ހދ. ކުޅުދުއްފުށި: ގަރުނެއް ކުރީގެ ތަރިޖެހިގެއަކީ އަލީ މުހައްމަދު (އަލިބެ)ގެ ކުޑައިރުގެ ހަނދާންތަކާ ގުޅިފައިވާ ގެއެެއް. މައިންބަފައިންނާއެކު އުޅެބޮޑުވި އެ ގެ ހުރި ގޮތަށް ބަހައްޓާފައި ހުރީ އެ ހަނދާންތަކާއެކު އޭނާ ދިރިއުޅެން ބޭނުންވާތީ. ގޭގައި އެކަނިމައިއެކަނި އޭނާ ދިރިއުޅެމުން އަޔަސް، އެ ފަޅުކަމަށް ދިރިމެއް ލބެނީ އިހުގެ އެ ގޭ ބަލާލުމަށް ޒިޔާރާތްކުރާ މީހުންގެ ސަބަބުން. އިހުގެ ގޮތަށް ހުންނަ މި ކަހަލަ ގެތަކަކީ މިހާރު ރާއްޖެއިން އެހާ އާންމުކޮށް ފެންނަ ތަންތަނަށް ނުވާތީ ކުޅުދުއްފުށި ސިޓީ ކައުންސިލުން ނިންމާފައި ވަނީ ގަރުނެއް ކުރީގެ މި ހަނދާންތައް ހިމާޔަތްކުރަން.-- ފޮޓޯތައް: ފަޔާޒް މޫސާ | މިހާރު

މާލެ- ޖެނުއަރީ 6، 2025: ބޮޑުތަކުރުފާނު މަގުގައި ތާރު އަޅައި ޒަމާނީ ފެންވަރަށް ހެދުމަށް ސަރުކާރުން ފަށާފައިވާ މަޝްރޫއުގެ ދަށުން ބާޒާރުމަތީގެ މަގު ފުޅާކުރުމުގެ މަސައްކަތް ކުރިއަށް ގެންދަނީ. އެ މަސައްކަތުގެ ދަށުން ނޯތު ހާބަރުގެ އެއްގަމު ތޮށި ބޭރަށް ޖެއްސުމަށްޓަކައި ޝީޓް ޕައިލް ޖެހުމުގެ މަސައްކަތް މިހާރު ވަނީ ފަށާފައި. ސަރުކާރުގެ އަމާޒަކީ ބާޒާރުމަތީގެ މަގު ފުޅާކުރުމުގެ މަސައްކަތް އަންނަ ރޯދަ މަހުގެ ކުރިން ނިންމާލުން.-- ފޮޓޯ: ނިޝާން އަލީ | މިހާރު