ބީނޯސް އޭރީޒް: ޑިސެމްބަރު 21، 2022: ވޯލްޑްކަޕް ތަށި ތިން ވަނަ ފަހަރަށް އުފުލާލުމަށް ފަހު، މުޅި އާޖެންޓީނާގައި އުފާ ފާޅުކުރުން: އެޒީޒާ އިންޓަނޭޝަނަލް އެއާޕޯޓަށް ޓީމު ޖެއްސި އިރު އެތައް މިލިއަން ބަޔަކު ވަނީ މަރުހަބާ ކިޔުމަށް އެއްވެފައި. -- ފޮޓޯތައް: އޭއެފްޕީ

މާލެ - ޑިސެމްބަރު 18، 2022: ގަތަރުގައި ބޭއްވި ވޯލްޑް ކަޕްގެ ފައިނަލްގައި ފްރާންސާއި އާޖެންޓީނާ ކުޅުނު މެޗު ބެލުމަށް ދެ ޓީމުގެ ސަޕޯޓަރުން މާލޭގެ އެކި ސަރަހައްދުތަކަށް ޖަމާވި. ދިވެހިންގެ އިތުރުން ރާއްޖޭގައި މަސައްކަތްކުރާ ވަރަށް ގިނަ ބިދޭސީންގެ އެންމެ މަގުބޫލު ކްލަބަކީ އާޖެންޓީނާ އާއި އެ ޓީމުގެ މެސީ. ހާއްސަކޮށް ބަންގްލަދޭޝްގެ ސަޕޯޓަރުން ފާހަގަކުރެވޭ. އާޓީފިޝަލް ބީޗު ސަރަހައްދުގައި ހުރި ބޮޑު ސްކްރީން ކައިރި އަށް މިރޭގެ މެޗު ބަލަން ގިނަ ބަޔަކު އެއްވީ އާޖެންޓީނާގެ ޖާޒީ ލައިގެން އެ ގައުމުގެ ދިދަތަކާއެކު. ފައިނަލް މެޗު ނިމި، އާޖެންޓީނާ މި އަހަރުގެ ވޯލްޑްކަޕް ކާމިޔާބު ކުރުމާއެކު އެ ސަރަހައްދުގައި ވަރަށް ގަދަ އަށް އެ ކަން ފާހަގަކުރި. ނޫކުލައިގެ ސްމޯކް އަރުވައި ދިވެހިންނާއި ބިދޭސީން އެއްކޮށް ވަނީ މަޖީދީ މަގުން އުފާފާޅުކުރަމުން ހިނގާފައި މާފަންނު ސޯޝަލް ސެންޓަރު ސަރަހައްދާ ހިސާބަށް ގޮސްފައި. ވަރަށް ދަންވަންދެން ވެސް މާލޭގެ އެކި ސަރަހައްދުތަކުގައި ވަނީ އާޖެންޓީނާގެ ކާމިޔާބު ފާހަގަކޮށްފައި.--- ފޮޓޯތައް: ފަޔާޒު މޫސާ | މިހާރު