޔަކު މަސް ދަތުުރު، އަނެއް ބަޔަކު ގޭގޭގައި ޕާޓީ. ކޮންޓެކްޓް ޓްރޭސިން ހަދާލިއިރު ބޮލަކަށް 300 މީހުން ޖެހޭ. އޭރުވެސް ބޮޑެތި ޖޫރިމަނާ ކޮށްގެން މިކަން ހަމަޔަކަށް އެޅުނީ.
ކޮވިޑް2020
08 July 2020
މުޅި ދުނިޔޭގެ މީޑިޔާއިން އަދި ޤައުމުތަކުގެ އެކއެކި މީދިއާތަކުން ކޮވިޑް 19 ގެ ބިރުވެރި ވާހަކަތައް އެކި ގޮތްގޮތަށް ދައްކާއިރުވެސް ، އިންސާނުންނަށް މިކޮވިޑް19 މީ ބިރުވެރި ބައްޔެއްކަން އަމިއްލަ ސިކުނޑިއަށް ނުވިސްނިގެން އުޅޭސަބަބަކީ ކޮބާބާ؟ މިހާނުރައްކާ ބައްޔެއް އުޅޭއިރު ޤައުމު ތަކުން ކޯޓުއަމުރު ނެރިގެންނާއި ޕޮލިހުންހުން ނެރިގެން ގަދަކަމުން ކޮވިޑްގެ ބިރުވެރިކަން ވިސްނައިދޭން މި ޖެހެނީ ކީތްވެބާ
އަހުމަދުއަލޯ
08 July 2020
ކީއްކުރަން ހިންގާ އިންސްޕެކްޝަނެއް. އެއޮއްގެން ސިނގިރޭޓު ބޮނީ. ކެފޭއެއް ކައިރިންލާފަ ދާންވެސް ބިރުގަނޭ. މާސްކެއް ފެންނަ ހިސާބެއްގަވެސް ނެތް.
މުޑަހަންޖާ
08 July 2020
"އެޗްޕީއޭ އާއި ފުޑް އެންޑް ޑްރަގް އޮތޯރިޓީ އާއި މާލެ ސިޓީ ކައުންސިލާއި އިކޮނޮމިކް މިނިސްޓްރީ އާއި ފުލުހުންނާއި ރެޑްކްރެސެންޓާއި އެޗްޑީސީގެ އިތުރުން ވެމްކޯ ގުޅިގެންނެވެ"..... އިމިގްރޭޝަން ކޮބާ؟