ކުޑަކުދިންނަށް ރައްކާތެރިކަން ދިނުމަށް އާންމުން ހޭލުންތެރިކުރުމުގެ ޕޯސްޓަރެއް
18 ޖެނުއަރީ 2020 - 20:48
11 comments
ދެކުނުގެ އަތޮޅެއްގެ ރަށެއްގައި ކުޑަ ކުއްޖަކު ޖިންސީ ޝިކާރައަކަށްވެ ބަލިވެ އިން މައްސަލައެއް ބަލަން ފަށައިފި އެވެ.
ޖެންޑާ މިނިސްޓްރީގެ އޮފިޝަލަކު "މިހާރު" އަށް މިރޭ ވިދާޅުވީ އުމުރުން 15 ވަރަކަށް އަހަރުގެ ކުއްޖާ އަށް ޖިންސި އަނިޔާކޮށް ބަލިވެ އިން މައްސަލަ އެ މިނިސްޓްރީ އަށް ހުށަހެޅީ މީގެ އަށް މަސް ކުރިން ކަމަށެވެ. އެ މައްސަލައިފައި އަނިޔާ ލިބުނު ކުއްޖާ އަދި ހުރީ ދައުލަތުގެ ބެލުމުގެ ދަށުގައެއް ނޫނެވެ.
އެ މައްސަލައިގައި ތުހުމަތު ކުރެވެނީ ކާކަށް ކަމެއް އަދި އެ މައްސަލައާ ބެހޭ އިތުރުރު އެއްވެސް ތަފްސީލެއް މިނިސްޓްރީން ނުދެ އެވެ. ބުނީ ސީރިއަސް މައްސަލައެއްގެ ގޮތުގައި އެ މައްސަލަ ބަލަމުން އަންނަ ކަމަށެވެ.
ފަނަރަ އަހަރުގެ ކުއްޖަކު ޖިންސީ އަނިޔާގެ ޝިކާރައަކަށްވެ ބަލިވެ އިން މައްސަލައެއް ބަލާކަން އެނގިފައި މިވަނީ އުމުރުން އަދި ދެ އަހަރު ނުވާ ކުއްޖަކު ރޭޕް ކުރި މައްސަލައިގައި ކުއްޖާގެ ބައްޕަ، ކާފަ އަދި މުނިކާފަ ހައްޔަރުކޮށްފައި ވަނިކޮށެވެ.
ފަސް އަހަރުގެ ކުއްޖަކަށް ޖިންސީ އަނިޔާ ދިން މައްސަލައެއް ވެސް މިއަދު ވަނީ ފެންމަތިވެފަ އެވެ.
ކުޑަކުދިންނަށް ކުރާ ޖިންސީ އަނިޔާގެ މައްސަލަތައް ރަނގަޅަށް ނުބެލޭ ކަމަށް ބުނެ އާއްމުން އަންނަނީ ޖެންޑާ މިނިސްޓްރީއަށާއި ފުލުހުންނަށް ފާޑުކިޔަމުންނެވެ. އެ ފާޑުކިއުންތަކަށް ޖަވާބު ދެއްވަމުން މިނިސްޓަރު ޝިދާތާ މިއަދު ވިދާޅުވީ މަގާމާ ހަވާލުވެވަޑައިގެން ކުރެއްވި މަސައްކަތްތަކާއި ހޯއްދެވުނު ކާމިޔާބީތައް ވަރަށް ގިނަ ކަމަށެވެ. ފެއިލްވެއްޖެކަން ސާބިތުކޮށްދީފި ނަމަ އިސްތިއުފާ ދެއްވަން ޖެހިލުންވެވަޑައިނުގަންނަވާނެ ކަމަށް ވެސް ވިދާޅުވި އެވެ.
"މިކަންކަން އިސްލާހު ކުރެވޭނެކަމުގެ ޔަގީންކަން އަޅުގަނޑުގެ އަމިއްލަ ނަފްސަށް ވެސް އެބައޮތް... އިސްތިއުފާ އަށް ގޮވުމަކުން އަޅުގަނޑު ފަހަތަކަށް ނުޖެހޭނަން،" މިނިސްޓަރު ވިދާޅުވި އެވެ.
އިއްޔެ ގިނަ އަދަދެއްގެ ބަޔަކު ވަނީ ޖެންޑާ މިނިސްޓްރީ ސަރަހައްދަށް އެއްވެ މިނިސްޓަރުގެ އިސްތިއުފާ އަށް ގޮވައިފަ އެވެ. މިނިސްޓަރު ވެސް އެ ސަރަހައްދަށް އިއްޔެ ވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެޓޭ
19 January 2020
ދުނިޔޭން ދުވަހެއް އުމުރުން ދުވަހެއް ގުނެމުން ގޮސް ނުވަމަހާއި ދިހަ ދުވަސް ފުރައި މުޅިން އާހަޔާތެއް ފަށާއިރު ވެސް ހަމަ ދުވަސް ގުނާލަ ގުނާލަ.
ރާސްތާ
19 January 2020
ފުލުހުނަށްވެސްވަކިވަރަކަށްމަސައްކަތްވާނީ.200 ރަށުގަ މަސައްކަތް ކުރަންވީމައެއްކަމެއްވެސް ރަނގަޅަކަށް ނުވާނެ.ދިވެހިރާއްޖޭގައި މީހުންއުޅޭ ރައްތައް މަދުވެގެން ނޫނީ އެއްކަމެއްވެސްހައްލެއްނުވާނެ. ތި ނަގާހާ ލޯންތަކުންވެސްވާފައުދާއެއްނެތް.ޖަޒީރާ ރާއްޖެ ދޫކޮށް އެއްފަސްކުރުމުގެ ސިޔާސަތު އިސްކުރުން ރަނގަޅުވާނެ.
ސަރީފު
19 January 2020
ޖަޒީރާ ރާއްޖެ ދޫކޮށް އެއްފަސްކުރުމުގެ ސިޔާސަތު އިސްކޮއްގެންނޫނީ ތަރައްގީ އާއި ތަހުޒީބު މުޖުތަމައެއް ބިނައެއް ނުކުރެވޭނެ...ކޮންމެ އަތޮޅެއްގައި 3 ނޫނީ ހަތަރު ރަށުގައިމީހުން އުޅޭ ގާނޫނެއް ހަދާ ދިގުމުއްތަރެއްގައި ތަންފީޒު ކުރަންވީ! އޭރުން ސަރުކާރަށް ކަންކަން ބަލަންވެސް ފަސޭހަވާނެ. ސޯސަލް ސެކުރިޓީ ވެސް ގާއިމް ކުރަން މަގުފަހިވާނެ.
މަކީޓާ
18 January 2020
ވަރަށް ސީރިޔަސްކޮއް އިސްތިއުފާ ނުދޭތި. އެއީ މި ރާއްޖޭގަ ކޮއްއުޅޭ ކަމެއްނޫން. އިތުބާރު ނެތްކަމުގެ ވޯޓް ނެގިޔަސް ބުނާނީ ގެޔަކަށް ނުދާނަމޭ.
ވޯލް
18 January 2020
މައްސަލަ ބަލާތާ 8 މަސްވީމަ ތިއޮތީ ވަރަށް ސީރިއަސްކޮށް ބެލިފަ، ޖެންޑަރ މިނިސްޓަރު މަޤާމުން ދުރުކުރަން ހަމަ އެކަނި މިމައްސަލަ ފުދޭ.
ައަފުރާސިޔާބު
18 January 2020
ތިޔަކަން ލަސްވިކަމަށް ބަލާނީ 10 އަހަރުވީމާ. އެއީ ރިޔާސީ ދައުރުގެ 2 ދައުރު.
ސޯބު
18 January 2020
ހާދަ ސީރިޔަސްކޮށް ބަލާތިއްޔެދޯ 8 މަސްވީ މިހާރު.
ޢަހްމަދު007
18 January 2020
ސާބަހޭ. 8 މަސް ވީއިރުވެސް ތިމައްސަލަ ބަލާނުނިމޭ.
ގާސިމް
18 January 2020
ސީރިއަސް ކަމުން ގޮސް މައްސަލަ އަށް އައްމަސްދުވަސް ގޯހެއްނޫން
ސާފު
18 January 2020
ވަރަށް ސީރިއަސް މައްސަލައެއް ގޮތަށް ތިމައްސަލަ ބަލަމުން ދާކަން ވަރަށް ސާފު އެހެނީ މައްސަލަ ހުށަހެޅި ފަހުން އަށް މަސް.
އަހުމަދު ސަލީމް
18 January 2020
ލަދެއްހަޔާތެއް ނެތް ކޮންމެމީހަކުވެސް ބުނާނީ ތިޔަހެން