ތުހުމަތުކުރި މައްސަލައިގެ ހެއްކެއް ނުފެނުނު، ބޭނުމަކީ ކެމްޕޭނަށް ހުރަސްއެޅުން: އެމްޑީޕީ

ކޯޓު އަމުރެއްގެ ދަށުން ފުލުހުން މިރޭ އެމްޑީޕީ ހަރުގެ ފާސްކުރަމުން ގެންދާއިރު އާންމުން އެ މަންޒަރު ބަލަނީ -- ފޮޓޯ؛ ނިޝާން އަލީ/ މިހާރު

ފަޒީނާ އަހުމަދު، މިހާރު

01 މާޗް 2017 - 22:19

29 comments

ކޯޓު އަމުރެއްގެ ދަށުން އެމްޑީޕީގެ ހަރުގެ އަށް ފުލުހުން މިރޭ ވަނީ، ސައުދި އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒްގެ ދަތުރުފުޅަށް ހުރަސްއަޅަން ރާވާ ކަމުގެ ތުހުމަތުގައި ނަމަވެސް އެކަމާ ގުޅޭ އެއްވެސް ހެއްކެއް ހަރުގެއިން ނުފެނުނު ކަމަށް އެމްޑީޕީން ބުނެފި އެވެ.

އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރު ވިދާޅުވީ ހަރުގެއަށް ވަދެ ހުރިހާ ތަނެއް ބަލައި ފާސްކޮށްގެން ވެސް ފުލުހުން ހޯދަން އުޅުނު އެއްވެސް އެއްޗެއް ނުފެނުނު ކަމަށެވެ. އެތަނުން ގެންދިޔައީ، ލޯކަލް ކައުންސިލް އިންތިހާބުގެ ކެމްޕޭނަށް އެމްޑީޕީން ބެނާތައް ހަދާފައިވާ ފޮތިތައް ކަމަށް އޭނާ ވިދާޅުވި އެވެ.

އެމްޑީޕީ ހަރުގެ މިހާރު ބޭނުން ކުރަމުން އަންނަނީ، އަނަސް ވިދާޅުވި ގޮތުގައި، ކައުންސިލް އިންތިހާބުގެ ކެމްޕޭނުގެ މައި މަރުކަޒުގެ ގޮތުގަ އެވެ.

"ތުހުމަތުތަކެއްކޮށް، ފުލުހުން ހަރުގެއަށް ވަނީ ކައުންސިލް އިންތިހާބުގެ ކެމްޕޭނާއި ސިޔާސީ ހަރަކާތް ހިންގަން ހުރަސްއަޅަން ކަމަށް އަޅުގަނޑުމެން ގަބޫލުކުރަނީ. ހަރުގޭގައި މިހާރު ކުރަނީ އިންތިހާބުގެ ކެމްޕޭންގެ މަސައްކަތްތައް،" އަނަސް ވިދާޅުވި އެވެ.

އިންތިހާބު ބޯމަތިވެފައި ވަނިކޮށް، އަސްލެއް ނެތް ތުހުމަތުތަކަކާ އެކު އިދިކޮޅު ޕާޓީގެ ކެމްޕޭން މަރުކަޒަށް ވަނުމަކީ އެމްޑީޕީން ބުނިގޮތުގައި ފުލުހުން ކޮށްގެންވާނެ ކަމެއް ނޫނެވެ. އެއިން ދައްކައިދެނީ، ފުލުހުންގެ ތެރެއަށް ސިޔާސީ ނުފޫޒު ވަދެފައި އޮތް މިންވަރު ކަމަށް ވެސް އަނަސް ވިދާޅުވި އެވެ.

ފުލުހުން ކުރި ޓުވީޓެއްގައި ބުނީ އެމްޑީޕީގެ ހަރުގެ ހުންނަ ހ. ވެޔޮވިލާ، ކޯޓު އަމުރެއްގެ ދަށުން ފާސްކުރަނީ ރާއްޖެ އަށް ވަޑައިގަންނަވަން ނިންމަވާފައިވާ އިއްޒަތްތެރިންގެ ކަރާމާތަށް އުނިކަން ލިބޭ ފަދަ ކަންތައްތަކެއް ރާވާ ކަމުގެ ތުހުމަތުގައި ކަމަށެވެ. އިތުރު ތަފްސީލެއް ނުދެ އެވެ.

އެމްޑީޕީގެ ހަރުގެއަށް ފުލުހުން މިރޭ މިވަނީ، ސައުދީ ރަސްގެފާނުގެ ދަތުރުފުޅަށް ހުރަސްއަޅަން އެއްވެސް ކަމެއް ހިންގާނަމަ އެކަން ހުއްޓުވައި ގާނޫނީ ފިޔަވަޅު އަޅާނެ ކަމުގެ އިންޒާރު ދީ ބަޔާނެއް ނެރުމަށް ފަހު އެވެ.

އެމްޑީޕީ ސިޔާސީ ފުލުހުން ލޯކަލް ކައުންސިލްތައް ސިޔާސީ ޕާޓީ އިދިކޮޅު ފަރާތްތައް ސައޫދީ އަރަބިއްޔާ ރާއްޖެ-ސައުދީ ސަލްމާން ރަސްގެފާނު ލޯކަލް އިންތިހާބު ލޯކަލް ކައުންސިލްތަކުގެ އިންތިހާބު 2017

29 ކޮމެންޓް, 80 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްނި

03 March 2017

ތީދެން މިހާރު ޕާޓީ އެއްތަ ފުލުހުންވެސް ތިތަނަށް ތިޔަވަނީ ތިޔަށް ވުރެ ގުނަ މީހުންތިބޭ ގަޑު މައުލޫދު ހަރުގޭގައި ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރިޔާ

02 March 2017

މިޕާޓީ އުވާލެއްވުން އެދެން އެމްޑީޕީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބީފާނު

02 March 2017

ބަލަ ހެއްކާގަރީނާ ހޯދަންއެތަނައްދިޔައީ ފުލުހުން ވީމާ ހެއްކެއް ފެނުނަސްް އަދިނުފެނުނަސް އެކަންހާމަކުރާނީ ފުލުހުން މ.ޑ.ޕ އަކުންނޫން ދޮއްތޮ މިސްކިތުހުޅުޖެހިމީވެސްބުނޭ މަށޭކިޔާހެއްޔޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުނޯސް

02 March 2017

މިސަރުކާރަށް 5 މެމްބަރުން ވެސް ނޭގެ ތާއިދު ކުރާކަމެއް. އަޅުވެތިވެފަ ތިބިބަޔަކު ގޮވައިގެން ކުރިއެރުމެއް ނުހޯދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނޯސް

02 March 2017

ޚިހިނެއް އެގޭނނީ 5 ފެނުނަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ

02 March 2017

ފެންފޯއްރުއްތައް އުފުރާލި ބަޔަކު ހޯދިއްޖެތޯއެވެ. ހަމަ އެއްވެސް ހެއްކެތް ގަރީނާއެއް ނުލިބި ތުހުމަތު ކުރެވޭ މީހަކުވެސް ނެތްތޯއެވެ. މަޖީދީމަގު ފިހާތަތަކާއި ގެތަކާއި ތަންތަނުގައި ހުރި ކެމެރާއަކަވެސް އެބަޔަކު ނޭރިތޯއެވެ. މާލެތެރެ ބަލަހައްޓަން ފުލުހުން ބަހައްޓާފައިވާ ކެމެރާތަކަށްވެސް ހިލަމެއް ނުވިތޯއެވެ. އެކަމަކު ހަރުގެއެއްގެ ތެރޭގައި ކުރަމުން ދިޔަކަމެއް ހާދަ ފަސޭހައަކުން ތި އެނގުނީތާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް

02 March 2017

ބަލަ، ގޮޑިދަށުގަ ފޮރުވާފަ އޮތް ޖެޓް ފައިޓަރ އެއް ނުފެނުނު ތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

02 March 2017

އަސްލު އެތަނަށްވަނީ ކައުންސިލް އިންތިހާބު ކެމްޕޭނުގާ އަދިވެސް 2ޕީއެމް ތަންކޮޅެއް ފަހަތުގާ އުޅެވޭތީ އެމްޑިޕީން އެ ހަދާ އެއްޗެއް ބަލާލަން... ދެން އެކަހަލަ ކަންކަން ކުރުވަން ތިބޭނީ ފުލުހުންތާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާ

02 March 2017

ލިިޓްލް ނޯތު ކޮރެއާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯއްޕް

02 March 2017

ފުރަތަމަ ފަހަރަށް އެމްޑީޕީ ހަރުގެ ބްލޫސް ކުދިން ޗެކް ކޮށްގެން ހެއްކެއް ނުފެނުނު ނަމަ އެމްޑީޕީގެ ސެކްރެޓޭރިއެޓް ވެސް ޗެކް ކުރަންވީ ނޫންތޭ. އޯއްޕް. އެތަނުގައި އޭ އެމެން ސިއްރު ސައްލާ ތައް ކުރަނީ. އޯއްޕް. އެތަނުން ކަރަންޓް ކަނޑާލެވެން ނެތްތޭ އެއީ މަމެން ނުކުރާ ސުވާލެކޭ ދޯ. އޯއްޕް. މިފަދަ ފުރުސަތެއް ލިބޭނީ ވަރަށް މަދު ފަހަރެއްގައޭ މިފަދަ ފުރުސަތު ތައް ނަގާ ނުލާ ހެޔޮ ގޮތުގައި ފުރުސަތުގެ ބޭނުން ހިފާ މާރޗް 18 ގެ ކުރިން އެމެން ޝަޓް ޑައުން ކުރާނެ ގޮތުގެ ރޯޑް މެޕް އެކުލަވާލާ އެމަގުން ކަން ކުރަންވީ ނޫންތޭ. އޯއްޕް، އޯއްޕް، އޯއްޕް. ނަށާލާ، ނަށާލާ، ނަށާލާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޯއްޕު

02 March 2017

އޯއްޕު މީ ކިއްލިތަޅާ ގްރޫޕްގެ ސޮހޮލެއްތޭ؟ އެހެންޏާފަހެ ފުރަތަމަ ފަހަރަށޯ ހަރުގެ ފާސްކުރީ. މަހަމަ ހައިރާންވެއްޖެ ތޭ. މި ސޮހޮލަށް ކަންތައްތައް ނޭގޭތީ ތޭ.