ކުރެއްދޫ އައިލެންޑު ރިސޯޓު: އެ ރިސޯޓަށް ޗުއްޓީ އަށް ދިޔަ އިޓަލީގެ ޓޫރިސްޓަކު އެނބުރި ގައުމަށް ދިޔަ ފަހުން ކޮވިޑް-19 އަށް ޕޮޒިޓިވްވި ކަން އޭނާ އަށް އަމިއްލަ އަށް ގުޅާފައި އެންގި.
11 މާޗް 2020 - 00:23
14 comments
ރާއްޖެ އަށް ކޮވިޑް-19 އަންނަން މެދުވެރިވި އިޓަލީ މީހާ ރާއްޖެ އިން ފުރައިގެން ދިޔައީ އޭނާގެ ގައިގައި ބަލި ހުރިކަން ދެނެގަނެ، ރައްކާތެރިކަމުގެ ފިޔަވަޅު އަޅާނެ ފުރުސަރު ނުލިބި ކަމަށް ވާތީ އެކަމުގައި އިހުމާލެއް އޮތްތޯ ތަހުގީގުކުރަމުން އަންނަ ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލް ވިދާޅުވީ ރައްކާތެރިކަމުގެ ފިޔަވަޅު ނޭޅުނީ އިޓަލީގެ ޓޫރިސްޓުގެ ގައިން ބަލީގެ އަލާމާތްތަކެއް ފެނިފައިވާއިރު، އެކަމުގެ މައުލޫމާތު ހުރި ފަރާތްތަކުން އަމަލުކޮށްފައިވާ ގޮތުން ކަމަށެވެ. ފުލުހުން މިއަދު ތަހުގީގެއް ފެށީ އޭނާ ވިދާޅުވި ގޮތުގައި، އިޓަލީ މީހާއާ މުއާމަލާތް ކުރި ފަރާތްތަކުން އެކަން އަންގަންޖެހޭ ފަރާތްތަކަށް ނާންގައި، އަޅަންޖެހޭ ފިޔަވަޅުތައް ނާޅާ ފަރުވާކުޑަކޮށް އިހުމާލުވެފައިވޭތޯ ބެލުމަށެވެ.
ކުރެއްދޫ ރިސޯޓްގެ ބޭރު ޑޮކްޓަރުގެ ކިބައިން ވެސް ފެންނަން ފެށީ ކޮރޯނާވައިރަސް އިން ޖައްސާ ކޮވިޑް-19 ބަލީގެ އަސަރުތައް ކަމަށް ލަފާކޮށް، ކަމާ ބެހޭ ފަރާތްތަކުގެ ސަމާލުކަމަށް މައްސަލަ ގެނައީ، އިޓަލީގެ ޓޫރިސްޓް އެނބުރި ގައުމަށް ގޮސް، ކޮރޯނާވައިރަސް އަށް ޕޮޒިޓްވުމުން، އެކަން ދިވެހި ސަރުކާރަށް އެންގުމުންނެވެ.
ކޮވިޑް-19 އަށް ރާއްޖެއިން މިހާތަނަށް ޕޮޒިޓިވްވި ހަ މީހުންގެ ތެރެއިން ހަތަރު މީހުންނަކީ އިޓަލީ މީހާ ޗުއްޓީ ހޭދަކުރި ކުރެއްދޫ އައިލެންޑް ރިޒޯޓުގެ މުވައްޒަފުންނެވެ. ފަހުން އެނގުނު ގޮތުގައި އިޓަލީގެ ޓޫރިސްޓް ވަނީ ނުފުރިގެން މާލޭގައި ވެސް ދެ ދުވަސް ހޭދަކޮށްފަ އެވެ. އެހެންވެ، މާލެ އިން އޭނާއާ ގުޅުން ހުރި 16 މީހަކު ވަނީ ކަރަންޓީނުކޮށްފަ އެވެ. އޭގެ ތެރެއިން އެކަކު ޓެސްޓް ކުރި އިރު އޭނާ ބައްޔަށް ޕޮޒިޓިވް ވެފައެއް ނުވެ އެވެ.
ކޮވިޑް-19 ފެތުރުމުން ކުރެއްދޫ މިހާރު އޮތީ ކަރަންޓީނުކޮށްފަ އެވެ.
ރާއްޖޭގައި އެންމެ ފުޅާ ދާއިރާއެއްގައި ޓޫރިޒަމްގެ ވިޔަފާރި ހިންގާ ކްރައުން އެންޑް ޗަމްޕާ ރިސޯޓްސްގެ އެ ކުރެއްދޫ ކަރަންޓީނު ކުރި އިރު 1،300 އަށް ވުރެ ގިނަ މީހުން އެރިސޯޓްގައި ތިއްބެވެ. އޭގެ ތެރޭގައި 699 ޓޫރިސްޓުންނާއި 270 ދިވެހި މުވައްޒަފުންނާއި، އިމާރާތްކުރުމުގެ މަސައްކަތަށް ގޮސް ތިބި އެހެން ކުންފުންޏެއްގެ ބިދޭސީންނާ އެކު 420 ބިދޭސީ މުވައްޒަފުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާރީ
11 March 2020
އިހުމާލުވީތޯ ބަލަށް ޖެހޭކަމެއް ނޫންތީ އެ އޮތީ ލޯމަށްޗަށް ފެންނަށް. އޭނަ އަބުރާގަނެގެން ރިސޯޓް ޑޮކުޓަރަށް ދެށްކީމަ ރިސޯޓުން އަވަހަށް އޭނަ ފޮނުވާލީ ސިއްރުކޮށްފަ. އެއީ ރިސޯޓަށް ގެސްޓުން ނައިސްފާނެއެތީ. އޭނަ ފުލައިޓަށް އެރާ އިންދަ އަބުރާގަތީމަ ފުލައިޓުން ބޭލީ ދެން އޭނަ މާލޭގަ މަޑްކޮށްފަ ފުުރާގެން އެ ދިޔައީ. މިކަމުގަ އިހުމާލުވެފަ މިއޮތީ ޓޫރިޒަމް މިނިސްޓަރ ވެސް. މިވަރު ކަންތައް ތަކެއް ހިގާ އިރު ނޭގި ނުހުންނާނެ. ނަސީބެއް އޭނަ ރަށަށް ގޮސް އެއްގިކަން ކޮރޯނާއަށް ފޮޒިޓިވް ވިކަން. އަދިވެސް ސަރުކާރުން މިކަން ހިގިގޮތް ރަގަޅަކަށް ކިޔާވެސް ނުދެއެއްނު
އަރުވާލި އާދަނުގެ ސިޔާސީހާސަރު
11 March 2020
ނުބެލޭނެ އަތުން ދޫވީ ނުބެލީމާ އަތުން ދޫވީ ބުނެ ބުނެ ވެސް ނުބެލީމާ ނޫން ތޯ؟ ވަރަށް ސަލާމް
ވިލޫ
11 March 2020
އަލީވަހީދު ބަންދުކުރޭ
މޫސާ މިނިކް
11 March 2020
ކޯޗެއްތޯބަލަންވީ ބޮޑުންމިކަމުގާޝާމިލްވޭ
މާޓިން ބަޝީރު
11 March 2020
ޗައިނާގަ މިކަހަލަ އިހުމާލެއް ވެއްޖެނަ މިކަމާ ގުޅޭ އެންމެން މިހާތު ތިބޭނީ ޖަލުގަ. އެމީހުންގެ މިކަހަލަ ކަންކަމުގެ ނިޒާމު ރަގަޅުވީމަ ފަނިހަދާމީހާ ވަރަށް ފަސޭހައިން ފެންނާނެ. އަހަރުމެން ގައުމުގަ ހުރިހާ ޑިއު ޕްރޮސެސްއެއް ހިންގާނެ އެކަމަކު ދެން ވާނުވާއެއް ނޭގޭނޭ. ދުވަސްކޮޅަކުން ނޫހަކުންވެސް އެކަމާބެހޭ ހަބަރެއް ނުފެންނާނެ. އާހިރަތުގަ ކުއްވެރިވާނެ މީހަކުވެސް ނުހުންނާނެ. އޮޅިގެން ކުރެވުނު ކަމަކަށްވާނީ.
ޓްރަމްޕް
11 March 2020
ބަލާބަ. އަހަރުމެން އަމިއްލަ އަތުން އަމިއްލަ ލޮލަށް އިލޮށި ހަރާލީ. ކޮންމެވެސް ބައެެއްގެ އަމިއްލަ އެދުމާހެދި، މުޅި ގައުމު ބޮޑު ނުރައްކަލަކަށް ވައްޓާލަނީ. ޖެހިލުމެއްނެތި. މީ ކުރިއަކުން އަހަރުމެންގެ ދިވެހިންގެ ގޮތެއްނުން.
ދޭދޭ ޚިޔާލު
11 March 2020
އެހެންވީމަ މިފަދަ ބޮޑު ބަލިމަޑުކަމެއްގަ އެއާޕޯޓުން ބަލިމީހެއްކަމަށް ޝައްކުކުރެވޭ މީހަކަށް އަމަލުކުރާނެ ވަރުގަދަ ޕްރޮޓޮކޯލް އެއް އެޗްޕީއޭ އާއި ހެލްތު މިނިސްޓްރީން އެއާޕޯޓުގައި ގާއިމުކޮށް ދެއްވާފައި ވަނިކޮށް އެކަން ގަޑުބަޑު ކުރިމީހުން ހޯދަން މާއުނދަގޫ ނުވާނެ ކަންނޭގޭ، އޮން ދަ ކޮންޑިޝަން ހެލްތުމިނިސްޓްރީން ޓީވީއަށް އަރާ އެބުނީ ރަގަޅަށް ކަމަށްވާނަމަ. ދެޓް އެޕްރޮޓްކޯލް ވަނީ ގާއިމް ކޮށްފައޭ.
ރަސީދުަ.
11 March 2020
އޭނަ ބެލި ޑަކްޓަރު އެނާ ރާއްޖޭގަ ހުއްޓައި ޕޮސިޓިވެ ވިކަމަށް ބުނާއިރު، ދެންވެސް ފުރަންދިޔަކަމާ ، ބޯޓުން ބޭލުވިކަމާ، އެއާރ ޕޯޓު ކްލިނިކަށް ދެއްކިކަމާ، އެމިރޭޓުސް އަށް ޓިކެޓް ބަދަލު ކުރިކަމާ، ހުރިތަނާ ދަތުރު ކުރިގޮތާ ހުރިހާ އެއްޗެއް އިގެން އޮތްކަމެއް ދެން ބެލީމަ ފެންނާނީ ކޯޗެއް .
ޣުރައ
11 March 2020
ތިއަލީވަހަިދުމެންނަށް ރިސޯޓްތަކުންނާއި ގެސްޓްހައުސްތަކުން ފްރީ އެކޮމޮޑޭޝަން ދޭހާހިނދަކު ތިކަންކަމެއްނުބެލޭނެ.ވަރަށްސަަފް
މެދުހެންވޭރު
11 March 2020
އެމީހާއަށް އިހުމާލުވެއްޖެނަމަ ހިތާމަހުރި. ތިޔަ އިހުމާލުވިއްޔާ އެކަން ކުރީ އެޗް.ޕީ.އޭ އިން ކަމަށް ރިސޯޓުން އެބަބުނޭ! މިކަން ރަގަޅަށް އެގޭނެ ދަރުބާރުގޭގަ އެހުރި ކޮވިޑް19 ސެންޓަރަށް ވަދެލީމަ. ވަރަށް ސަލާމް